Innlendar fréttir

Árangur af Degi rauða nefsins, söfnunarátaki UNICEF, var framar björtustu vonum. Söfnuðust vel yfir 150 milljónir og yfir 2000 einstaklingar gengu í lið heimsforeldra. Einnig seldust yfir 5000 trúðanef, og mýmargir notuðu þau til þess að gleðja samferðafólk sitt!

Dagur rauða nefsins er í dag. Fjöldi fólks hefur lagt hönd á plóg til að gera daginn að veruleika en hápunkturinn er útsending frá Borgarleikhúsinu í opinni dagskrá á Stöð 2 í kvöld. Þar munu grínistar og annað listafólk láta ljós sitt skína í þeim tilgangi að skemmta Íslendingum og safna styrkjum fyrir verkefni UNICEF um allan heim.

Lag Ljótu hálfvitanna, „Hætt‘essu væli“, sem er sérstaklega samið fyrir dag rauða nefsins er nú fáanlegt á tónlistarvefnum gogoyoko.com. Þar er einnig að finna lag Baggalúts, „Brostu“, sem hljómsveitin samdi fyrir dag rauða nefins 2006. Allur ágóði rennur til UNICEF.

Landsins þekktustu trúðatæknar hafa búið til fimm myndbönd þar sem er farið yfir nokkur grunnatriði trúðalistarinnar.  Myndböndin er hægt að nálgast á vefsíðunni Youtube. Markmiðið er að gera sem flestum Íslendingum kleift að rækta sinn innri trúð en tilefnið er dagur rauða nefsins, söfnunarátak sem UNICEF og skari listafólks stendur fyrir.

Hægt að gerast aðdáandi dags rauða nefsins á Facebook. Á síðunni er að finna nýjustu fréttir í aðdraganda stóra dagsins sem og skemmtilegt efni frá því að dagur rauða nefsins var haldinn í fyrsta sinn hérlendis árið 2006. Við hvetjum sem flesta Facebook-notendur til að gerast aðdáendur.

Þann 4. desember næstkomandi tekur fjöldi listamanna höndum saman með UNICEF og standa fyrir Degi rauða nefsins. Um kvöldið verður söfnunarþáttur í opinni dagskrá Stöðvar 2 þar sem grínistar láta ljós sitt skína í þeim tilgangi að safna fé fyrir bágstödd börn um allan heim

Barnasáttmáli Sameinuðu þjóðanna er 20 ára í dag, föstudaginn 20. nóvember. Barnasáttmálinn felur í sér alþjóðlega viðurkenningu á því að börn hafi sjálfstæð réttindi, óháð foreldrum eða forsjáraðilum og að þau þarfnist sérstakrar umönnunar og verndar umfram hina fullorðnu.

Barnasáttmáli Sameinuðu þjóðanna verður 20 ára föstudaginn 20. nóvember. Í tilefni af tímamótunum hafa ungmennaráð umboðsmanns barna, Barnaheilla og UNICEF sameinað krafta sína og munu halda mikilvægi sáttmálans á lofti með fjölbreyttum hætti vikuna 15. til 20. nóvember.

Hvergi í heiminum var ungbarnadauði fátíðari árið 2007 en á Íslandi, eða 1,5 af 1.000 lifandi fæddum. Þetta er meðal þeirra upplýsinga sem finna má í Landshögum 2009, hagtöluárbók Hagstofu Íslands, sem kom út sl. mánudag.

Jólabúð UNICEF opnaði í dag, mánudaginn 2. nóvember, að Laugavegi 42. Í búðinni er hægt að nálgast úrval fallegra jólakorta, vandaðrar gjafavöru og skemmtilegra leikfanga. Jólakort UNICEF hafa verið seld á Íslandi í hálfa öld.

Alþjóðlegur dagur Sameinuðu þjóðanna án ofbeldis (e. Day of Nonviolence) er haldinn hátíðlegur um allan heim í dag. Af þessu tilefni mun fjöldi samtaka standa fyrir myndun mannlegs friðarmerkis á Klambratúni klukkan 20 í kvöld.

Í útvarpsþættinum Speglinum á Rás 2 í gær var talað við hjónin Pál Ásgeir Davíðsson og Bergljótu Arnalds en þau dvöldu í Austur-Kongó í hittifyrra. Þar heyrðu þau m.a. átakanlegar sögur þolenda frá fyrstu hendi og kynntust öflugu starfi UNICEF.

Ungmenni hvaðanæva að af landinu munu næstu 12 fimmtudaga fjalla um Barnasáttmála Sameinuðu þjóðanna í nýjum útvarpsþáttum sem hefja göngu sína á Rás 1 á morgun. Í ár er þvi fagnað að tuttugu ár eru frá því að þessi mikilvægi mannréttindasáttmáli var samþykktur.

V-dagurinn á Íslandi og UNICEF standa fyrir opnum fundi um kynferðisofbeldi í Austur-Kongó. Fundurinn fer fram í húsakynnum UNICEF á Laugavegi 42 í Reykjavík fimmtudaginn 1. október milli klukkan 12.10 og 13.00.

UNICEF á Íslandi hefur fengið átta milljónir króna úthlutað frá utanríkisráðuneytinu vegna langvinns neyðarátands í Austur-Kongó. Styrkurinn rennur til verkefna UNICEF gegn kynferðisofbeldi og aðstoðar við konur og stúlkur sem orðið hafa fyrir nauðgunum í landinu.

Í dag ýttu V-dagssamtökin á Íslandi og UNICEF úr vör sameiginlegu átaki til að vekja athygli á umfangi kynferðisofbeldis gagnvart konum og stúlkum í Austur-Kongó. Á sama tíma verða samtökin með söfnun meðal íslensks almennings til styrktar verkefnum í þágu ungra kynferðisbrotaþolenda í landinu. 

Viðskiptavinum Te & kaffi býðst nú að styrkja starfsemi UNICEF með því að kaupa sérstök styrktarspjöld í sérsverslunum og á kaffihúsum fyrirtækisins. Spjöldin kosta 250 eða 500 krónur. Það gera sér fæstir grein fyrir hve miklu slíkar upphæðir geta skipt fyrir bágstödd börn. 

Aldrei hafa fleiri Íslendingar styrkt starf Barnahjálpar Sameinuðu þjóðanna (UNICEF) og nú. Í ágústbyrjun voru heimsforeldrar UNICEF á Íslandi yfir 14.000 talsins. Það er því ljóst að þrátt fyrir þrengingar á Íslandi ætla Íslendingar ekki að gleyma þeim börnum sem búa við sárustu neyðina.

