Upplýsingasíða heimsforeldra

Heimsforeldrar eru öflugt stuðningsnet fyrir börn um allan heim. Með mánaðarlegum framlögum sínum breyta heimsforeldrar lífi þúsunda barna og hjálpa þeim að öðlast mannsæmandi líf.

Heimsforeldrar ...

... styrkja bágstödd börn um allan heim.

... sjá til þess að þau séu bólusett, fái heilsugæslu, njóti menntunar, fræðist um réttindi sín, hafi aðgang að hreinu vatni og fái tækifæri til að vera börn.

... UNICEF ver framlögum heimsforeldra þar sem þörfin er mest hverju sinni.

... til að meta þörfina er farið eftir þjóðartekjum viðkomandi lands, tíðni barnadauða (undir 5 ára) og fjölda barna (íbúa undir 18 ára).

Þetta kerfi gerir UNICEF kleift að sinna hjálparstarfi á þeim neyðarsvæðum sem njóta engrar fjölmiðlaathygli. Þannig nær UNICEF líka að starfa sem víðast og er því fyrst á svæðið þegar náttúruhamfarir skella á.

Hér á síðunni finnur þú ársyfirlit og fréttabréf heimsforeldra. Þar kemur fram hvernig framlögin nýtast og saga barna sem notið hafa góðs af verkefnum er sögð. Fréttabréfið kemur út tvisvar á ári og allir heimsforeldrar fá auk þess ársyfirlit í byrjun hvers árs.

Tengiliður þinn sem heimsforeldri er Flóki Guðmundsson. Hann tekur við öllum fyrirspurnum og athugasemdum í gegnum síma 552 6300 eða í tölvupósti heimsforeldri@unicef.is. Ef fyrirspurn þín varðar greiðslufyrirkomulag getur Bryndís Lúðvíksdóttir hjálpað þér, en hún er við fyrir hádegi alla virka daga.

Láttu okkur síðan endilega vita um breytingar á heimilisfangi, tölvupósti eða greiðslufyrirkomulagi. Bestu þakkir!

Ef þú ert ekki þegar heimsforeldri, getur þú skráð þig á skráningarsíðu okkar eða hringt í síma 552 6300 og slegist í hópinn.

Smellið á myndirnar til að skoða pdf-skjal: