Fjáröflun

12.4 milljónir evra söfnuðust í Mjúkdýraleiðangri IKEA á heimsvísu fyrir UNICEF og Save the Children. Þar af söfnuðust 22.594 evrur, eða 3.648.480 krónur, á Íslandi.
IKEA gefur eina evru fyrir hvert mjúkdýr og hverja barnamáltíð sem seldust í yfir 300 IKEA verslunum um allan heim á tímabilinu 1. nóvember til 23. desember 2011.

 

Í dag kallar UNICEF eftir 1,28 milljörðum Bandríkjadala, 157 milljörðum króna, til að fjármagna neyðarhjálp í ár en í  því felst að koma börnum í yfir 25 löndum til hjálpar. UNICEF birti í dag skýrslu sína, Humanitarian Action Report, en þar er þörfin í ólíkum löndum greind og farið yfir hvaða leiðir UNICEF telur færar til hjálpar.

Óvenjuleg jólagjöf fyrir bágstödd börn hefur heldur betur slegið í gegn á aðventunni. Hér er um að ræða svokallaða gefandi gjafakörfu: Fulla af bóluefnum, námsgögnum, lyfjum og fleiru. Gefandinn fær fallegt gjafabréf en hjálpargögn eru send á vettvang. Gefðu jólagjöf sem er sönn gjöf!

Landsmenn tóku afar vel í söfnunarátakið dag rauða nefsins sem Barnahjálp Sameinuðu þjóðanna, UNICEF, stóð fyrir í gær. Um 1650 manns hringdu inn á meðan á söfnunar- og skemmtiþætti UNICEF stóð og vildu ýmist gerast heimsforeldrar eða hækka framlag sitt. Margir hafa auk þess skráð sig á heimasíðunni í dag.

Myndbönd frá degi rauða nefsins eru á leið á netið! Nú þegar er myndband Páls Óskars við UNICEF-lagið "Megi það byrja með mér" farið út, sem og ný útgáfa af lagi Mugisons "Stingum af". Hjartnæmt myndband um valdeflingu stúlkna sömuleiðis!

Dagur rauða nefsins er í dag. Hápunkturinn er metnaðarfullur skemmti- og söfnunarþáttur í opinni dagskrá á Stöð 2 í kvöld. Þátturinn hefst klukkan 19.30 en þar kemur saman landslið skemmtikrafta, leikara og grínista.

Hjá Samskipum átti starfsfólk saman notalega jólastund og setti upp rauð nef í tilefni af degi rauða nefsins. Fátt er skemmtilegra en að gleðjast saman og gleðja um leið aðra!

Nú standa yfir æfingar á frábæru dansatriði sem enginn má missa af. Á degi rauða nefsins stígur björgunarsveitafólk á svið og dansar í þágu góðs málefnis! Fimm meðlimir Íslensku alþjóðabjörgunarsveitarinnar og þyrluflugmaður úr Landhelgisgæslunni æfðu sig í gær.

Dagbókarbrot Páls Óskars um Síerra Leóne-ferðina er hægt að lesa á Vísi. Palli var líka í frábæru viðtali í Kastljósinu þar sem hann spjallaði um hjálparstarf, upplifun sína af Síerra Leóne og dag rauða nefsins.

Páll Óskar Hjálmtýsson og Halldóra Geirharðsdóttir hafa kynnt sér aðstæður barna og starf UNICEF á vettvangi í Síerra Leóne, Úganda og Haítí. Um helgina mátti lesa um upplifun þeirra í Fréttablaðinu og Sunnudagsmogganum.

Grallaralegu rauðu nefin Skreppur, Skotta og Skjóða hafa fengið frábærar viðtökur meðal landsmanna. Hægt er að nálgast nefin í Bónus, Hagkaup, útibúum MP banka og hjá Te & Kaffi, auk þess sem skátafélög um land allt leggja UNICEF lið.

Að senda UNICEF-jólakort til vina og vandamanna er hefð á mörgum heimilum enda eiga kortin sér yfir hálfrar aldra sögu á Íslandi. Útsölustaðir hafa aldrei verið fleiri en í ár en jólakortin má nálgast á pósthúsum og í verslunum Pennans/Eymundssonar, A4, Bókabúð Máls og menningar, Iðu og Bóksölu stúdenta.

Dagur rauða nefsins er 9. desember og í dag hefst sala á rauðu nefjunum! Það var frú Vigdís Finnbogadóttir, verndari heimsforeldra, sem setti upp fyrsta nefið. Nefin í ár eru einstaklega skemmtileg og Vigdís valdi hana Skottu! Einnig verða þau Skjóða og Skreppur til sölu.

Söfnunaráakið Mjúkdýraleiðangurinn stendur nú yfir í verslun IKEA á Íslandi. Átakið er hluti af alþjóðlegu verkefni IKEA þar sem ein evra af hverju mjúkdýri sem viðskiptavinir kaupa fyrir jólin rennur til menntaverkefna á vegum UNICEF og Barnaheilla. Á heimsvísu hefur verkefnið stuðlað að betra lífi fyrir rúmlega átta milljón börn.

Þrátt fyrir að mikilvægur árangur hafi náðst á neyðarsvæðunum í austanverðri Afríku eru tugir þúsunda barna enn í bráðri lífshættu. Vannæring er enn langt yfir neyðarmörkum og hætta er á að líshættulegir sjúkdómar breiðist út. Íslendingar geta enn lagt sitt af mörkum til neyðaraðgerða UNICEF með því að hringja í sérstök söfnunarsímanúmer.
 