Vegna efnahagsþrenginganna á Íslandi og tengdrar umræðu vill UNICEF á Íslandi m.a. koma á framfæri að allir styrktarsamningar sem fyrirtæki, sjóðir og einstaklingar hafa gert við UNICEF hafa verið heiðraðir og að engir fjármunir UNICEF á Íslandi töpuðust við fall bankanna á haustdögum 2008.

Í sumar mun starfsfólk frá UNICEF ganga í hús á höfuðborgarsvæðinu í þeim tilgangi að kynna UNICEF og bjóða fólki að ganga til liðs við heimsforeldraverkefni okkar. Heimsforeldrar styrkja samtökin mánaðarlega og nýtist styrkurinn í þágu þeirra barna sem mesta hafa þörfina.

UNICEF á Íslandi hefur hafið söfnun vegna átakanna í Pakistan. Áætlað er að yfir helmingur þeirra sem eru á flótta undan átökum í norðvesturhluta landsins séu börn. Flóttafólk streymir inn í flóttamannabúðir og nærliggjandi samfélög

UNICEF leitar að ábyrgu, kraftmiklu og jákvæðu fólki, 18 ára og eldra, sem vill leggja málstað samtakanna lið í sumar og fram á haust á höfuðborgarsvæðinu. Starfið felst í því að ganga í hús, kynna starf UNICEF, bjóða fólki að skrá sig sem heimsforeldri og styðja þannig fjölda þurfandi barna um allan heim.

Hátt í þrjúþúsund grunn- og leikskólanemendur hafa í vetur tekið þátt í verkefni á vegum umboðsmanns barna þar sem þau tjá sig í myndrænu og rituðu máli um hvernig það er að vera barn á Íslandi. Sýning á verkum barnanna opnar í Gerðubergi föstudaginn 22. maí.

Sjö ungmenni tóku sig til á dögunum og hönnuðu boli til styrktar UNICEF. Innblástur hönnunarinnar sóttu þau til þriggja af greinum Barnasáttmála Sameinuðu þjóðanna. Er óhætt að segja að mjög vel hafi tekist til hjá þessum ungu og upprennandi hönnuðum.

Laugardaginn 9. maí nk. kl. 10-13 verður haldið málþing í Þjóðminjasafni Íslands um vinnu barna. Málþingið er haldið á vegum Þjóðminjasafnsins og UNICEF á Íslandi í tengslum við sýninguna Þrælkun, þroski, þrá? sem nú stendur yfir í safninu.

Fjölmenni verður á Miklatúni á sumardaginn fyrsta þegar börn og unglingar frá frístundamiðstöðinni Kampi safnast saman og hlaupa til stuðnings UNICEF auk þess að minna á réttindi sín.

Vodafone mun styrkja UNICEF á Íslandi á næstu tveimur árum með mánaðarlegu fjárframlagi upp á 50 þúsund krónur og aðstoða við fjáröflun af ýmsu tagi, UNICEF að kostnaðarlausu. Vodafone og UNICEF skrifuðu undir styrktarsamning í dag.

Fréttaritaraþjálfun unga fólksins, sem miðar að því að hvetja ungt fólk til þátttöku og virkni í samfélaginu, verður haldin á Egilsstöðum dagana 16.-18. apríl. Verkefnið er í samstarfi við Ríkisútvarpið og Morgunblaðið. Fréttaritaraþjálfun unga fólksins er öllum ungmennum í 8.-10. bekk opin. Sækja um hér

Alls luku 17 ungmenni fréttaritaraþjálfun unga fólksins í Reykjavík um síðustu helgi. Framleidd voru tvö innslög fyrir útvarp og tvær blaðagreinar. Því miður reyndist ekki unnt að fá inn nógu margar umsóknir í fréttaritaraþjálfun á Akureyri sem átti að vera nú um næstu helgi, þannig að henni hefur verið aflýst. Næsta þjálfun er á Egilsstöðum 16.-18. apríl. Sækja um hér.

Íslenskum fyrirtækjum stendur nú til boða að kaupa gæðakaffi frá Te & Kaffi og styrkja í leiðinni UNICEF. 20% af andvirði kaffisins rennur til UNICEF og verður söfnunarfénu varið í hjálparstarf samtakanna fyrir börn um allan heim.

Fréttaritaraþjálfun unga fólksins verður haldin í Reykjavík dagana 26.-28. mars á skrifstofu UNICEF að Laugavegi 42. Verkefnið er í samstarfi við Ríkisútvarpið og Morgunblaðið og fá þátttakendur efni birt eða útvarpað í þeim miðlum. Gert er ráð fyrir fimmtudegi og föstudegi frá kl. 17 til 20, og laugardegi kl. 11 til 13. Sækja um hér

Um helgina luku 19 manns fréttaritaraþjálfun unga fólksins á Ísafirði með glans. Þau framleiddu þrjú innslög fyrir útvarp og þrjár greinar fyrir Morgunblaðið, þar af hefur ein þegar birst. Sjá hér. Nú er tekið við umsóknum í næstu fréttaritaraþjálfun sem haldin verður í Reykjavík dagana 26.-28. mars. Sækja um hér

Alþingi samþykkti í gær þingsályktunartillögu um að Barnasáttmáli Sameinuðu þjóðanna yrði lögfestur á Íslandi. Ísland og Noregur verða þá einu löndin sem lögfest hafa sáttmálann, þó að flest lönd heims hafi staðfest hann. Í framhaldinu fer fram endurskoðun á barnaverndarlögum með sáttmálann í huga.

Næstkomandi mánudag mun fara fram atkvæðagreiðsla á alþingi um þingsályktunartillögu sem fjallar um lögfestingu Barnasáttmálans. UNICEF á Íslandi fagnar þessu. M.a. er lagt til að frumvarp til laga verði sett fram fyrir 20. nóvember 2009, en þá verða liðin 20 ár síðan hann var fyrst samþykktur á allsherjarþingi S.þ.

UNICEF á Íslandi hefur að undanförnu haft samband við aðila sem vinna að málefnum barna á Íslandi. Markmiðið var að kanna hvort farið sé að gæta áhrifa efnahagsþrenginganna sem Ísland gengur nú í gegnum á börn. Í kölfarið hefur UNICEF gert samantekt.

Skráning ungs fólks í fréttaritaraþjálfun UNICEF stendur nú sem hæst. Tekið er við umsóknum til 11. mars í þjálfunina á Ísafirði, en til 24. mars í Reykjavík. Hámarksfjöldi þátttakenda er 30 manns. Þjálfunin verður haldin á Akureyri og Egilsstöðum í apríl. Ísafjarðarbær styrkir verkefnið um 30 þúsund krónur, auk þess sem öll aðstaða er útveguð af bænum.

