Fréttasafn 2010
Börn og ungmenni til umræðu á HIV/alnæmis-ráðstefnunni í Vín
26.jul.2010
| Alþjóðlega ráðstefnan um HIV/alnæmi, AIDS 2010, lagði áherslu á mikilvægi þess að koma í veg fyrir smit frá móður til barns. Sérfræðingar UNICEF í HIV/alnæmi komu saman frá yfir 35 löndum á ráðstefnunni sem nú er að ljúka. |
 |
Ungmenni Austur-Evrópu og Mið-Asíu upplifa skömm og útskúfun
19.jul.2010
| HIV veirunni er líkt við neðanjarðar farsótt í Austur-Evrópu og Mið-Asíu samkvæmt nýrri skýrslu sem UNICEF kynnir í dag. Veiran breiðist hratt út og er eiturlyfjaneysla, áhættusöm kynhegðun og neikvæður félagslegur stimpill sem fylgir því að sækja sér ráðgjöf og meðferð, eins og bensín á bálið. |
 |
Leo Messi spilar nýtt hlutverk sem velgjörðasendiherra UNICEF
16.jul.2010
| Leo Messi, hjá knattspyrnuliðinu Barselóna og argentíska landsliðinu, fór í fyrstu vettvangsheimsókn sína í gær með UNICEF síðan hann var skipaður velgjörðasendiherra samtakanna í mars síðastliðnum. |
 |
Sex mánuðum frá jarðskjálftanum á Haítí eru börn enn í hættu og þurfa aðstoð
12.jul.2010
| Sex mánuðum eftir að einn stærsti jarðskjálfti í 200 ár á Haítí olli mikilli eyðilegginu er það hjálparstarfsfólki mikil áskorun að mæta þörfum þeirra 800 þúsund barna og fjölskyldna þeirra sem þurfa á hjálp að halda. UNICEF veitir viðamikla neyðaraðstoð. |
 |
Greiðsluseðlar sendir út vegna mistaka
09.jul.2010
| Fyrir mistök hjá Íslandsbanka voru sendir út greiðsluseðlar heim til allra heimsforeldra sem eru með beingreiðslur í maí, júní og júlí. UNICEF biðst velvirðingar á þessum tæknilegu mistökum og biður heimsforeldra vinsamlegast að henda greiðsluseðlunum. Greiðslur eru innheimtar rafrænt. UNICEF mun ekki bera kostnað af þessum póstsendingum bankans. |
 |
05.jul.2010
| Nú þegar Heimsmeistaramótið í knattspyrnu karla nær hámarki eru verkefni UNICEF og samstarfsaðila um vernd barna í fullum gangi. Verkefni UNICEF í tengslum við mótið eru fimm; stofnun barnvænna staða, þjálfun félagsráðgjafa, Rauða spjalds-átakið, kynning á siðareglum í ferðamannaiðnaðinum og íþróttahátíðir. |
 |
Bæklingur um erfðagjafir til UNICEF kominn út
25.jun.2010
| Það færist í vöxt að fólk kjósi að ánafna hluta eigna sinna til góðgerðamála eftir sinn dag. UNICEF á Íslandi hefur nú tekið saman bækling til þess að skýra mikilvægi erfðagjafa fyrir framtíðarstarf samtakanna, auk þess sem bæklingurinn inniheldur svör við spurningum um erfðagjafir til hjálparsamtaka. |
 |
UNICEF dreifir 40 tonnum af hjálpargögnum í Kirgistan
22.jun.2010
| Þrátt fyrir auknar áhyggjur af öryggismálum hefur UNICEF hafið stórfellda dreifingu hjálpargagna til fólks á flótta undan ofbeldinu í Kirgistan. Á sama tíma hefur hluti af fjölskyldum af kynþætti Úsbeka, sem flúðu yfir til nágrannalandsins Úsbekistan, fengið pláss í flóttamannabúðum sem UNICEF styður. |
 |
Átök í Kirgistan splundra fjölskyldum
18.jun.2010
| Um 400 þúsund manns hafa nú misst heimili sín vegna átakanna í Suður-Kirgistan. UNICEF hefur varað við því að fjölskyldur tvístrist og að börn verði ein og umkomulaus.Yfirmaður UNICEF í Kirgistan, Jonathon Veitch, sagði að 90% flóttafólks væru konur, börn og eldra fólk. |
 |
Ný íslensk skýrsla um mansal í Gíneu-Bissá
16.jun.2010