Árleg góðgerðarvika var haldin í Menntaskólanum við Hamrahlíð í síðustu viku. Nemendur sýndu þar mikla hugmyndaauðgi og beittu frumlegum söfnunaraðferðum. Söfnuðust alls 300.000 krónur sem renna til neyðaraðgerða UNICEF í austanverðri Afríku.

Vegna kerfislægra mistaka hjá viðskiptabanka UNICEF á Íslandi voru sendir greiðsluseðlar til þeirra heimsforeldra sem styrkja UNICEF með beingreiðslum. Við biðjumst innilegrar velvirðingar á þessum mistökum. Millifærsla af reikningi á að eiga sér stað með eðlilegum hætti. Tekið skal fram að UNICEF á Íslandi ber engan kostnað af mistökunum.

Hungursneyð hefur nú verið lýst yfir í sex héruðum í suðurhluta Sómalíu og búist er við að fleiri héruð muni fylgja í kjölfarið. UNICEF hefur þungar áhyggjur af ástandinu – enda er þetta fyrst og fremst hungursneyð barna.

Um helgina fór fram Íslandsmeistaramótið í brennibolta á Klambratúni. Sólin skein, fjöldi fólks fylgdist með, keppnin var afar hörð og hasarinn mikill - en gleðin sömuleiðis alls ráðandi! Sigurvegarinn var liðið Hot Shots úr Hafnarfirði. Allur ágóði af mótinu rann í neyðarsöfnun UNICEF fyrir þurrkasvæðin í Austur-Afríku.

Það voru fagrir flaututónar sem mættu gestum og gangandi í miðborg Reykjavíkur á laugardaginn. Þar voru komnar engar aðrar en vinkonurnar Andrea, Diljá og Hugrún sem léku á þverflauturnar sínar til að safna fé til styrktar börnum í Austur-Afríku. Söfnunin gekk einstaklega vel.

Aldrei hafa fleiri hlaupið til styrktar UNICEF á Íslandi en í áheitahlaupinu sem fram fór í tengslum við Reykjavíkurmaraþonið á laugardag. Hlaupararnir söfnuðu auk þess metupphæð: Einni milljón króna. „Stuðningur sem þessi kemur á mikilvægum tíma og er mikils metinn,“ segir svæðisstjóri UNICEF í Austur-Afríku.

Katrín Lind Birgisdóttir og Vilborg Lóa Jónsdóttir afhentu í dag fé sem þær söfnuðu með nærri fimm klukkustunda tombólu á Völlunum í Hafnarfirði á föstudag. Vinkonurnar gengu í hús, söfnuðu munum og fengu meðal annars heilt safn af tölvuleikjum! Tombólan gekk vonum framar.

Valný Lára Jónsdóttir Kjerúlf er 12 ára gömul og býr á Egilsstöðum. Hún safnaði saman gamla dótinu sínu og ýmsum munum og hélt tombólu á hátíðinni Ormsteiti nú um helgina. Valný Lára vildi koma vannærðum börnum í Austur-Afríku til aðstoðar.

Óhætt er að segja að Reykjavík hafi iðað af lífi á laugardag. Um borg og bý studdu ótal manns neyðaraðgerðir UNICEF á þurrkasvæðunum í austurhluta Afríku – og það með margvíslegum hætti: Hlaupum, ljósmyndum, bílskúrssölu og fiðluleik! Við þökkum öllu þessu frábæra fólki hjartanlega fyrir framlagið.

Ágústa Dómhildur Karlsdóttir, fiðlunemi með meiru, ætlar að styrkja hjálparstarf UNICEF í Austur-Afríku á óvenjulegan hátt á menningarnótt á morgun. Milli klukkan 15-18 mun Ágústa „böska“ fyrir utan Eymundsson á Skólavörðustíg, þ.e. spila og safna framlögum í fiðlukassann sinn. Öll framlög sem safnast munu svo renna óskipt til UNICEF.

Í nýju myndbandi með leikkonunni Ilmi Kristjánsdóttur biðlar hún til Íslendinga um að koma lífshættulega vannærðum börnum í Austur-Afríku til aðstoðar og styrkja hjálparstarf UNICEF. Myndbandið var frumsýnt í Íslandi í dag í gærkvöldi. Það hefur einnig birst í fjölmörgum vefmiðlum.

Tekið er eftir því hjá starfsmönnum UNICEF á vettvangi hve vel Íslendingar hafa brugðist við neyðarákallinu vegna ástandsins í Austur-Afríku. Starfsfólk UNICEF í Dadaab í Keníu vill meðal annars koma á framfæri innilegum þökkum fyrir stuðninginn.

Aldrei hafa fleiri hlaupið til styrktar UNICEF á Íslandi en hafa nú skráð sig til þátttöku í Reykjavíkurmaraþoninu sem fram fer á laugardag. Skráning er enn í fullum gangi og fer fram á www.hlaupastyrkur.is. Yfir 80 manns hafa þegar skráð sig fyrir UNICEF!

Fyrstu 12 dagana í ágúst hafa 26 birgðaflutningavélar flogið með 531 tonn af hjálpargögnum frá UNICEF til þurrkasvæðanna á austurodda Afríku. Megináhersla hefur verið lögð á að senda næringarbætt mauk fyrir vannærð börn ásamt næringarbættu maís- og sojamjöli sem gera má úr graut.

