Þú ert hér:
Tónlistarverkefninu The Steinsson Project hefur verið hleypt af stokkunum á vefsvæðinu www.steinssonproject.com. Á síðunni er hægt að hala niður hljómplötunni Backtracking Eighties, er inniheldur fræg endurútsett popplög frá níunda áratugnum, án endurgjalds og um leið styrkja menntaverkefni UNICEF með fjárframlagi að eigin vali.
Á plötunni fer íslenskur flytjandi fyrir hópi breskra tónlistarmanna sem lagt hafa vekefninu lið. Markmið útgáfunnar er að safna nægu fé til að fjármagna byggingu og reksturs í að minnsta fimm barnaskóla í Afríkuríkinu Síerra Leóne.
Síerra Leóne er á meðal fátækustu ríkja heims. Samkvæmt skýrslu Sameinuðu þjóðanna um lífsgæði frá 2007 er landið í neðsta sæti af þeim 177 löndum sem skýrslan nær til á meðan Ísland er í 1. sæti. Gríðarlegur fjöldi barna býr þar við ömurleg skilyrði og fer á mis við grundvallarréttindi sem annars staðar teljast sjálfsögð. Náist markmið verkefnisins mun fjöldi vanræktra barna í Síerra Leone fá tækifæri til þeirrar menntunar sem þau eiga skilið – sem eykur á möguleika þeirra til betra lífs og bjartari framtíðar.
Backtracking Eighties
• A Good Heart
• Only You
• Mary's Prayer
• Time after Time
• I Feel like Buddy Holly
• Tainted Love
• And She Was
• Slave to Love
• Everyday I Write the Book
• Golden Brown
• Through the Barricades