Næstkomandi sunnudag, 1. mars, fagnar UNICEF Heimsdegi barna í fjölmiðlum (e. International Children's Day of Broadcasting) en á þeim degi hvetja samtökin alla fjölmiðla að leyfa röddum barna og ungmenna að heyrast. Í ár mun Ríkisútvarpið - Rás 1 og 2 - helga daginn börnum. Sjá á www.ruv.is. UNICEF hvetur alla til að leggja við hlustir!

Í gær var opnað fyrir söfnunarsímanúmer til stuðnings hjálparstarfi UNICEF á Gaza. Símanúmerin eru 908-1000 fyrir 1000 króna framlag, 908-3000 fyrir 3000 króna framlag og 908-5000 fyrir 5000 króna framlag. Fyrir rúmri viku var söfnunarreikningur opnaður og nema framlög frá almenningi á Íslandi til hjálparstarfsins nú um 1,2 milljónum króna.

Vegna fréttar Stöðvar 2 um kostnað við Vatnsviku UNICEF 2008 vill UNICEF á Íslandi árétta að samtökin báru engan kostnað vegna söfnunarátaksins og að allt söfnunarféð rennur óskert til vatnsverkefna í þróunarlöndunum.

Aðalfundur íslenskrar landsnefndar Barnahjálpar Sameinuðu þjóðanna (UNICEF) var haldinn miðvikudaginn 21. maí. Einar Benediktsson fyrrum sendiherra, sem gegnt hefur formennsku allt frá stofnun UNICEF á Íslandi í mars 2004, lét af embætti og við tók Þórunn Sigurðardóttir, fráfarandi listrænn stjórnandi Listahátíðar í Reykjavík.

Loftbelgjabolir UNICEF og Kronkron seldust upp í síðasta mánuði. Pantaðir voru 500 nýir bolir sem nú eru komnir í verslanir. Tveimur litum var bætt við sendinguna; dökkbleikum og grænum. Aðrir litir eru grár og ljósblár. Bolirnir fást áfram í Kronkron og Spútnik í Kringlunni, en einnig í Gyllta kettinum.

Mánudaginn 24. september stendur UNICEF, Barnahjálp Sameinuðu þjóðanna, fyrir opnum hádegisfundi í Iðnó með Ishmael Beah, fyrrum herdreng frá Síerra Leóne. Þar mun Ishmael lesa upp úr bók sinni Um langan veg: frásögn herdrengs og fjalla um reynslu sína af borgarastyrjöldinni í Síerra Leóne. Fundurinn stendur frá 12:10 til 13:10

Tónleikar ungmennaráða UNICEF Ísland og Reykjavíkur í mið-og vesturbæ gengu vonum framar. Hljómsveitirnar Jeff who?, Reykjavík, Soundspell, Skakkamanage, Retro Stefson og Grrrrr tróðu upp og var ekki annað að sjá en tónleikagestir skemmtu sér vel. Allar hljómsveitirnar gáfu vinnu sína og þakka ungmennaráðin þeim vel fyrir.

Ungmennaráð Íþrótta og tómstundaráðs miðbæjar og vesturbæjar í samstarfi við ungmennaráð UNICEF á Íslandi stefna að því að halda tónleika til styrktar Barnahjálp Sameinuðu þjóðanna miðvikudaginn 19. september 2007 í Listasafni Reykjavíkur. Tónleikarnir bera yfirskriftina: Hausttónleikar ÍTR og UNICEF: Grípum til aðgerða!

Utanríkisráðherra hefur ákveðið að veita 10 milljónum króna til sameiginlegs átaks Flóttamannahjálpar Sameinuðu þjóðanna (UNHCR) og UNICEF til aðstoðar börnum sem eru meðal íraskra flóttamanna í Sýrlandi, Jórdaníu, Egyptalandi og Líbanon. Áætlað er að meðal íraskra flóttamanna sé um hálf milljón barna á skólaaldri sem hafa lítinn sem engann aðgang að menntun.

Vinkonurnar Sóley Vera, 12 ára, og María, sem er 11 að verða 12 ára, héldu tombólu og seldu varning í Firðinum og fyrir utan Krónuna í Hafnarfirði á dögunum. Þær söfnuðu alls 8262 krónum sem þær gáfu til UNICEF. Þær seldu eigið dót og söfnuðu því hjá öðrum til að selja eða bjóða upp á tombólunni.

Bjartur, sem er 9 ára, hélt á dögunum tombólu fyrir utan Pétursbúð í Vesturbænum og safnaði hann alls 2815 krónum. Hann mætti vaskur á skrifstofu UNICEF á Laugaveginn og afhenti framkvæmdastjóra UNICEF, Stefáni Inga Stefánssyni, söfnunarféð. UNICEF kann Bjarti bestu þakkir fyrir framlagið og hvetur fleiri börn til að styrkja jafnaldra sína, sem eiga um sárt að binda, með þessum hætti.

Um 4223 börn og foreldrar þeirra lögðu leið sína að Háskóla Íslands til að taka þátt í Latabæjarhlaupinu síðastliðinn Laugardag. Vel var staðið að hlaupinu og þóttist takast vel til í alla staði. Börnin voru þó mestu sigurvegararnir þar sem þau söfnuðu hátt í 3,5 milljónum króna til styrktar verkefna UNICEF um allan heim.

Í dag hefst sala á bolum til styrktar UNICEF sem bera nafnið „bestu bolir í heimi“. Hönnun bolanna var í höndum Kronkron og vísar hún í að öll getum við risið upp gegn því misrétti sem mörg börn eru beitt. Nýstofnað ungmennaráð UNICEF og íslenskir hönnuðir taka höndum saman og gera þessa boli sem geta breytt lífi barna.

Eftivæntingin var mikil fyrir utan Háskóla Íslands þegar loftfar íþróttaálfsins lenti þar um helgina. Hann var kominn til að hita upp fyrir Latabæjarmaraþonið með nokkrum börnum. Mikið fjör fylgdi upphituninni og fékk íþróttaálfurinn krakkana til að gera alls kyns kúnstnir eins og handahlaup og kollhnís sem endar í spíkati.

Allt starfsfólk UNICEF Ísland ætlar að hlaupa í Reykjavíkurmaraþoni Glitnis laugardaginn 18. ágúst næstkomandi. Fremstur í flokki fer framkvæmdastjórinn Stefán Ingi Stefánsson sem hyggst hlaupa heilt maraþon eða 42,2 km. Aðrir starfsmenn hlaupa allt frá 3 km upp í 21,1.

Þrír skólar tóku þátt í tilraunaverkefni UNICEF nú í vor. Verkefnið ber yfirskriftina UNICEF-hreyfingin. UNICEF hreyfingunni er ætlað að koma til móts við þann áhuga á starfsemi UNICEF sem við hjá landsnefndinni höfum fundið hjá kennurum og skólabörnum.