Reykjavíkurmaraþonið fer fram laugardaginn 20. ágúst og sem fyrr má búast við mjög góðri þátttöku. Eins og undanfarin ár gefst þátttakendum kostur á að hlaupa í þágu góðs málefnis og hafa nú þegar tæplega sextíu hlauparar valið að safna áheitum fyrir UNICEF. Öll áheit til UNICEF munu renna beint til neyðaraðgerða samtakanna í Austur-Afríku.

Í ljósi versnandi neyðarástands á Horni Afríku vara Sameinuðu þjóðirnar við því að á næstu tveimur mánuðum gæti ástandið um gjörvalla Suður-Sómalíu orðið að hungursneyð. Ótal mannslíf eru í húfi; engu að síður eru viðbrögð alþjóðasamfélagsins ennþá hæg.
 

„Þetta er erfitt.“ Þannig lýsir starfsmaður UNICEF sem staddur er í Dadaab-flóttamannabúðunum í Keníu upplifun sinni. Frásögn hans af aðstæðum í búðunum er nöturleg en hann segir starfsfólk UNICEF engu að síður halda í jákvæðnina með því að einbeita sér að því sem gera þarf til að hjálpa eins mörgum börnum og mögulegt er.

UNICEF hefur dreift 1300 tonnum af hjálpargögnum í suðurhluta Sómalíu það sem af er mánuðinum. Þar á meðal eru 653 tonn af svokallaðri UNIMIX-blöndu sem inniheldur meðal annars maís, mjólkurduft, sojamjöl, vítamín og steinefni. Úr blöndunni er búinn til næringarríkur grautur fyrir börn.

Fjöldi barna í bráðri lífshættu vegna alvarlegrar vannæringar eykst enn í þeim ríkjum Austur-Afríku þar sem neyðarástandi hefur verið lýst yfir. Fjöldi barnanna er nú kominn yfir 700.000 en var áður hálf milljón. Alls eru 2,23 milljónir barna vannærðar. UNICEF hefur þungar áhyggjur af þróuninni.

Neyðin í Sómalíu, Keníu, Eþíópíu og Djíbúti heldur áfram að vekja sterk viðbrögð á Íslandi. Sífellt átakanlegri fréttir og myndir berast nú af neyðarsvæðunum og heimsbyggðin gerir sér æ betur grein fyrir hvers konar hörmungar eiga sér stað í þessum löndum.

Hvergi í heiminum er vannæring nú meiri en í Sómalíu. Í morgun lýstu Sameinuðu þjóðirnar formlega yfir hungursneyð í tveimur héruðum landsins: Í Bakool og í Neðri-Shabelle. Neyðin bitnar mest á börnum. Þriðja hvert barn í Sómalíu er  vannært.

 

Í morgun tók flutningavél frá birgðastöð UNICEF í Kaupmannahöfn á loft. Ferðinni er heitið til Keníu og eru 76 tonn af hjálpargögnum í sendingunni. Búist er við vélin lendi í höfuðborginni Nairobi skömmu eftir miðnætti að staðartíma.

Úti á landi, í litlum þorpum og á meðal hirðingja í Keníu eru afleiðingar þurrkanna miklu hvað alvarlegastar. Um helgina fór framkvæmdastjóri UNICEF á heimsvísu til Turkana-héraðs þar sem vannæring hefur stóraukist: Hún er nú komin upp í 37%. Við vorum að fá sendar sláandi ljósmyndir úr ferðinni.

Enn versnar ástandið í Austur-Afríku eftir mestu þurrka í yfir hálfa öld. UNICEF hefur þungar áhyggjur af stöðunni og hefur aukið enn við mannúðaraðgerðir sínar á svæðinu. Hálf milljón barna er lífshættulega vannærð og í þörf fyrir tafarlausa aðstoð. Neyðarsöfnun UNICEF á Íslandi hefur gengið vel.

Íslenskir fjölmiðlar hafa á undanförnum dögum fjallað um neyðina í Austur-Afríku. Í máli þeirra hefur komið skýrt fram að börn eru í sérstakri hættu – þau líða hungur og vannæringu og hættan á farsóttum eykst frá degi til dags. Fréttirnar hafa snert djúpt við fjölmörgum Íslendingum sem hafa styrkt hjálparstarf UNICEF ötullega.

UNICEF á Íslandi kallar eftir stuðningi almennings vegna neyðaraðgerða í Austur-Afríku. Mestu þurrkar á svæðinu í yfir hálfa öld, ásamt hækkandi matvælaverði, ógna lífi og heilsu tíu milljóna manna. Þar af þjást yfir tvær milljónir ungra barna af vannæringu. Um 500 þúsund þeirra eru nú þegar talin lífshættulega vannærð.

Undanfarin ár hafa þátttakendur í Reykjavíkurmaraþoninu getað fengið vini og vandamenn til að heita á sig til styrktar góðgerðarfélagi að eigin vali. Þessi möguleiki hefur aukið skemmtanagildi hlaupsins. Við hvetjum sem flesta til að hlaupa fyrir UNICEF og leggja starfi okkar þannig lið.

Sjálfboðaliðar úr Menntaskólanum á Akureyri kynntu á dögunum heimsforeldraverkefni UNICEF fyrir Akureyringum. Árangurinn lét ekki á sér standa. Alls skráðu 26 Norðlendingar sig sem heimsforeldrar!