| UNICEF áætlar að á hverju ári fari fjöldi barna frá Gíneu-Bissá til Senegal og Gambíu vegna vinnu og trúarlegs náms. Skýrsla þessi byggist á rannsókn sem gerð var að ósk UNICEF í Gíneu-Bissá til að afla upplýsinga um ástæður, umfang og afleiðingar þessa og hvort um eiginlegt mansal barna sé að ræða. |  |
Sextíu og fjórir nýir heimsforeldrar á Akranesi
15.jun.2010
| Á undanfarinni viku hafa 64 Skagamenn gerst heimsforeldrar. Bætast þeir þar með í hóp rúmlega 300 Akurnesinga sem styrkja UNICEF með mánaðarlegum framlögum í gegnum heimsforeldraverkefnið og styðja þannig við starf samtakanna í þágu bágstaddra barna um allan heim. |  |
UNICEF sendir hjálpargögn til landamæra Kyrgistan
15.jun.2010
| UNICEF sendi í gær hjálpargögn með sex vörubílum frá Tashkent, höfuðborg Úsbekistan, til flóttafólks sem flúið hefur átökin í Kyrgistan. Um er að ræða 76 tjöld, 2.210 teppi, 25 heilsugæslupakka sem innihalda sárabindi, sápur, klúta, bleyjur, o.fl., um 500 pakka með eldhúsáhöldum, 1.100 boli, 900 pakka af vatnshreinsitöflum og 1764 vatnsdunka. |  |
Nýr stjórnarformaður UNICEF á Íslandi
14.jun.2010
| Svanhildur Konráðsdóttir er nýr stjórnarformaður UNICEF á Íslandi, en hún hefur setið í stjórn samtakanna í þrjú ár. Tilkynnt var um þetta á aðalfundi UNICEF á Íslandi í Þjóðminjasafninu í dag. Hún tekur við af Þórunni Sigurðardóttur sem setið hefur í stjórn UNICEF á Íslandi frá stofnun samtakanna, þar af sem formaður síðustu tvö ár. |  |
Te & kaffi veita UNICEF veglegan styrk
08.jun.2010
| Stefán Ingi Stefánsson, framkvæmdastjóri UNICEF á Íslandi, veitti fyrir helgi viðtöku rúmlega 1,4 milljónum króna frá Sigmundi Dýrfjörð, framkvæmdastjóra Te & Kaffis. Þessi upphæð bætist við rúmar fjórar milljónir sem þegar hafa safnast í sameiginlegu fjáröflunarverkefni UNICEF og Te & kaffis. |  |
Metþátttaka í UNICEF-hreyfingunni
02.jun.2010
| Grunnskólaverkefni UNICEF á Íslandi, UNICEF-hreyfingin, eflist með hverju árinu sem líður. Það sem af er þessu ári hafa 25 skólar og frístundaheimili skráð sig til þátttöku, en hægt er að framkvæma verkefnið hvenær árs sem er. Tæplega fjögur þúsund nemendur hafa tekið þátt í verkefninu í ár. |  |
Rausnarleg gjöf frá fermingarstúlku
02.jun.2010
| Harpa Hrönn Hjaltalín Arnarsdóttir leit við á skrifstofu UNICEF á dögunum með góðan glaðning. Harpa Hrönn, sem fermdist í vor, tók þá ákvörðun að láta 40 þúsund krónur af fermingarpeningunum renna til starfsemi UNICEF í þágu þurfandi barna. UNICEF á Íslandi kann henni bestu þakkir fyrir frábært framtak. |
 |
Nemendur í M.A. styrkja UNICEF
01.jun.2010
| Nemendur í félagsfræðiáfanganum FÉL313, félagsfræði þróunarlanda, í Menntaskólanum á Akureyri hafa á þessari önn staðið fyrir söfnun til styrktar UNICEF. Tveir viðburðir voru haldnir í skólanum, bíókvöld og tölvuleikjamót, og rann ágóðinn óskiptur til UNICEF, samtals 133.086 kr. |  |
Yfirlýsing frá framkvæmdastjóra UNICEF vegna réttarhalda yfir barnahermanni í Guantanamó-flóa
28.maí.2010
| Anthony Lake, framkvæmdastjóri UNICEF, hefur sent frá sér yfirlýsingu vegna fyrirhugaðra réttarhalda yfir Omar Khadr sem var handtekinn og færður til Guantanamo-flóa vegna glæpa sem hann er sagður hafa framið 15 ára gamall. |
 |
Átak í skráningu heimsforeldra
