Hlutverk fulltrúaráðs UNICEF á Íslandi er að vera íslenskri landsnefnd fyrir UNICEF til stuðnings í starfi sínu í þágu barna, hérlendis sem og erlendis, með tilliti til markmiða og stefnu skipulagsskrárinnar.

Í ráðinu eru einstaklingar sem hafa áhuga á og geta stutt starf UNICEF Ísland og láta með því velferð barna sig varða. Fulltrúar í ráðinu koma úr öllum geirum samfélagsins og eru með mismunandi bakgrunn og reynslu.

Fulltrúaráðið var stofnað í nóvember 2004 og hafa fundir verið haldnir 1-2 á ári síðan þá.

Formaður fulltrúaráðsins er Margrét Hallgrímsdóttir þjóðminjavörður. Margrét var borgarminjavörður frá árinu 1987 áður en hún tók við starfi Þjóðminjavarðar í nýju Þjóðminjasafni Íslendinga árið 2000. Hún er Cand.mag í sagnfræði frá Háskóla Íslands og fil.kand. í fornleifafræði frá Stokkhólmsháskóla. Margrét hefur verið með UNICEF á Íslandi frá árinu 2004.