Heimsforeldrar UNICEF eru orðnir hátt í 17.000 talsins. Á nýafstöðnum aðalfundi UNICEF sem haldinn var í Bern fékk UNICEF á Íslandi viðurkenningu frá UNICEF alþjóðlega fyrir mestu aukningu framlaga árið 2010! Viðurkenningin er mikil hvatning.

Á mæðradaginn nú á sunnudag hefst sala á púsli til styrktar UNICEF sem ber heitið Móðurást. Það er fyrirtækið Puzzled by Iceland sem stendur að baki þessu. Eigendur fyrirtækisins bjóða að því tilefni í fjölskylduvænt kaffi í Toppstöðinni í Elliðaárdalnum. Kaffið hefst kl 3.

Óróleiki og átök í Líbíu ógna lífi og velferð mörg þúsund barna í landinu. Yfir þrjú hundruð þúsund manns hafa flúið yfir til nágrannaríkjanna Egyptalands og Túnis. Sem fyrr eru börn sérstaklega berskjalda þegar neyðarástand ríkir. UNICEF hefur hafið söfnun til styrktar börnum á svæðinu.

UNICEF er í mikilli viðbragðsstöðu vegna hinnar ógnarstóru flóðbylgju sem ferðast nú um Kyrrahafið í kjölfar gríðaröflugs jarðskjálfta við Japansstrendur í morgun. Hjálparstarfsfólk á vegum samtakanna bíður nú átekta eftir því að áhrif bylgjunnar komi betur í ljós.

Í árlegri skýrslu UNICEF kemur fram að samtökin áætla að þurfa um 1,4 milljarða bandaríkjadala til að koma börnum og konum til hjálpar á 32 svæðum þar sem samtökin telja að þörfin á neyðaraðstoð sé sérstaklega aðkallandi.

Velgerðasjóðurinn Aurora úthlutaði í dag 40 milljónum króna til styrktar verkefnum UNICEF á sviði menntunar í Afríkuríkinu Síerra Leóne. Meðal markmiða verkefnisins sem Aurora styrkir er að byggja upp barnvænt menntakerfi og skólahúsnæði, einkum með þarfir stúlkubarna í huga.

Fyrsta nóvember á nýliðnu ári hóf IKEA um allan heim söfnunarátakið Mjúkdýraleiðangurinn. Leiðangurinn stóð til 23. desember og gaf IKEA eina evru fyrir hvert mjúkdýr sem seldist á tímabilinu. Söfnunarféð rann til UNICEF og Barnaheillar – Save the Children sem nota féð til að styðja við menntun bágstaddra barna í heiminum.

Íslensk landsdeild Delta Kappa Gamma hefur afhent UNICEF á Íslandi framlag sem rennur til verkefnis sem miðar að því að tryggja börnum menntun í fátækustu ríkjum Afríku, Schools for Africa. Íslenska landsdeildin bætist þar með í hóp annarra landsdeilda Delta Kappa Gamma sem styrkja þetta mikilvæga verkefni.

UNICEF á Íslandi hefur sett á markað gjafir sem geta breytt lífi nauðstaddra barna, eða svokallaðar „Sannar gjafir“. Um er að ræða  raunverulegar gjafir sem fólki býðst að kaupa í vefverslun UNICEF, en þeim er síðan dreift árið um kring til barna og fjölskyldna þeirra í samfélögum þar sem þörfin er mest.

Að senda UNICEF-jólakort til vina og vandamanna er hefð á mörgum heimilum enda eiga kortin sér yfir hálfrar aldra sögu á Íslandi. Útsölustaðir hafa aldrei verið fleiri en í ár en jólakortin má nálgast á pósthúsum og í verslunum Pennans/Eymundssonar, A4, Bókabúð Máls og menningar, Bóksölu stúdenta og víðar.

Vegna kerfislægra mistaka voru sendir greiðsluseðlar til þeirra heimsforeldra sem styrkja UNICEF með beingreiðslusamningi. UNICEF á Íslandi biður innilegrar velvirðingar á þessum mistökum sem nú hefur verið komið fyrir. Millifærsla af reikningi verður framkvæmd sjálfkrafa síðar í dag og því skal ekki greiða fyrrnefnda greiðsluseðla.

Landsmenn tóku vel í söfnunarátakið Dag rauða nefsins sem Barnahjálp Sameinuðu þjóðanna, UNICEF, stóð fyrir í gær. Alls söfnuðust 173 milljónir króna og hátt í 2000 manns bættust í hóp heimsforeldra, mánaðarlegra styrktaraðila Barnahjálparinnar.

Landssöfnun Barnahjálpar Sameinuðu þjóðanna (UNICEF) Dagur rauða nefsins er í dag! Í kvöld mun landslið leikara og grínista sameina krafta sína í stórum skemmti- og söfnunarþætti í opinni dagskrá á stöð 2. Gamanið hefst á slaginu 20.00.

Vegna kerfislægra mistaka voru sendir greiðsluseðlar til þeirra heimsforeldra sem styrkja UNICEF með beingreiðslusamningi. UNICEF á Íslandi biður innilegrar velvirðingar á þessum mistökum sem nú hefur verið komið fyrir. Millifærsla af reikningi verður framkvæmd sjálfkrafa síðar í dag og því skal ekki greiða fyrrnefnda greiðsluseðla.

