UNICEF eru algjörlega ópólitísk samtök og vinnur með stjórnvöldum, frjálsum félagasamtökum og fleiri aðilum í hverju landi fyrir sig í þeim tilgangi að tryggja réttindi allra barna.
Þú ert hér:
Jarðskjálfti mældist 6.4 á Richter skala í suðvesturhluta Íran í nótt. Þarlendir fjölmiðlar segja að um 175 manns hafi týnt lífi og miklu fleiri hafi slasast. Landskrifstofa UNICEF í Íran hefur sent hjálparstarfsmenn til jarðskjálftasvæðisins, en aðstæður þar eru erfiðar vegna rigninga.
Erfitt er að segja til um hversu alvarlegt ástandið er á þessu stigi málsins en upplýsingar um tölu látinna breytist hratt. Jarðskálftinn var í héraðinu Kerman nærri borginni Zarand en þar búa um 15 þúsund manns.
Yfirmaður UNICEF á svæðinu og skipuleggjandi neyðaraðstoðar frá UNICEF eru á leiðinni frá Bam til Zarand ásamt sérfræðingum á sviði verndunar barna, vatns- og hreinlætis, og heilsugæslumála.