UNICEF hefur hlotið styrk úr Menningarsjóði Landsbankans að upphæð 1.000.000 króna en styrkirnir voru afhentir með viðhöfn í Iðnó í gær. Stjórn Menningarsjóðs ákvað að tileinka úthlutun ársins þeim 75 málefnum og félögum sem eru í þjónustunni Leggðu góðu málefni lið í Einkabanka og Fyrirtækjabanka Landsbankans og er UNICEF eitt þeirra félaga.

UNICEF þakkar þeim rúmlega 60 umsækjendum sem sóttu um hlutastarf á skrifstofu okkar. Við erum hætt að taka við umsóknum og erum að vinna úr þeim sem okkur hefur borist. Ráðningarferlinu verður lokið fyrir 20. apríl. Við svörum öllum umsóknum og förum með þær sem trúnaðarmál.

Átta mannúðarsamtök hafa tekið höndum saman um að halda fyrsta málþing hér á landi um hlutverk félagasamtaka í þróunarsamvinnu föstudaginn 23. mars kl. 9-16 í Norræna húsinu. Samtökin sem koma að málþinginu eru ABC barnahjálp, Barnaheill, Hjálparstarf kirkjunnar, Rauði kross Íslands, Kristniboðssambandið, SOS barnaþorp, UNICEF og UNIFEM á Íslandi.

UNICEF á Íslandi óskar eftir að ráða starfskraft í hlutastarf (50%) á skrifstofu. Um er að ræða almennt skrifstofustarf, s.s. textavinna, gagnaskráning, fundahald, umsjón með daglegum rekstri, móttöku og fleira. Viðkomandi þarf að hafa haldgóða tölvukunnáttu og góða þekkingu á íslenskri og enskri tungu.

Fyrirtækin Byko, Elko, Húsgagnahöllin og Intersport halda knattspyrnumót á morgun, laugardag, kl. 19 í Fífunni, knattspyrnuvelli Breiðabliks. Deild 150 í timburverslun Byko í Breiddinni ákváðu að styrkja UNICEF og fara að fordæmi knattspyrnufélags Barselóna og merkja búningana Barnahjálpinni.

Við vekjum athygli á því að ljósmyndir Sigur Rósar úr ferð þeirra til Svasílands á vegum UNICEF eru komnar inn á alþjóðlega vefsíðu þeirra. Njótið vel!

Á dögunum héldu nemendur Menntaskólans í Reykjavík árlega áheitasöfnun sína Gleði til góðgerða og söfnuðust alls 254.874 krónur sem runnu óskertar til Barnahjálpar Sameinuðu þjóðanna, UNICEF. Nemendur fengu viðurkenningarskjal í tilefni þessa og UNICEF þakkaði þeim kærlega fyrir framlagið og fyrir að vekja athygli á málstaðnum með stórskemmtilegri söfnun.

Hinar vinsælu ljósmyndadagbækur UNICEF eru að seljast upp. Dagbækurnar eru vandaðar með ljósmyndum af börnum frá öllum heimshornum. Hver vika fær eina opnu og er bókin gormuð en þó með þykkri kápu. Annað upplag sem pantað var er nú að klárast, en fólk getur keypt þær á skrifstofu UNICEF að Laugavegi 42, 2. hæð. Hringið í síma 552 6304 til að fá nánari upplýsingar.

UNICEF óskar landsmönnum gleðilegra jóla og farsældar á nýju ári. Fjölmargir hafa komið að starfinu með einum eða öðrum hætti á árinu sem er að líða. UNICEF þakkar bakhjörlum, heimsforeldrum og þeim sem stutt hafa börn víða um heim á liðnu ári í gegnum UNICEF.

Bylgjan brosir með UNICEF á Degi rauða nefsins 1. desember og er með brandara-átak fyrir fyrirtæki og vinnustaði. Þetta er kjörið tækifæri fyrirtækja til að leggja átakinu lið og styrkja bágstödd börn víða um heim.

Á haustdögum ferðaðist hljómsveitin Sigur Rós til Svasílands á vegum Barnahjálpar Sameinuðu þjóðanna á Íslandi til að kynna sér HIV-verkefni samtakanna þar í landi. Ferðin hafði mikil áhrif á hljómsveitina og ákváðu þeir að efna til sýningar á ljósmyndunum sem þeir tóku í heimsókninni. Sýningin ber yfirskriftina: Yfirgefna kynslóðin: Svasíland með augum Sigur Rósar.

Fyrsti bekkir Nesskóla Neskaupstað ákváðu í tilefni Dags rauða nefsins að fræðast um hvað dagurinn gengi út á. Nefnilega að gera góðverk og gefa til þeirra sem minna mega sín í þessum heimi. Börnin í Nesskóla fræddust um börnin í Afríku, skoðuðu myndir og kennararnir sögðu þeim frá því hvers vegna þessi dagur væri haldinn.

Á dögunum heimsótti Valgerður Sverrisdóttir, utanríkisráðherra, birgðastöð Barnahjálpar Sameinuðu þjóðanna í Kaupmannahöfn þar sem hún kynnti sér hvernig UNICEF pakkar og sendir hjálpargögn til barna um allan heim.

Rauðu trúðanefin eru komin í verslanir Bónuss, 10-11, útibú Glitnis og á bensínstöðvar Essó um allt land. Allur ágóði af sölu nefjanna rennur til verkefna UNICEF um allan heim... Þannig að ef þú kaupir nef gleður þú ekki aðeins þá sem sjá þig, heldur getur þú glatt börn í sárri neyð.

Vilhjálmur Þ. Vilhjálmsson borgarstjóri, ásamt allri borgarstjórn, lögðu sitt af mörkum í dag og keyptu rauð trúðanef. Með þessu opnaði borgarstjórn formlega söluna á rauðu nefjunum. Rauðu nefin koma í allar verslanir Bónuss, 10-11, útibú Glitnis og á bensínstöðvar ESSO í dag og kosta 500 krónur.

Í dag skrifa fimm af öflugustu fyrirtækjum landsins; Baugur Group, FL Group, Fons, Glitnir og Samskip, undir styrktarsamninga við UNICEF á Íslandi til næstu þriggja ára. Samningurinn hljóðar upp á 60 milljónir króna. Fyrsta verkefni UNICEF og nýrra bakhjarla verður að halda Dag rauða nefsins á Íslandi.

Í dag skrifuðu fimm af öflugustu fyrirtækjum landsins undir styrktarsamninga við UNICEF á Íslandi. Samningarnir hljóða upp á 60 milljónir króna og ná til næstu þriggja ára. Fyrsta verkefni UNICEF og nýrra bakhjarla verður að halda Dag rauða nefsins á Íslandi.