Dagur rauða nefsins nálgast nú óðfluga. Hápunkturinn er skemmti- og fjáröflunarþáttur í opinni dagskrá á Stöð 2 á föstudaginn. Nú fer hver að vera síðastur að tryggja sér rautt nef til styrktar bágstöddum börnum en nefin fást í verslunum Bónuss og Hagkaups og útibúum Íslandsbanka. Auk þess taka skátar og íþróttafélög um land allt þátt í átakinu með nefjasölu.

Bylgjan mun opna söfnunarsíma UNICEF, 562 6262, í tengslum við Dag rauða nefsins næstkomandi mánudag. Þannig getur fólk byrjað að skrá sig sem heimsforeldra strax á mánudaginn þrátt fyrir að hápunkti átaksins verði ekki náð fyrr en í sjónvarpsútsendingunni á Stöð 2 föstudaginn 3. desember.

Lag Dags rauða nefsins í ár er í flutningi hinnar stórskemmtilegu og fjölhæfu hljómsveitar Retro Stefson. Lagið heitir einfaldlega Dagur rauða nefsins og hefur m.a. að geyma smellna tóna og barnakór.

Borgarstjóri Reykjavíkur, Jón Gnarr, keypti fyrstu rauðu nefin, ásamt borgarstjórn, í gær og hrinti þannig af stað söfnunarátaki UNICEF, Degi rauða nefsins, með glæsibrag. Átakið nær hámarki 3. desember þar sem söfnunar- og skemmtidagskrá verður í opinni dagskrá á Stöð 2.

Jólakort UNICEF eru nú komin í verslanir um land allt. Að senda UNICEF-jólakort til vina og vandamanna er hefð á mörgum heimilum enda eiga kortin sér yfir hálfrar aldra sögu á Íslandi. Útsölustaðir hafa aldrei verið fleiri en í ár en jólakortin má nálgast á pósthúsum og í verslunum Pennans/Eymundssonar, A4, Bókabúð Máls og menningar, Bóksölu stúdenta og víðar.

IKEA á Íslandi tekur í fyrsta skipti þátt í alþjóðlegu söfnunarátaki fyrir UNICEF og Save the Children með því að selja mjúkdýr til styrktar samtökunum. Átakið á sér langa sögu og hefur styrkt fjölda verkefna fyrir bágstödd börn víða um heim.

Smáralind bauð á dögunum börnum að gerast kaupmenn í einn dag og safna fyrir góðgerðarfélag að eigin vali. Dagurinn heppnaðist vel þar sem 101 barn mætti og safnaði fyrir góðu málefni. Fulltrúi UNICEF tók við ágóðanum sem rann til samtakanna, alls 3.120 krónur

Frændsystkinin Franklín Máni Arnarsson og Vala Karítas Guðbjartsdóttir gerðu listaverk og seldu til styrktar UNICEF á dögunum. Málverkasýning var haldin í fjölskylduboði og í kjölfarið seld. Þau Franklín og Vala söfnuðu alls 6.500 krónum.

Vinkonurnar Karítas Gyða Sigurðardóttir og Helga Guðný Hallsdóttir, 10 ára, komu við hjá UNICEF í dag og afhentu styrk að upphæð 3130 krónum til neyðarstarfsins í Pakistan. Þær söfnuðu fénu með því að selja leikföng, sem þær áttu sjálfar, fyrir utan Bókasafn Hafnarfjarðar og Ísbúð Vesturbæjar í Hafnarfirði.

UNICEF leitar að ábyrgu, kraftmiklu og jákvæðu fólki sem vill leggja málstað samtakanna lið í október og nóvember. Starfið felst í því að ganga í hús á höfuðborgarsvæðinu, kynna starf UNICEF, og bjóða fólki að skrá sig sem mánaðarlega styrktaraðila.

Í ljósi gríðarlegs umfangs neyðarinnar í Pakistan hefur UNICEF á Íslandi ákveðið að verja fimm milljónum króna úr neyðarsjóði sínum til UNICEF í Pakistan. Bætist sú upphæð við þær sex milljónir sem safnast hafa frá íslenskum almenningi á undandförnum vikum. Yfir tíu milljónir barna þurfa á aðstoð að halda. 

Í dag skrifuðu Stefán Ingi Stefánsson, framkvæmdastjóri UNICEF, og Arnar Árnason, markaðsstjóri Prentsmiðjunnar Odda, undir samstarfssamning sem felst í að Oddi styrkir Barnahjálpina með því að veita veglegan afslátt af allri hönnun og prentun á fræðslu- og kynningarefni ásamt prentun á jólakortum Barnahjálparinnar.

UNICEF leitar að ábyrgu, kraftmiklu og jákvæðu fólki á Akureyri sem vill leggja málstað samtakanna lið frá miðjum september og fram í nóvember. Starfið felst í því að ganga í hús á Eyjafjarðarsvæðinu, kynna starf UNICEF, og bjóða fólki að skrá sig sem mánaðarlega styrktaraðila.

Samkvæmt nýjustu áætlunum stjórnvalda í Pakistan hafa um 20 milljónir íbúa orðið fyrir áföllum í kjölfar flóðanna. Af þeim eru yfir átta milljónir barna undir 18 ára aldri. Fjórar milljónir þeirra eru í mikilli hættu á að smitast af lífshættulegum sjúkdómum.