25.maí.2010
| Ýtt hefur verið úr vör átaki í nýskráningu heimsforeldra. Á næstu misserum mun starfsfólk frá UNICEF ganga í hús á höfuðborgarsvæðinu í þeim tilgangi að kynna UNICEF og bjóða fólki að ganga til liðs við heimsforeldraverkefni samtakanna. Þessa dagana er starfsfólkið á ferli í Grafarvogi. |
 |
Nýr framkvæmdastjóri tekur við hjá UNICEF
02.maí.2010
| Anthony Lake tók við sem framkvæmdastjóri UNICEF í gær. Hann er sjötti framkvæmdastjóri UNICEF í 64 ára sögu samtakanna. Lake hefur yfir 45 ára reynslu af opinberri stjórnsýslu í Bandaríkjunum og innan alþjóðasamtaka. |
|
Dregur úr dauðsföllum vegna malaríu
28.apr.2010
| Mikill árangur hefur náðst á síðustu árum í báráttunni gegn malaríu, ekki síst í sunnanverðri Afríku. Í stað þess að sjúkdómurinn valdi dauða afrísks barns á þrjátíu sekúndna fresti, eins og verið hefur um árabil, er nú nær að tala um 40-45 sekúndur. |
 |
Þátttakendur í RVK-maraþoni geta hlaupið fyrir UNICEF
26.apr.2010
| Líkt og undanfarin ár gefst þátttakendum í Reykjavíkurmaraþoni Íslandsbanka 2010 kostur á að hlaupa í þágu góðs málefnis. Allir hlauparar geta valið að tengja sig tilteknu góðgerðarfélagi, hvetja svo vini og vandamenn til að heita á sig og renna áheitin til félagsins. |
 |
Dreifing hjálpargagna hefur tafist vegna eldgossins
23.apr.2010
| Eins og flestum er kunnugt hefur eldgosið í Eyjafjallajökli valdið miklum truflunum á flugsamgöngum. UNICEF hefur m.a. ekki getað komið hjálpargögnum á vettvang víða um heim. Birgðastöð UNICEF í Kaupmannahöfn vinnur náið með samstarfsaðilum til að finna aðrar leiðir fyrir hjálpargögn í þeim tilgangi að minnka áhrif flugbannsins á hjálparstarfið. |
 |
Aðeins 40% íslenskra barna þekkja réttindi sín
21.apr.2010
| Íslensk og dönsk ungmenni telja sig vita minnst um réttindi sín, en 40 prósent íslenskra ungmenna telja sig ekki þekkja þau, miðað við 68% finnskra barna. Þetta er meðal þess sem kemur fram í nýrri skýrslu sem byggir á könnun á viðhorfum 12-16 ára barna til réttinda og þátttöku. Efni skýrslunnar verður kynnt á hádegisfundi (kl. 12-13) í dag á Laugavegi 42. |
 |
Norræn könnun um réttindi barna til þátttöku
20.apr.2010
| UNICEF á Íslandi mun halda hádegisfund á morgun, miðvikudaginn 21. apríl kl. 12-13, á skrifstofu samtakanna að Laugavegi 42, þar sem kynntar verða helstu niðurstöður könnunar sem gerð var meðal 12-16 ára ungmenna á öllum Norðurlöndunum um þátttöku- og réttindavitund barna. Könnunin var gerð frá ágúst 2009 til febrúar 2010. |  |
19.apr.2010
| Íslenskum fyrirtækjum stendur nú til boða að kaupa gæðakaffi frá Te & Kaffi og styrkja í leiðinni UNICEF. 20% af andvirði kaffisins rennur til UNICEF og verður söfnunarfénu varið í hjálparstarf samtakanna fyrir börn um allan heim. |
 |
Robbie Williams vekur athygli á neyð barna á Haítí
16.apr.2010
| Nú þegar þrír mánuðir eru liðnir frá hamförunum á Haítí vekur breski söngvarinn og velgjörðarsendiherra UNICEF, Robbie Williams, athygli á neyð barna í landinu. Hann hvetur fólk til að gera allt sem það getur til að veita börnum þar hjálparhönd. |
 |
Þúsaldarmarkmið um heilnæmt vatn innan seilingar
31.mar.2010
