Þú ert hér:
Söfnunarátakið Neyðarhjálp úr norðri stendur nú sem hæst en mun ná hámarki í söfnunarþætti á þremur sjónvarpsstöðvum samtímis á morgun, laugardag.
Margir skemmtilegir atburðir eru í kringum söfnunina, það stendur nú yfir uppboð, fyrirtæki geta skorað á hvort annað, leikhúsin og bíóhúsin verða með sýningar til styrktar söfnuninni, verslanamiðstöðvar á landinu eru með dagskrá, Kramhúsið verður með danstíma og margt fleira. Fólk getur því lagt sitt af mörkum með ýmsum hætti. Vert er að líta nánar á dagskránna sem framundan er í dag og á morgun.
Föstudagur:
Skemmtidagskrá verður fyrir börn og fullorðna í Kringlunni, Smáralind og Glerártorgi Akureyri kl. 14-18 og sjálfboðaliðar munu safna framlögum í bauka. Einnig mun Regnboginn sýna Í takt við tímann kl. 18, 20 og 22, Borgarleikhúsið sýnir Héra Hérason kl. 20 fer allur ágóði þessara sýninga til landssöfnunarinnar.
Kaffitár selur einnig kaffi frá Aceh-héraði á 700 krónur í verslunum sínum í Kringlunni og Bankastræti til styrktar söfnuninni.
Kramhúsið selur danstíma á 1000 krónur í dag og munu kennarar og starfsfólk Kramhússins gefa vinnu sína. Eftirtaldir tímar eru í boði: Afró kl. 15:35-16:35, Bollywood kl. 16:40-17:40, Yoga og hugleiðsla kl. 16:40-17:40, Jass Funk kl. 17:45-18:45 og Tangó kl. 17:45-18:45. Allir velkomnir á meðan húsrúm leyfir.
Laugardagur:
Skemmtidagskrá verður fyrir börn og fullorðna í Kringlunni, Smáralind og Glerártorgi Akureyri kl. 12-18. Sjálfboðaliðar safna framlögum í bauka.
Sjósundsfélag Íslands efnir til sundmaraþons í Nauthólsvík kl. 13:30-16:30 en hitastig í sjónum er um ein gráða. Heitið á sundkappana með framlögum í síma 590 0800
Kaffitár selur áfram kaffi frá Aceh-héraði á 700 krónur í verslunum sínum í Kringlunni og Bankastræti til styrktar söfnuninni.
Á laugardagskvöld verður sjónvarpsþáttur á samtengdri rás RÚV, Stöðvar 2 OG Skjás eins, kl. 19:40-21:40. Þá geta einstaklingar og fyrirtæki gefið tilkynnt stærri framlög í síma 755 5000. Þekkt fólk mun svara í símann.
BM-ráðgjöf skráir stærri framlög fyrirtækja og áskoranir í dag föstudag í síma 590 8000 frá kl. 9-17. Starfsmenn BM-ráðgjafar gefa vinnu sína. Bylgjan og Rás 2 geta sagt frá stærri framlögum og áheitum fyrirtækja sín á milli í dag og á morgun.