Aðdáendur Bjarkar Guðmundsdóttur geta nú hlaðið niður laginu „The Comet Song“ á iTunes og stutt um leið hjálparstarf UNICEF í Pakistan. Allar tekjur af laginu renna til hjálparstarfsins. Björk hefur áður lagt UNICEF lið með svipuðum hætti og er dyggur stuðningsaðili samtakanna.

Undanfarin ár hefur UNICEF á Íslandi selt vandaða gjafavöru til styrktar hjálparstarfi í þágu bágstaddra barna. Bókabúð Máls og menningar hefur nú tekið til sölu fjölmargar vörur úr leikfangalínu UNICEF og mun þegar nær dregur jólum einnig taka til sölu jólakort og fleiri gjafavörur.

Yfirmaður UNICEF í Suður-Asíu, Daniel Tool,  heimsótti flóðasvæðin í Pakistan í síðustu viku. Hann lýsir því sem fyrir augu bar í persónulegri dagbók sinni. Lýsingarnar veita innsýn inn í skelfilegt ástand sem blasir við milljónum barna og fjölskyldum þeirra.

Reykjavíkurmaraþoni Íslandsbanka er nú lokið en um 6000 hlauparar tóku þátt í öllum vegalengdum. UNICEF á Íslandi vill þakka öllum þeim hlaupurum sem söfnuðu áheitum fyrir UNICEF sem og þeim sem á þá hétu. Þegar þetta er skrifað hefur samtals 219.600 krónum verið heitið á UNICEF-hlaupara.

UNICEF á Íslandi hóf í gær söfnun fyrir hjálparstarf UNICEF á flóðasvæðunum í Pakistan. Ljóst er að fjölmargir Íslendingar ætla að svara kallinu en á fyrsta sólarhringnum hefur safnast yfir ein milljón króna. UNICEF metur mikils hvert framlag og hvetur sem flesta að taka þátt í söfnuninni.

Einn albesti hlaupari landsins um árabil, Björn Margeirsson, safnar áheitum fyrir UNICEF í Reykjavíkurmaraþoninu. Hægt er að heita á Björn sem og aðra hlaupara sem valið hafa UNICEF sem sitt góðgerðarfélag og styrkja þannig gott málefni með skemmtilegum hætti.

Sex mánuðum eftir að einn stærsti jarðskjálfti í 200 ár á Haítí olli mikilli eyðilegginu er það hjálparstarfsfólki mikil áskorun að mæta þörfum þeirra 800 þúsund barna og fjölskyldna þeirra sem þurfa á hjálp að halda. UNICEF veitir viðamikla neyðaraðstoð.

Fyrir mistök hjá Íslandsbanka voru sendir út greiðsluseðlar heim til allra heimsforeldra sem eru með beingreiðslur í maí, júní og júlí. UNICEF biðst velvirðingar á þessum tæknilegu mistökum og biður heimsforeldra vinsamlegast að henda greiðsluseðlunum. Greiðslur eru innheimtar rafrænt. UNICEF mun ekki bera kostnað af þessum póstsendingum bankans.

Það færist í vöxt að fólk kjósi að ánafna hluta eigna sinna til góðgerðamála eftir sinn dag. UNICEF á Íslandi hefur nú tekið saman bækling til þess að skýra mikilvægi erfðagjafa fyrir framtíðarstarf samtakanna, auk þess sem bæklingurinn inniheldur svör við spurningum um erfðagjafir til hjálparsamtaka.

Á undanfarinni viku hafa 64 Skagamenn gerst heimsforeldrar. Bætast þeir þar með í hóp rúmlega 300 Akurnesinga sem styrkja UNICEF með mánaðarlegum framlögum í gegnum heimsforeldraverkefnið og styðja þannig við starf samtakanna í þágu bágstaddra barna um allan heim.

Stefán Ingi Stefánsson, framkvæmdastjóri UNICEF á Íslandi, veitti fyrir helgi viðtöku rúmlega 1,4 milljónum króna frá Sigmundi Dýrfjörð, framkvæmdastjóra Te & Kaffis. Þessi upphæð bætist við rúmar fjórar milljónir sem þegar hafa safnast í sameiginlegu fjáröflunarverkefni UNICEF og Te & kaffis.

Grunnskólaverkefni UNICEF á Íslandi, UNICEF-hreyfingin, eflist með hverju árinu sem líður. Það sem af er þessu ári hafa 25 skólar og frístundaheimili skráð sig til þátttöku, en hægt er að framkvæma verkefnið hvenær árs sem er. Tæplega fjögur þúsund nemendur hafa tekið þátt í verkefninu í ár.

Harpa Hrönn Hjaltalín Arnarsdóttir leit við á skrifstofu UNICEF á dögunum með góðan glaðning. Harpa Hrönn, sem fermdist í vor, tók þá ákvörðun að láta 40 þúsund krónur af fermingarpeningunum renna til starfsemi UNICEF í þágu þurfandi barna. UNICEF á Íslandi kann henni bestu þakkir fyrir frábært framtak.

Nemendur í félagsfræðiáfanganum FÉL313, félagsfræði þróunarlanda, í Menntaskólanum á Akureyri hafa á þessari önn staðið fyrir söfnun til styrktar UNICEF. Tveir viðburðir voru haldnir í skólanum, bíókvöld og tölvuleikjamót, og rann ágóðinn óskiptur til UNICEF, samtals 133.086 kr.