| Í nýlegri skýrslu WHO og UNICEF eru settar fram niðurstöður sem kalla á blendin viðbrögð. Annars vegar er þar fjallað um góðan árangur við að tryggja sem flestum heilnæmt vatn. Hins vegar kemur fram að almennur aðgangur að fullnægjandi hreinlætisaðstöðu sé fjarlægt markmið. |
 |
UNICEF sameinar fjölskyldur á Haítí
25.mar.2010
| Starfsmaður UNICEF hitti hinn átta ára gamla Jefferson í miðstöð fyrir umkomulaus börn í hjarta Port-au-Prince á Haítí. Jefferson hafði dvalið þar í tvær vikur, einn af þúsund börnum sem höfðu orðið viðskila við fjölskyldur sínar í kjölfar jarðskjálftans mikla 12. janúar síðastliðinn. Horfa á vídeó. |
|
Aurora styrkir UNICEF í Síerra Leóne um 40 milljónir
20.mar.2010
| Stjórn Auroru velgerðasjóðs hefur tilkynnt þá ákvörðun sína að veita 40 milljónum króna til verkefna UNICEF á sviði menntunar í Vestur-Afríkuríkinu Síerra Leóne. Meðal markmiða verkefnisins sem Aurora styrkir með svo rausnarlegum hætti er að byggja upp barnvænt menntakerfi og skólahúsnæði. |
|
15.mar.2010
| Sérstök góðgerðarpáskaegg til styrktar UNICEF hafa verið til sölu undanfarnar tvær vikur í mörgum af stærri matvöruverslunum á höfuðborgarsvæðinu sem og minni útsölustöðum. Um er að ræða sérpökkuð súkkulaðiegg með íslenskum málsháttum um börn. Nú þegar rúmar tvær vikur eru til páska hafa yfir tvö þúsund egg selst. |
 |
UNICEF veitir einni milljón barna í Chile aðstoð
12.mar.2010
| UNICEF mun veita einni milljón barna aðstoð eftir jarðskjálftana í Chile sem hófust 27. febrúar síðastliðinn. Það er enn óljóst hversu eyðileggingin er mikil eftir harða jarðskjálftann í gær. Talið er að yfir 500 manns hafi látist eftir fyrri skjálftann. UNICEF mun veita aðstoð á sviði vatns og hreinlætis, menntunar og verndar. |
|
Lionel Messi nýr velgjörðasendiherra UNICEF
11.mar.2010
| Í dag verður einn vinsælasti knattsyrnumaður heims, hinn argentínski Lionel Messi, útnefndur sem velgjörðarsendiherra UNICEF. Messi bætist þar með í hóp heimskunnra einstaklinga sem kjósa að nota frægð sína í þágu bágstaddra barna um allan heim og vekja athygli á starfi UNICEF. |  |
08.mar.2010
| Ann M. Veneman, framkvæmdastjóri UNICEF, gaf út yfirlýsingu í dag vegna alþjóðlegs baráttudags kvenna, 8. mars. Hún segir m.a. frá heimsókn sinni í miðstöð fyrir stúlkur sem bjargað hefur verið frá vændi í Gvatemala. Dagurinn minnir okkur á að mikið verk er óunnið, ekki síst við að tryggja stúlkum og konum vernd gegn ofbeldi og mistnokun. |  |
Viðbrögð vegna jarðskjálftanna í Chile
02.mar.2010
| UNICEF er í viðbragðsstöðu eftir jarðskjálftann á Chile síðastliðinn laugardag, sem mældist 8,8 á Richter-skala. Talið er að um 700 manns hafi látist í jarðskjálftanum og 1,5 m. manna hafa misst heimili sín, auk þess sem skólar, sjúkrahús, vegir og aðrar byggingar eyðilögðust. UNICEF hefur ekki hafið alþjóðlega söfnun vegna skjálftanna. |
 |
UNICEF-páskaegg komin í verslanir
02.mar.2010
| Sérstök góðgerðarpáskaegg til styrktar UNICEF verða til sölu í flestum stærri matvöruverslunum á höfuðborgarsvæðinu fyrir þessa páska. Um er að ræða lítil sérpökkuð súkkulaðiegg með íslenskum málsháttum um börn. Páskaeggin verða auk þess á boðstólum á fjölmörgum kaffihúsum og í smærri verslunum. Söluverð páskaeggjanna er 500 krónur. |
|
Nemendur FSN styrkja hjálparstarf UNICEF á Haití
01.mar.2010