Í næstu viku hefst söfnunarátak UNICEF Dagur rauða nefsins sem nær hámarki með sjónvarpsútsendingu á Stöð 2 þann 1. desember. Lag Baggalúts „Brostu“ verður kynnt í þætti Hemma Gunn í kvöld (2. nóv), en það var samið sérstaklega fyrir átakið.

Framkvæmdastjóri UNICEF Ann M. Veneman heimsótti landsnefndina á Íslandi í dag föstudaginn 14. júlí. Tilefnið var að skrifa undir samstarfssamning við UNICEF Ísland til frambúðar. Þessi undirritun vakti mikla fjölmiðlaathygli enda stór tímamót fyrir landsnefndina.

Framkvæmdastjóri UNICEF, Ann M. Veneman, mun heimsækja Ísland næstkomandi föstudag. Um þessar mundir eru rúm tvö ár frá því landsnefnd fyrir UNICEF á Íslandi hóf störf og mun UNICEF nú gera framtíðarsamning við landsnefndina sem þýðir að landsnefndin starfar áfram undir merkjum UNICEF og skuldbindur sig til að afla fjár fyrir verkefni UNICEF og fylgja stöðlum samtakanna.

Nemendur og kennarar leikskólans Vesturbergs héldu Listahátíð þann 11.maí í Listasafni Reykjanesbæjar, Duushúsum. Haldin var myndlistasýning með myndum eftir leikskólakrakkana að dagskrá lokinni og stóð sýningin yfir í nokkra daga. Verkin hafa síðan verið til sölu og seldust upp nú í júní og rann ágóðinn til UNICEF Ísland.

Í tilefni af 70 ára afmæli Laugarnesskóla fór fram söfnun í vikunni 15.-19.maí sem að stóðu nemendur og starfsfólk skólans til styrktar UNICEF. Söfnunarbaukur var í sal skólans alla vikuna og var vel gætt af nemendum skólans, en þeir sáu til þess að söfnunin færi vel fram. Hvatt var til þess að hver og einn kæmi með sem svarar 70 kr.

Barnahjálp Sameinuðu þjóðanna á Íslandi, UNICEF, mun kynna stuðning fjölda íslenskra fyrirtækja og einstaklinga við stórt styrktarverkefni Barnahjálparinnar í Nígeríu fimmtudaginn 4. maí nk. Um er að ræða sameiginlegt átak nokkurra fyrirtækja sem stunda viðskipti í Nígeríu, auk annarra fyrirtækja og einstaklinga.

Nú er lóan komin að kveða burt snjóinn og sumardagurinn fyrsti á næsta leyti. Á þeim degi gefa margir sumargjöf og eru dúkkurnar sem gleðja tilvalin sem slík. Þær voru saumaðar síðasta sumar af konum í 90 kvenfélögum víðsvegar að af landinum til styrktar stúlkum í Gínea-Bissá.

UNICEF Ísland vekur athygli á nýrri heimildamynd Dúa J. Landmark um Vestur Afríkuríkið Gíneu-Bissá, menningu þess, stöðu barna og verkefni UNICEF. Myndin verður frumsýnd í Sjónvarpinu 11. apríl kl. 21:15 og endursýnd á Páskadag 16. apríl kl. 11:05. Myndin er mjög sláandi og sýnir vel hvernig fólk reynir að draga fram lífið þrátt fyrir erfiðar aðstæður.

UNICEF Ísland dreifir nú í annað sinn bæklingnum „Öll börn eiga rétt“ um Barnasáttmála Sameinuðu þjóðanna í samstarfi við Prentsmiðjuna Odda og Námsgagnastofnun. Bæklingnum er dreift til allra 6. bekkinga á landinu og er ætlað að fræða börn og ungmenni um réttindi sín og skyldur.

Nemendur FAS, Framhaldskóla Austur-Skaftafellssýslu héldu styrktartónleika í nóvember síðastliðnum og söfnuðu 100 þúsund krónum sem runnu til UNICEF. Fyrir tónleikana fengu þau menningarverðlaun Hornafjarðar í febrúar.

UNICEF Ísland barst óvæntur styrkur frá vinningshafa Stóru upplestrarkeppninnar í Kópavogi, Hjalta Vigfússyni 12 ára, að upphæð 15 þúsund krónur. Er það UNICEF Ísland sérstaklega mikill heiður að veita þessum styrk móttöku þar sem Stóra upplestrarkeppnin vinnur að því að efla vitund og styrk ungmenna líkt og Barnahjálpin gerir víðsvegar um heiminn.

Vegna fréttar um að erlendir einstaklingar svindluðu pening frá aðilum í ferðaþjónustu í nafni Barnahjálpar Sameinuðu þjóðanna eða annarra samtaka vill UNICEF á Íslandi koma eftirfarandi á framfæri:

Björk Guðmundsdóttir fór til Banda Aceh, á norðanverðri Súmötru í Indónesíu, dagana 26.-27. janúar. Tilgangur heimsóknar hennar var að heimsækja verkefni og uppbyggingarstarf Barnahjálpar Sameinuðu þjóðanna eftir flóðbylgjuna sem reið yfir löndin við Indlandshaf fyrir rúmu ári síðan.

Opnuð hefur verið vefsíða vegna þess að ár liðið frá hamförunum við Indlandshaf og landssöfnuninni Neyðarhjálp úr norðri. Þar má sjá skýrslu UNICEF um hamfarirnar sem kom út í desember og aðgengilegar upplýsingar fyrir almenning og fjölmiðla.

Dúkkur Kvenfélagasambands Íslands og Barnahjálpar Sameinuðu þjóðanna eru nú komnar í sölu bæði á Akureyri og Egilsstöðum. Þegar hefur nær helmingur af 800 dúkkum selst og því hafa safnast 2 milljónir króna sem mun hjálpa stúlkum í skóla í Gíneu-Bissá. Vegna fjölda eftirspurna var dúkkunum komið í sölu úti á landi.

UNICEF Ísland vill óska öllum landsmönnum gleðilegra jóla og farsældar á komandi ári.
Við þökkum þann stuðning og þá velvild sem við höfum notið á árinu og lítum björtum augum til framtíðar.

Býflugan og blómið á Akureyri hefur tekið til sölu dúkkur sem kvenfélög um land allt hafa gert til styrktar stúlkum í Gíneu-Bissá. Nú geta Norðlendingar skoðað úrvalið og fest kaup í dúkkum sem gleðja bæði börn á Íslandi og í Gíneu-Bissá. Býflugan og blómið er staðsett á Glerárgötu 36.

Hinar vinsælu dúkkur Kvenfélagasambands Íslands og UNICEF eru nú til sölu í Blómabæ á Egilsstöðum. Hver dúkka kostar 5000 krónur og rennur ágóðinn til menntaverkefnis fyrir stúlkur í Gíneu-Bissá. Við hvetjum alla fyrir austan til að leggja leið sína í Blómabæ, Miðvangi 31, Egillstöðum.

