Þú ert hér:
Sett var á fót milliliðalaus verzlun, eða svokölluð PopUp verzlun, á LungA á Seyðisfirði í júlí síðastliðnum og gáfu hönnuðir 10% af söluverði valdra vara til styrktar UNICEF. PopUp verzlunin á Seyðisfirði var unnin í samstarfi við Worn by Worship.
PopUp Verzlun tjaldaði á Seyðisfirði yfir LungA hátíðina, laugardaginn 17. júlí síðastliðinn. PopUp kom sér fyrir í tjaldi við hliðina á útitónleikasvæði þar sem gestir og gangandi gátu kíkt við og verslað sér fallega íslenska hönnun og styrkt starf Barnahjálparinnar í leiðinni.
"PopUp" er milliliðalaus verzlun þar sem neytandinn getur verslað beint af hönnuði. PopUp verzlun gefur hönnuðum tækifæri á að kynna og selja vörur sínar án álagningar milliða.
UNICEF á Íslandi kann hönnuðunum sem gáfu til verkefna Barnahjálparinnar bestu þakkir fyrir stuðninginn en hönnuðirnir voru:
Pardus/Ása Ninna Pétursdóttir, Elva&Eccentric Romantic / Elva Dögg Árnadóttir, A.C.Bullion / Aaron Bullion, Eight Of Hearts / Þórey Björk Halldórsdóttir og SHE / Silja Hrund Einarsdóttir.