| Fjölbrautaskóli Snæfellinga hélt upp á Sólardaga í febrúar. Þá er hefðbundið skólastarf brotið upp með fjölbreyttri og skemmtilegri dagskrá fyrir nemendur. Nokkrir þeirra ákváðu að láta gott af sér leiða í leiðinni og söfnuðu um 50 þúsund krónum fyrir starf UNICEF í þágu þurfandi barna á Haítí. |
 |
Mánuður frá jarðsjálftanum á Haítí
16.feb.2010
| Mánuður er nú liðinn frá því að öflugur jarðskjálfti reið yfir Haítí með skelfilegum afleiðinum fyrir fjölda fólks. Sameinuðu þjóðirnar áætla að yfir þrjár milljónir manna – þriðjungur íbúa á Haíti – hafi orðið fyrir miklum skaða. Afleiðingar hörmunganna bætast ofan á langvarandi fátækt og óstöðugleika á Haítí. |
 |
UNICEF þarf 1,2 milljarða USD til að bregðast við neyð
08.feb.2010
| Í nýrri skýrslu Barnahjálpar Sameinuðu þjóðanna (UNICEF), Humanitarian Action Report 2010, kemur fram að UNICEF þarf um 1,2 milljarða bandaríkjadala til að koma börnum og konum til hjálpar á 28 svæðum þar sem samtökin telja að þörfin á neyðaraðstoð sé sérstaklega aðkallandi. |
 |
Viðamikið bólusetningarátak hafið á Haítí
04.feb.2010
| UNICEF hefur hafið umfangsmikið bólusetningarátak á Haítí í samstarfi við heilbrigðistráðuneyti landins og Alþjóðaheilbrigðismálastofnunina (WHO). Átakinu er ætlað að ná til rúmlega hálfrar milljónar barna undir sjö ára aldri sem verða bólusett gegn mislingum, rauðum hundum, barnaveiki, stífkrampa og kíghósta. |
 |
Starfsfólk UNICEF á Haítí vinnur við erfiðar aðstæður
02.feb.2010
| UNICEF hefur verið með starfsemi á Haítí frá 1949. Starfsfólk samtakanna hefur smám saman náð að aðlaga sig að erfiðum aðstæðum í kjölfar jarðskjálftans sem skók landið af svo tortímandi mætti þann 12. janúar síðastliðinn. Hér má sjá viðtöl við starfsfólk og fá innsýn inn í þær aðstæður sem hjálparstarfsfólk glímir við. |
 |
29.jan.2010
| Neyðin á Haítí er að stórum hluta neyð barna. Nærri 40 prósent Haítí-búa eru yngri en 14 ára og helmingurinn er yngri en 18 ára. Ýmsar ógnir steðja að fjölda barna á hamfarasvæðinu, s.s. næringar- og vatnsskortur, sjúkdómar og misnotkun og mansals. |  |
250.000 krónur söfnuðust á tónleikum fyrir Haítí
29.jan.2010
| Tónlistarvefurinn Gogoyoko og tónleikastaðurinn Sódóma Reykjavík, í samstarfi við Hljóð X og sex íslenskar hljómsveitir, stóðu fyrir tónleikum í gær til styrktar hjálparstarfi UNICEF á Haítí. Alls söfnuðust 250.000 krónur og renna þær óskiptar til hjálparstarfsins. |  |
Tónleikar til styrktar hjálparstarfi UNICEF á Haítí
28.jan.2010
| Gogoyoko og Sódóma Reykjavík standa að tónleikum til styrktar hjálparstarfi UNICEF á Haítí í kvöld, fimmtudaginn 28. janúar. Sex hljómsveitir koma fram og gefa þær allar vinnu sína. Miðaverð er hóflegt, 1.000 krónur, og rennur andvirðið óskipt til UNICEF auk þess sem tekið er á móti frjálsum framlögum á staðnum. |  |
Hin margfalda neyð barna á Haítí
25.jan.2010
| Aðstoð berst nú til barna sem fóru illa út úr jarðskjálftanum sem reið yfir Haítí þann 12. janúar. Gríðarleg neyð ríkir þó enn á Haítí. Afleiðingar hörmunganna, þar með talið áhrif jarðskjálftans á heilsu og öryggi barna, bætast ofan á langvarandi ástand fátæktar og óstöðugleika á Haítí. |  |
Hreint drykkjarvatn og öruggt skjól á Haítí
22.jan.2010