Þau börn sem njóta góðs af verkefnum UNICEF í Gíneu-Bissá voru þeirrar gæfu aðnjótandi fyrir nokkru að fá veglegan styrk frá þremur íslenskum fyrirtækjum, Baugi Group, FL Group og Fons. Eins og kunnugt er héldu styrktaraðilar okkar veislu þar sem boðsgestir gátu veitt styrki til verkefna UNICEF í þessu sjötta fátækasta ríki í heimi, Gíneu-Bissá.

Lilja Eyþórsdóttir veitti UNICEF styrk í dag að verðmæti 57.000 krónum og mun styrkurinn renna til menntunar stúlkna. Lilja afþakkaði blóm og gjafir í afmælisveislu sinni en óskaði í staðinn eftir því að þeir sem vildu gætu lagt 500 til 1000 kr inn á reikning til styrktar UNICEF.

Þann 1. desember, á alþjóða alnæmisdeginum, veittu Alnæmissamtökin 100.000 kr. styrk til herferðar UNICEF sem ber yfirskriftina „Sameinumst fyrir börn, sameinumst gegn alnæmi". Stefán Ingi Stefánsson, framkvæmdastjóri UNICEF Ísland, veitti styrknum viðtöku á skrifstofu Alnæmissamtakanna.

Á fullveldishátíð sem styrktaraðilar UNICEF, Baugur Group, FL Group og Fons, efndu til í Listasafni Reykjavíkur í gærkvöldi söfnuðust um 90 milljónir króna. Allur ágóði af kvöldinu mun renna til verkefna UNICEF í Gíneu-Bissá. UNICEF á Íslandi er afar þakklátt fyrir þennan mikla stuðning.

Sir Roger Moore mun kíkja á jólakortasölu UNICEF á morgun, laugardag, að Laugavegi 42, 2. hæð, kl. 14:00. UNICEF hefur selt jólakort í nær 60 ár eða nánast alveg frá stofnun samtakanna. Sala á þeim var ein fyrsta fjáröflun meðal almennings sem UNICEF fór í og er enn stór tekjulind samtakanna.

Fyrirtækin Baugur Group, FL Group og Fons skrifuðu í morgun undir stærsta styrktarsamning fyrirtækja sem gerður hefur verið í þágu góðgerðarmála á Íslandi. Styrkurinn hljóðar upp á 135 milljónir króna og munu nær 100 þúsund börn í Gíneu-Bissá njóta góðs af styrknum, auk kennara, skóla og samfélagsins alls.

Helga Guðmundsdóttir, formaður Kvenfélagasambands Íslands, afhenti í dag Stefáni Inga Stefánssyni framkvæmdastjóra UNICEF Ísland 172.500 krónur fyrir hönd þeirra kvenfélaga sem ekki höfðu saumað dúkkur til styrktar menntaverkefnis UNICEF Í Gíneu-Bissá.

Jólakort og gjafavörur UNICEF eru að koma í hús og hefst salan eftir helgi í nýrri skrifstofu UNICEF Ísland að Laugavegi 42, 2. hæð, og í ýmsum ritfangaverslunum.

UNICEF leitar að kraftmiklum verkefnastjóra í fullt starf til að hafa umsjón með fjáröflunum UNICEF auk þess að taka þátt í öðrum verkefnum við kynningu og upplýsingagjöf. Áhugasömum er bent á að hafa samband við skrifstofuna í síma 552-6300 eða með því að senda tölvupóst á unicef@unicef.is

UNICEF Ísland hefur nú flutt í nýtt húsnæði að Laugavegi 42, 2. hæð, ásamt UNIFEM og Félagi Sameinuðu þjóðanna. Félögin voru öll áður til húsa í Skaftahlíð 24.

Barnahjálp Sameinuðu þjóðanna á Íslandi hefur sent út 2,5 milljónir króna til neyðaraðstoðar fyrir fórnarlömb jarðskjálftans í Pakistan. UNICEF hefur óskað eftir 20 milljónum Bandaríkjadala (yfir einum milljarði ISK) til að geta veitt neyðaraðstoð til barna og fjölskyldna sem lifðu af jarðskjálftann.

Fleiri Íslendingar hafa bæst í hóp heimsforeldra eftir söfnunarþáttinn hjá Fólk með Sirrý í gær, en skráningin gekk framar vonum. Tvær endursýningar verða á þættinum, í dag fimmtudag kl. 17:20 og á sunnudag kl. 15:10. Enn er opið fyrir söfnunarsímann 5 62 62 62.

Heimsforeldraátak UNICEF nær hámarki í söfnunarþætti í Fólk með Sirrý á SkjáEinum í kvöld. Í þættinum gefst Íslendingum kostur á að sjá með eigin augum hvernig framlögum heimsforeldra er varið og hvað lítið framlag skiptir miklu máli.

Heimsforeldraátak UNICEF nær hápunkti næstkomandi miðvikudag, 14. september, í tveggja klukkustunda löngum söfnunarþætti hjá Sirrý á SkjáEinum, kl. 21:00-23:00. Í söfnunarþættinum verður sýnt fram á hve miklum árangri heimsforeldrar hafa náð og hvað hvert framlag skiptir miklu máli.

Fimmtudaginn, 8. sept., mun UNICEF Ísland bjóða börnum og fullorðnum, gestum og gangandi, að bragða á „Uji“, allsérstökum graut sem veittur er vannærðum börnum í Afríku og víðar. Uppákoman er í tengslum við söfnunarþátt fyrir UNICEF hjá Sirrý á SkjáEinum næstkomandi miðvikudag. Við hvetjum alla til að mæta á Ægissíðuna!!

Þegar svo stórt verkefni eins og útsending Live8 var á Sirkus þarf að huga að mörgu. Heimsforeldraátak UNICEF stóð yfir alla útsendinguna, eða í 12 klukkustundir, og gafst fólki kostur á að hringja í símann 5 62 62 62. Hinum megin á línunni voru alls 23 einstaklingar og fjölskyldumeðlimir þeirra, í þjónustuveri Og Vodafone

Vegna fjölda fyrirspurna síðustu daga er vert að taka það fram að heimsforeldrar styrkja ekki eitt ákveðið barn, heldur verkefni sem hjálpa mörgum börnum. Verkefnin geta t.d. verið að bólusetja öll börn í einu landi, byggja skóla, veita aðgang að vatni og hreinlætisaðstöðu, veita umönnun til HIV-smitaðra, sjá um munaðarlaus börn, frelsa börn úr stríðum og svo mætti lengi telja.

