á árinu 2006 keypti UNICEF nærri 25 milljónir moskító-flugnaneta eða 40% af heildarframleiðslu þeirra á heimsvísu. Flugnanetið kemur í veg fyrir malaríu, en 1 af hverjum 5 dauðsföllum í Afríku má rekja til malaríu.
Þú ert hér:
Ný íslensk skýrsla um mansal í Gíneu-Bissá
Komin er út skýrsla á vegum Barnahjálpar Sameinuðu þjóðanna á Íslandi um mansal á börnum í Gíneu-Bissá.
UNICEF áætlar að á hverju ári fari fjöldi barna frá Gíneu-Bissá til Senegal og Gambíu vegna vinnu og trúarlegs náms. Skýrsla þessi byggist á rannsókn sem gerð var að ósk UNICEF í Gíneu-Bissá til að afla upplýsinga um ástæður, umfang og afleiðingar þessa og hvort um eiginlegt mansal barna sé að ræða.
Auk þess beindist rannsóknin að öðrum þeim aðstæðum sem hugsanlega mætti flokka sem mansal barna í landinu og með hvaða hætti mætti tryggja réttindi barna.
Jónína Einarsdóttir, mannfræðingur og einn höfunda skýrslunnar, mun kynna helstu niðurstöður skýrslunnar á ársfundi Barnahjálpar Sameinuðu þjóðanna á Íslandi, UNICEF, í dag 14. júní kl. 17 í Þjóðminjasafninu. Fundurinn er opinn öllum.
Rannsóknin er studd af UNICEF á Íslandi, en frá stofnun hafa samtökin stutt við Gíneu-Bissá í Vestur-Afríku á sviði menntunar og heilsu. Skýrsla þessi varpar skýrara ljósi á þann flókna vanda sem blasir við mörgum börnum í Gíneu-Bissá. Í kjölfarið mun UNICEF í Gíneu-Bissá nýta niðurstöður skýrslunnar til að veita börnum, fjölskyldum og samfélögum hjáparhönd og tryggja að framkvæmd verkefna sem tengist mansali á börnum hafi raunveruleg og varanleg áhrif.
Höfundar skýrslunnar eru Jónína Einarsdóttir prófessor í mannfræði við Háskóla Íslands, Geir Gunnlaugsson landlæknir, Gunnlaugur Geirrson laganemi og Hamadou Boiro mannfræðingur.
Skýrslan er gefin út á ensku og verður þýdd á portúgölsku, og dreift hér á landi, í Gíneu-Bissá og víðar. Hana má nálgst á skrifstofu UNICEF á Íslandi og í pdf skjali hér.