| Fimm flugfarmar af hjálpargögnum frá Barnahjálp Sameinuðu þjóðanna (UNICEF) hafa borist til Haítí síðan að jarðskjálftinn reið yfir. Síðan söfnun UNICEF á Íslandi fyrir fórnarlömb jarðskjálftans á Haítí hófst þann 14. janúar hafa um fjórar milljónir íslenskra króna safnast. |
 |
Frásögn starfsmanns UNICEF á Haítí
21.jan.2010
| Upplýsingafulltrúi UNICEF, Tamar Hahn, er stödd á Haítí og heldur áfram að lýsa því sem fyrir augu ber. Hún heimsótti börn sem urðu viðskila við foreldra sína í jarðskjálftanum og fékk að heyra sögur þeirra. Hún skrifar einnig um aðstæður fólks og hina gríðarlegu þrautseigju Haítíbúa. Tengil á frásögn hennar má finna hér í fréttinni. |
 |
21.jan.2010
| Sterkur eftirskjálfti skók Haítí í gærmorgun og jók hann enn frekar á streitu og hræðslu barna og fjölskyldna þeirra á jarðskjálftasvæðunum. Neyðaraðstoð heldur áfram á hamfarasvæðunum. Símanúmer í söfnun UNICEF eru 908-1000, 908-3000 og 908-5000. |
|
UNICEF hefur þungar áhyggjur af öryggi barna á Haítí
20.jan.2010
| Þúsundir barna hafa misst foreldra sína eða orðið viðskila við fjölskyldur sínar í kjölfar jarðskjálftans á Haítí. Þessi börn eru afar berskjalda gegn ofbeldi og misnotkun. UNICEF leggur mikla áherslu á að tryggja varnarlausum börnum nauðsynlega vernd samhliða því að koma nauðsynlegum hjálpargögnum til ungra eftirlifenda. |
 |
Átakanleg frásögn UNICEF-starfsmanns frá Haítí
19.jan.2010
| Upplýsingafulltrúi UNICEF, Tamar Hahn, er stödd á Haítí og lýsir því sem fyrir augu ber á heimasíðu UNICEF í Bretlandi. Lýsingar hennar eru vægast sagt átakanlegar. Tengil á frásögn hennar má finna hér í fréttinni. |
 |
2,5 milljónir króna hafa safnast
17.jan.2010
| Íbúar Port-au-Prince og annara svæða á Haítí sem fóru illa út úr jarðskjálftanum þann 12. janúar sofa nú margir undir berum himni, umkringdir rústum heimila sinna. Söfnun UNICEF á Íslandi gengur vel, en nú um helgina höfðu safnast yfir 2,5 milljónir króna. Hægt er að veita framlög hér á síðunni. |
 |
15.jan.2010
| Lífsnauðsynleg hjálpargögn berast nú í stórum stíl til Haítí í gegnum birgðanet UNICEF og samstarfsstofnanna. Aukning á aðstoð er lífsnauðsynleg fyrir íbúa Haítí. Söfnun UNICEF á Íslandi er í fullum gangi, en hægt er að veita framlög hér á síðunni eða í gegnum síma 908-1000, 908-3000 og 908-5000. |
 |
14.jan.2010
| Geigvænleg eyðilegging blasir við á Haítí í kjölfar jarðskjálftans síðastliðinn þriðjudag. UNICEF hefur opnað fyrir söfnunarnúmerin 908-1000, 908-3000 og 908-5000 til stuðnings við hjálparstarf í þágu barna á Haítí. Einnig er tekið á móti framlögum hér á síðunni. | |
UNICEF í viðbragðsstöðu í kjölfar jarðskjálfta á Haítí
13.jan.2010
| Afar öflugur jarðskjálfti hefur valdið miklu tjóni á Haíti. Skjálftinn átti upptök sín um 17 kílómetra frá höfuðborginni Port-au-Prince laust fyrir klukkan 22 að íslenskum tíma í gærkvöldi. Fyrstu upplýsingar benda til þess að mannfall sé mikið og skemmdir á mannvirkjum gríðarlegar. |  |
Fimm ár liðin frá flóðbylgjunum við Indlandshaf
05.jan.2010
| Fimm ár eru nú liðin frá því að jarðskjálfti við strendur Indónesíu olli risaflóðbylgjum í Indlandshafi. UNICEF hefur gefið út skýrslu með samantekt yfir árangurinn af uppbyggingarstarfi í löndunum átta sem urðu fyrir mannskaða og tjóni af völdum flóðbylgnanna. |  |