Fjöldi nýrra heimsforeldra bættust í hópinn á meðan á útsendingu Live8-tónleikanna stóð á Sirkus um helgina. Alls skráðu sig um 600 manns í gegnum síma og á netinu og eru íslenskir heimsforeldrar því orðnir um 4300. Gert er ráð fyrir að fleiri muni skrá sig á næstu vikum þar sem heimsforeldraátak UNICEF stendur enn með auglýsingum í sjónvarpi og útvarpi.

Næstkomandi sunnudag, 26. júní kl. 11:00, munu hjálparsamtökin fimm, sem stóðu að söfnunarátakinu Neyðarhjálp úr norðri, efna til blaðamannafundar í Þjóðmenningarhúsinu. Þá verður hálft ár liðið frá því að flóðbylgjurnar við Indlandshaf tóku líf yfir 200 þúsund manna og skildu milljónir eftir án heimilis, lifibrauðs og ástvina.

Nemendur 6. bekkjar í Gerðaskóla héldu tombólu á vorhátíð skólans á dögunum og gáfu þeir allan ágóðann til UNICEF, Barnahjálpar Sameinuðu þjóðanna. Bekkurinn safnaði alls 17.171 krónu og hefur fjárstuðningnum verið veitt viðtöku. UNICEF mun nota peninginn til hjálpar öðrum börnum sem minna mega sín í heiminum.

Þessar ungu stúlkur, Bergþóra Björg, Þorbjörg Eva og Elva Dögg, eiga heima á Raufarhöfn. Í tilefni af sumarkomunni gengu þær í hús á Raufarhöfn og sungu til styrktar UNICEF - Barnahjálp Sameinuðu þjóðanna. Þær söfnuðu 2.616 krónum. Framlag þeirra Bergþóru, Þorbjargar og Elvu er kærkominn stuðningur við börn sem eiga um sárt að binda.

Næstkomandi mánudag, 2. maí, mun geisladiskur sem Björk Guðmundsdóttir gefur út til styrktar UNICEF, Barnahjálpar Sameinuðu þjóðanna, vera dreift í búðir hér á landi. Drifin áfram af þeim hrikalegu áhrifum sem hamfarirnar í kjölfar flóðbylgnanna í Asíu höfðu á börn á svæðinu, ákvað Björk að setja saman safn af útgáfum annarra á lagi hennar „Army of Me“.

Allsérstakur sumarglaðningur mun berast inn á hvert heimili á Íslandi fyrstu viku sumars. Um er að ræða DVD disk með teiknimyndinni Kötu – litlu lirfunni ljótu á alls sjö tungumálum. Skýringin á þessum sumarglaðningi er sú að Umhyggja – félag til styrktar langveikum börnum og UNICEF Ísland hafa tekið höndum saman.

Stórsöngvarinn og velgjörðarsendiherra UNICEF, Harry Belafonte, mun senda Íslendingum bréf sem fylgir Morgunblaðinu miðvikudaginn, 15. mars. Harry Belafonte kom til landsins á vegum UNICEF Ísland í nóvember síðastliðnum í þeim tilgangi að hvetja fólk til að gerast heimsforeldrar og láta sig málefni barna varða.

Laugardaginn 12. mars fagnaði landsnefnd UNICEF á Íslandi eins árs afmæli sínu. Af því tilefni var slegið upp barnaafmæli í Miðstöð Sameinuðu þjóðanna að Skaftahlíð 24. Boðið var upp á barnaafmælisköku, djús og blöðrudýr frá dýpstu frumskógum Afríku. Barnakór Ísaksskóla söng afmælissönginn, Hótel jörð og lag úr Línu Langsokk.

Félagið Íslensk ættleiðing veitti í gær styrk til verkefna UNICEF á flóðasvæðunum við Indlandshaf. Styrkupphæðin er 305 þúsund krónur en það samsvarar þúsund krónum á hvert barn sem hefur verið ættleitt frá þeim löndum sem lentu í hamförunum annan í jólum.

UNICEF vekur athygli á því að þann 1. mars er lokaskiladagur í hinni árlegu einnar-mínútu-myndbanda samkeppni. Ungmenni og fullorðnir frá öllum heimshornum geta tekið þátt. Vinnusmiðja einnar mínútu myndbanda var haldin hér á landi í október síðastliðnum en þá tóku 20 ungmenni frá öllum Norðurlöndunum þátt með glæsilegum árangri.

Landssöfnunin „Neyðarhjálp úr norðri" fékk frábærar viðtökur hjá landsmönnum og ljóst er að yfir 110 milljónir hafa safnast fyrir fórnarlömb hamfaranna við Indlandshaf einungis með þessari söfnun. Söfnunarþáttur í samsendri útsendingu Ríkissjónvarpsins, Stöðvar 2 og Skjás eins gekk mjög vel og sýndi hvernig samstaða og samstarf ólíkra aðila getur skipt sköpum í söfnun sem þessari.

Söfnunarátakið Neyðarhjálp úr norðri stendur nú sem hæst en mun ná hámarki í söfnunarþætti á þremur sjónvarpsstöðvum samtímis á morgun, laugardag. Margir skemmtilegir atburðir eru í kringum söfnunina, það stendur nú yfir uppboð, fyrirtæki geta skorað á hvort annað, leikhúsin og bíóhúsin verða með sýningar til styrktar söfnuninni.

500 manns hafa á fyrsta degi hringt í söfnunarsíma átaksins og gefið 809.000 kr. Fyrirtæki sýna hugkvæmni m.a. getur fólk keypt kaffi frá Aceh-héraði og lagt söfnuninni þannig lið. Dagskrá á Glerártorgi á Akureyri á laugardaginn verður í höndum listamanna úr fjórðungnum. Fleiri sjálfboðaliða vantar í verslunar-miðstöðvarnar föstudag og laugardag.

Í dag, þriðjudag, hófst landssöfnun þriggja sjónvarpsstöðva, þriggja verslunarmiðstöðva, níu útvarpsstöðva, þriggja dagblaða, listamanna, fyrirtækja og almennings til hjálpar þeim sem lifðu af hamfarirnar í Asíu. Söfnunarfénu verja fimm mannúðarsamtök; Barnaheill - Save the Children, Hjálparstarf kirkjunnar, Rauði kross Íslands, SOS barnaþorp og UNICEF - Barnahjálp Sameinuðu þjóðanna.

Nemendafélag Tækniháskólans færði UNICEF Ísland framlag á dögunum að upphæð 100.000 krónur. Framlagið er til stuðnings neyðar- og uppbyggingarstarfi Barnahjálparinnar á flóðasvæðunum í Suður- og Suðaustur-Asíu. UNICEF er með viðamikla starfsemi á hamfarasvæðunum og einbeitir sér sérstaklega að þörfum barna.

