Lilja Eyþórsdóttir veitir UNICEF styrk

Lilja Eyþórsdóttir veitti UNICEF styrk í dag að verðmæti 57.000 krónum og mun styrkurinn renna til menntunar stúlkna. Lilja afþakkaði blóm og gjafir í afmælisveislu sinni en óskaði í staðinn eftir því að þeir sem vildu gætu lagt 500 til 1000 kr inn á reikning til styrktar UNICEF. Mágkona Lilju, Eteri Gvazava óperusöngkona, og Jónas Ingimundarson, píanóleikari, héldu tónleika fyrir afmælisgesti í veislunni.
Lilja vill með þessum styrk hvetja aðra áfram á sömu braut og kann UNICEF henni bestu þakkir fyrir þetta glæsilega framtak.