Ýtt hefur verið úr vör átaki í nýskráningu heimsforeldra. Á næstu misserum mun starfsfólk frá UNICEF ganga í hús á höfuðborgarsvæðinu í þeim tilgangi að kynna UNICEF og bjóða fólki að ganga til liðs við heimsforeldraverkefni samtakanna. Þessa dagana er starfsfólkið á ferli í Grafarvogi.

Mikill árangur hefur náðst á síðustu árum í báráttunni gegn malaríu, ekki síst í sunnanverðri Afríku. Í stað þess að  sjúkdómurinn valdi dauða afrísks barns á þrjátíu sekúndna fresti, eins og verið hefur um árabil, er nú nær að tala um 40-45 sekúndur.

Líkt og undanfarin ár gefst þátttakendum í Reykjavíkurmaraþoni Íslandsbanka 2010 kostur á að hlaupa í þágu góðs málefnis. Allir hlauparar geta valið að tengja sig tilteknu góðgerðarfélagi, hvetja svo vini og vandamenn til að heita á sig og renna áheitin til félagsins.

Íslenskum fyrirtækjum stendur nú til boða að kaupa gæðakaffi frá Te & Kaffi og styrkja í leiðinni UNICEF. 20% af andvirði kaffisins rennur til UNICEF og verður söfnunarfénu varið í hjálparstarf samtakanna fyrir börn um allan heim.

Sérstök góðgerðarpáskaegg til styrktar UNICEF hafa verið til sölu undanfarnar tvær vikur í mörgum af stærri matvöruverslunum á höfuðborgarsvæðinu sem og minni útsölustöðum. Um er að ræða sérpökkuð súkkulaðiegg með íslenskum málsháttum um börn. Nú þegar rúmar tvær vikur eru til páska hafa yfir tvö þúsund egg selst.

Sérstök góðgerðarpáskaegg til styrktar UNICEF verða til sölu í flestum stærri matvöruverslunum á höfuðborgarsvæðinu fyrir þessa páska. Um er að ræða lítil sérpökkuð súkkulaðiegg með íslenskum málsháttum um börn. Páskaeggin verða auk þess á boðstólum á fjölmörgum kaffihúsum og í smærri verslunum. Söluverð páskaeggjanna er 500 krónur.

Fjölbrautaskóli Snæfellinga hélt upp á Sólardaga í febrúar. Þá er hefðbundið skólastarf brotið upp með fjölbreyttri og skemmtilegri dagskrá fyrir nemendur. Nokkrir þeirra ákváðu  að láta gott af sér leiða í leiðinni og söfnuðu um 50 þúsund krónum fyrir starf UNICEF í þágu þurfandi barna á Haítí.

Mánuður er nú liðinn frá því að öflugur jarðskjálfti reið yfir Haítí með skelfilegum afleiðinum fyrir fjölda fólks. Sameinuðu þjóðirnar áætla að yfir þrjár milljónir manna – þriðjungur íbúa á Haíti – hafi orðið fyrir miklum skaða. Afleiðingar hörmunganna bætast ofan á langvarandi fátækt og óstöðugleika á Haítí.

Tónlistarvefurinn Gogoyoko og tónleikastaðurinn Sódóma Reykjavík, í samstarfi við Hljóð X og sex íslenskar hljómsveitir, stóðu fyrir tónleikum í gær til styrktar hjálparstarfi UNICEF á Haítí. Alls söfnuðust 250.000 krónur og renna þær óskiptar til hjálparstarfsins.

Þúsundir barna hafa misst foreldra sína eða orðið viðskila við fjölskyldur sínar í kjölfar jarðskjálftans á Haítí. Þessi börn eru afar berskjalda gegn ofbeldi og misnotkun. UNICEF leggur mikla áherslu á að tryggja varnarlausum börnum nauðsynlega vernd samhliða því að koma nauðsynlegum hjálpargögnum til ungra eftirlifenda.

Dagur rauða nefsins er í dag. Fjöldi fólks hefur lagt hönd á plóg til að gera daginn að veruleika en hápunkturinn er útsending frá Borgarleikhúsinu í opinni dagskrá á Stöð 2 í kvöld. Þar munu grínistar og annað listafólk láta ljós sitt skína í þeim tilgangi að skemmta Íslendingum og safna styrkjum fyrir verkefni UNICEF um allan heim.

Lag Ljótu hálfvitanna, „Hætt‘essu væli“, sem er sérstaklega samið fyrir dag rauða nefsins er nú fáanlegt á tónlistarvefnum gogoyoko.com. Þar er einnig að finna lag Baggalúts, „Brostu“, sem hljómsveitin samdi fyrir dag rauða nefins 2006. Allur ágóði rennur til UNICEF.

Landsins þekktustu trúðatæknar hafa búið til fimm myndbönd þar sem er farið yfir nokkur grunnatriði trúðalistarinnar.  Myndböndin er hægt að nálgast á vefsíðunni Youtube. Markmiðið er að gera sem flestum Íslendingum kleift að rækta sinn innri trúð en tilefnið er dagur rauða nefsins, söfnunarátak sem UNICEF og skari listafólks stendur fyrir.

Hægt að gerast aðdáandi dags rauða nefsins á Facebook. Á síðunni er að finna nýjustu fréttir í aðdraganda stóra dagsins sem og skemmtilegt efni frá því að dagur rauða nefsins var haldinn í fyrsta sinn hérlendis árið 2006. Við hvetjum sem flesta Facebook-notendur til að gerast aðdáendur.

