Orkukex

©UNICEF/Blair - Fyrir aðeins 5.794 krónur getur þú komið ástvinum þínum á óvart með 16 kíló af orkuríkum kexkökum, gjöf sem getur hjálpað börnum sem orðið hafa illa úti í jarðskjálftum, flóðum, fellibyljum eða öðrum neyðaraðstæðum. Þetta næringarríka kex hefur verið þróað til þess að útvega þá næringu sem börn þurfa á að halda þegar neyð skellur á.

©UNICEF/Harneis - Barn heldur á pakka af næringarríku kexi í heilsugæslumiðstöð í Kibati-flóttamannabúðunum nærri bænum Goma. UNICEF og samstarfsaðilar dreifa næringarríku fæði fyrir vannærð börn, ásamt sjúkragögnum og lyfjum, til heilsugæslumiðstöðvarinnar í búðunum.

©UNICEF/Haskell - Lítill drengur sem hlotið hefur umönnun vegna vannæringar heldur hér á orkuríkri kexköku á heimili fyrir munaðarlaus börn. Þegar þú gefur þessar vítamín- og steinefnabættu kexkökur gleður þú ekki einungis góðan vin heldur hjálpar þú líka til við að koma í veg fyrir vannæringu og sjúkdóma með því að stuðla að betra næringarstigi barna í neyð.