Samstarfshópur einstaklinga, fyrirtækja og fjölmiðla undirbýr nú landssöfnun til styrktar þeim sem þjást vegna hamfaraflóðanna í Asíu. Söfnunin hefst á mánudag og nær hámarki með sjónvarpsútsendingu laugardaginn 15. janúar. Verndari söfnunarinnar og talsmaður verður Vigdís Finnbogadóttir fyrrverandi forseti Íslands.

Fyrirtækið Þekkingarmiðlun veitti UNICEF 150 þúsund króna styrk á dögunum í nafni viðskiptavina sinna í stað þess að senda þeim jólakort. Styrkurinn mun renna til menntaverkefa UNICEF, en í dag eru yfir 121 milljón börn sem njóta ekki grunnmenntunar.

Útflutningsráð Íslands hefur ákveðið að veita UNICEF Ísland styrk að jafnvirði þeirri upphæð sem annars hefði farið til jólakortakaupa stofnunarinnar. Með styrkveitingunni styður Útflutningsráð Barnahjálpina til góðra starfa fyrir börn til betra lífs.

Við vekjum athygli á því að ljósmyndasýning UNICEF í Smáralindinni er nú staðsett fyrir framan Hagkaup. VIð hvetjum alla til að kíkja á þessa áhrifamiklu ljósmyndasýningu, kynnast aðstæðum barna víðsvegar í heiminum og verkefnum UNICEF.

lok október komu 20 ungmenni frá öllum Norðurlöndunum til að taka þátt í einnar-mínútu-myndbanda-vinnustofu sem UNICEF Ísland hélt, með stuðningi menntamálaráðuneytisins. Slíkar vinnusmiðjur eru haldnar um alla Evrópu og í nóvember ár hvert er haldin samkeppni milli einnar mínútu myndbandanna í Hollandi.

Næstkomandi laugardag, þann 20. nóvember kl. 15:30, mun stórsöngvarinn og velgjörðarsendiherra UNICEF, Harry Belafonte, opna ljósmyndasýningu um UNICEF – Barnahjálp Sameinuðu þjóðanna – í Smáralindinni. Sýningin verður staðsett fyrir framan Te & kaffi (Debenhams) á neðri hæð Smáralindar.

Í tilefni af 15 ára afmæli Barnasáttmála Sameinuðu þjóðanna og heimsforeldraátaki UNICEF Ísland mun velgjörðarsendiherra UNICEF og stórsöngvarinn Harry Belafonte heimsækja landið 18.-21. nóvember. Belafonte var skipaður velgjörðarsendiherra UNICEF þann 4. mars 1987.

Þorgerður Katrín Gunnarsdóttir menntamálaráðherra og Markús Örn Antonsson útvarpsstjóri heimsóttu UNICEF við lok vinnusmiðju í gerð einnar-mínútu-myndbanda. Þau 20 ungmenni frá öllum Norðurlöndunum sem sóttu vinnusmiðjuna sýndu gestunum afrakstur vinnu sinnar og ræddu um þau málefni sem brenna mest á ungu fólki í dag.

Tuttugu ungmenni frá Íslandi, Grænlandi, Færeyjum, Danmörku, Svíþjóð, Noregi og Finnlandi eru samankomin í Reykjavík til þess að vinna að framleiðslu einnar-mínútu myndbanda um lýðræði og þátttöku ungs fólks í samfélaginu. UNICEF Ísland og menntamálaráðuneytið standa fyrir vinnusmiðjunni sem stendur yfir þar til á fimmtudaginn 21. október.

Í dag lenti flugstjórinn og stjórnarformaður South East Asian Airlines, Iren Dornier, sögulegum flugbát af gerðinni Dornier DO24 ATT í Reykjavík. Dornier flýgur nú hringinn í kringum heiminn en nákvæmlega 75 ár eru liðin frá því afi hans og hönnuður flugvélarinnar, Claude Dornier (1884-1969), fór ferð með slíkri flugvél sem þá þótti mikið afrek á sviði flugsmíði.

Utanríkisráðuneytið samþykkti föstudaginn 1. október að veita tveimur milljónum króna til neyðaraðstoðar UNICEF í ríkjum Karabíska hafsins í kjölfar eyðileggingar fellibylsins Jeanne þann 18. september sl. Í aðstæðum sem þessum skiptir miklu máli að bregðast skjótt við og hafa íslensk stjórnvöld gert það aðeins viku eftir að Kofi Annan, framkvæmdastjóri SÞ, fór þess á leit við þjóðir heimsins að þær kæmu íbúum Haítí og annarra ríkja Karabíska hafsins til aðstoðar.

Um þessar mundir senda landsnefnd UNICEF á Íslandi og frú Vigdís Finnbogadóttir, verndari heimsforeldra, bréf til allra heimila landsins þar sem Íslendingum er boðið að gerast heimsforeldrar. Heimsforeldrar eru öflugt stuðningsnet fyrir þurfandi börn um allan heim sem fólk getur orðið hluti af með mánaðarlegu fjárframlagi.

Hólmfríður Anna Baldursdóttir, starfsmaður UNICEF Ísland, heimsótti á dögunum landsnefnd UNICEF í Danmörku og birgðastöð UNICEF í Kaupmannahöfn. Birgðastöðin, sem er 25 þúsund fermetrar, pakkar og sendir vörur til allra heimshorna fyrir UNICEF.

Viktoría Áskelsdóttir lauk í dag, 10. ágúst, sundi sínu yfir Breiðafjörð. Tekið var vel á móti henni þegar hún kom í land í Stykkishólmi, en bæjarstjórinn var fremstur í flokki móttökuhópsins.

Viktoría hefur haldið dagbók um sund sitt yfir Breiðafjörð. Í dagbókinni lýsir Viktoría sundinu, skrifar um hugleiðingar sínar og lýsir hinni fallegu nátttúru kringum Breiðafjörðinn. Nú er aðeins ein vika eftir af sundinu og hefur Viktoríu gengið afar vel í þessari þrekraun sinni.

Laugardaginn 24. júlí mun Viktoría Áskelsdóttir hefja tveggja vikna sund yfir Breiðafjörð. Þetta verður í fyrsta skipti sem nokkur manneskja reynir að synda yfir fjörðinn.

Delta Kappa Gamma, samtök kvenna í ýmiskonar fræðslustörfum veittu UNICEF styrk á dögunum til þess að mennta ungar stúlkur í Vestur-Afríku. Ákveðið var að láta 100 þúsund krónur renna til þessa verkefnis núna en jafnframt munu hinar níu deildir samtakanna fá það verkefni að safna áfram til þessa verkefnis næstu vetur.

EJS, sem er einn stærsti þjónustuaðili og birgi landsins í upplýsingatækni, gaf nýlega Barnahjálp Sameinuðu þjóðanna allan tölvubúnað í skrifstofu sína að Skaftahlíð 24 í Reykjavík.