Þann 4. desember næstkomandi tekur fjöldi listamanna höndum saman með UNICEF og standa fyrir Degi rauða nefsins. Um kvöldið verður söfnunarþáttur í opinni dagskrá Stöðvar 2 þar sem grínistar láta ljós sitt skína í þeim tilgangi að safna fé fyrir bágstödd börn um allan heim

Jólabúð UNICEF opnaði í dag, mánudaginn 2. nóvember, að Laugavegi 42. Í búðinni er hægt að nálgast úrval fallegra jólakorta, vandaðrar gjafavöru og skemmtilegra leikfanga. Jólakort UNICEF hafa verið seld á Íslandi í hálfa öld.

V-dagurinn á Íslandi og UNICEF standa fyrir opnum fundi um kynferðisofbeldi í Austur-Kongó. Fundurinn fer fram í húsakynnum UNICEF á Laugavegi 42 í Reykjavík fimmtudaginn 1. október milli klukkan 12.10 og 13.00.

UNICEF á Íslandi hefur fengið átta milljónir króna úthlutað frá utanríkisráðuneytinu vegna langvinns neyðarátands í Austur-Kongó. Styrkurinn rennur til verkefna UNICEF gegn kynferðisofbeldi og aðstoðar við konur og stúlkur sem orðið hafa fyrir nauðgunum í landinu.

Í dag ýttu V-dagssamtökin á Íslandi og UNICEF úr vör sameiginlegu átaki til að vekja athygli á umfangi kynferðisofbeldis gagnvart konum og stúlkum í Austur-Kongó. Á sama tíma verða samtökin með söfnun meðal íslensks almennings til styrktar verkefnum í þágu ungra kynferðisbrotaþolenda í landinu. 

Viðskiptavinum Te & kaffi býðst nú að styrkja starfsemi UNICEF með því að kaupa sérstök styrktarspjöld í sérsverslunum og á kaffihúsum fyrirtækisins. Spjöldin kosta 250 eða 500 krónur. Það gera sér fæstir grein fyrir hve miklu slíkar upphæðir geta skipt fyrir bágstödd börn. 

Aldrei hafa fleiri Íslendingar styrkt starf Barnahjálpar Sameinuðu þjóðanna (UNICEF) og nú. Í ágústbyrjun voru heimsforeldrar UNICEF á Íslandi yfir 14.000 talsins. Það er því ljóst að þrátt fyrir þrengingar á Íslandi ætla Íslendingar ekki að gleyma þeim börnum sem búa við sárustu neyðina.

Í sumar mun starfsfólk frá UNICEF ganga í hús á höfuðborgarsvæðinu í þeim tilgangi að kynna UNICEF og bjóða fólki að ganga til liðs við heimsforeldraverkefni okkar. Heimsforeldrar styrkja samtökin mánaðarlega og nýtist styrkurinn í þágu þeirra barna sem mesta hafa þörfina.

UNICEF á Íslandi hefur hafið söfnun vegna átakanna í Pakistan. Áætlað er að yfir helmingur þeirra sem eru á flótta undan átökum í norðvesturhluta landsins séu börn. Flóttafólk streymir inn í flóttamannabúðir og nærliggjandi samfélög

Sjö ungmenni tóku sig til á dögunum og hönnuðu boli til styrktar UNICEF. Innblástur hönnunarinnar sóttu þau til þriggja af greinum Barnasáttmála Sameinuðu þjóðanna. Er óhætt að segja að mjög vel hafi tekist til hjá þessum ungu og upprennandi hönnuðum.

Ár er nú liðið frá því að jarðskjálfti af stærðargráðunni 8,0 á Richter-skala reið yfir Sichuan-umdæmi í Kína. Á undanförnum tólf mánuðum hefur UNICEF varið 20 milljónum bandaríkjadala í neyðaraðstoð vegna hamfaranna.

Vodafone mun styrkja UNICEF á Íslandi á næstu tveimur árum með mánaðarlegu fjárframlagi upp á 50 þúsund krónur og aðstoða við fjáröflun af ýmsu tagi, UNICEF að kostnaðarlausu. Vodafone og UNICEF skrifuðu undir styrktarsamning í dag.

Íslenskum fyrirtækjum stendur nú til boða að kaupa gæðakaffi frá Te & Kaffi og styrkja í leiðinni UNICEF. 20% af andvirði kaffisins rennur til UNICEF og verður söfnunarfénu varið í hjálparstarf samtakanna fyrir börn um allan heim.

UNICEF hefur áhyggjur af versnandi heilsu barna á Gaza og aukningu á tilfellum niðurgangs í kjölfar þess að fleiri heimili hafa orðið háð matar- og peningagjöfum. UNICEF reynir því að veita aðgang að hreinu vatni og hreinlæti, auk þess að dreifa næringu til barna. Styrkja hjálparstarf UNICEF á Gaza hér

Stjórn Auroru velgerðasjóðs hefur úthlutað alls 111,5 milljónum króna í styrki til sex verkefna á sviði mannúðar, mennta og menningar. UNICEF fær úthlutað alls 40 milljónum til menntaverkefnis í Síerra Leóne og 3,5 milljónum til útvarpsverkefnis ungmenna í Mósambík.