|
Staðreyndabanki UNICEF
- Innblástur fyrir fjáraflanir og gerð fjáröflunarefnis.
Hér á eftir fara staðreyndir um aðstæður barna í þróunarlöndunum og starf UNICEF. Þessar staðreyndir er hægt að nýta í fjáröflunum fyrir UNICEF. Við hvetjum ykkur þó einnig til að gera eigin rannsóknir á aðstæðum barna og verkefnum UNICEF á vefnum. Hafið í huga að öruggustu heimildirnar um starfsemina er að finna á vefsíðu UNICEF www.unicef.org og á heimasíðum landsnefnda UNICEF t.d. www.unicef.is; www.unicef.dk; www.unicef.org.uk o.s.frv. Einnig er hægt að finna upplýsingar á heimasíðum annara stofnanna Sameinuðu þjóðanna s.s. Þróunaráætlunar S.þ., UNDP www.undp.org Flóttamannastofnunar S.þ., UNHCR www.unhcr.org og Alþjóða heilbrigðisstofnunarinnar, WHO www.who.int.
Glærukynning:
Setjið textana að neðan upp í glæruforrit (ppt). Gangið með glærusýninguna í bekki eða sýnið hana á upplýsingaskjám skólans (ef þeir eru til staðar). Bætið endilega við glærum ef þið eruð innblásin.
Hlutfall barna sem voru bólusett gegn sex alvarlegustu barnasjúkdómunum árið 1974:
5%
Hlutfall barna sem voru bólusett gegn sex alvarlegustu barnasjúkdómunum árið 2006:
80%
2010?
Þitt framlag skiptir máli
… Grípum til aðgerða!
Árið 2006 bólusetti UNICEF 40% barna í þróunarlöndunum
Notaðir voru 3 milljarðar skammtar af bóluefni
að verðmæti 28 milljarða króna
Það gerir 9 krónur á hvern skammt
Eða um það bil tvo hlaupkalla
Eitt barnslíf fyrir tvo hlaupkalla?
Hmm????
…. Grípum til aðgerða!
Á hverjum degi deyja næstum 950 börn af völdum mislinga
Það er auðvelt að koma í veg fyrir mislinga með bólusetningu
Þið eruð öll bólusett gegn mislingum
Það kostar tæpar 65 krónur að bólusetja barn gegn mislingum
Það kostar tæpar 2.000 krónur að kaupa sér eina 15” pizzu
30 bólusetningar fyrir eina 15”?
Hmm????
… Grípum til aðgerða!
Mænusótt er hræðilegur sjúkdómur sem lamar börn
Fjöldi tilfella árið 1988: 350.000 (íbúatala Íslands og Færeyja)
Fjöldi tilfella árið 2006: 2001 (íbúatala Hveragerðis)
Fækkun tilfella er meiri en...
99%
Stefnum á 100%
… Grípum til aðgerða!
1 milljón barna deyja á ári vegna malaríu
Áhrifaríkasta forvörnin gegn malaríu er að sofa undir malaríuneti
Malaríunet kostar aðeins 500 krónur
Það er ekki einu sinni ein bíóferð!
Flugnanet fyrir sirka hálfa bíóferð???
Hmmm??
... Grípum til aðgerða!
Finnst þér kennarinn þinn leiðinlegur?
Það er slæmt
Það er samt verra að vera með engan kennara
115 milljón barna hafa engan kennara
... Grípum til aðgerða!
Hvers vegna mættir þú ekki í skólann síðast?
Vegna veikinda? Fótboltaferðar? Tannlæknatíma?
115 milljón börn mæta aldrei í skólann
Vegna fátæktar, stríðs eða vinnuþrælkunar
... Grípum til aðgerða?
100% Íslendinga fá 100% hreint vatn
1 milljarður manna fær ekki hreint vatn
... Grípum til aðgerða!
Þarft þú stundum að bíða í röð eftir klósettinu?
40% jarðarbúa – 2,6 milljarðar – bíða líka
... Grípum til aðgerða!
Það gerðist margt merkilegt í fyrra
Silvía Nótt söng í Eurovision
Zidane skallaði Matarazzi á HM
Lindsay Lohan fór í meðferð ... aftur
Það gerðist líka margt fleira
Í fyrra voru 2,3 milljónir barna með HIV
380.000 börn dóu vegna alnæmis
... Grípum til aðgerða
Kanntu að reikna?
30% barna þjást af næringarskorti
Í dag eru 2.181.991.000 börn í heiminum
Hversu mörg börn þjást þá vegna næringarskorts?
Svar: 654.597.300 börn
eða
sexhundruðfimmtíuogfjórarmilljónirfimmhundruðníutíuogsjöþúsundogþrjúhundruð börn
Þetta er ekkert flókið dæmi
... Grípum til aðgerða!
Þegar þú færð niðurgang og ælupest
líður þér illa
en þú jafnar þig nú alltaf
Þegar barn í fátækustu ríkjunum fær niðurgang
getur það leitt til ofþornunar, vannæringar ... og
dauða
það urðu örlög u.þ.b. 5.000 barna í dag
... Grípum til aðgerða!
Í dag dóu u.þ.b. 27.000 börn
af orsökum sem auðvelt er að koma í veg fyrir
Ef það væri á Íslandi
þá myndu öll börn undir 18 ára aldri deyja út ...
á tæpum þremur dögum
... Grípum til aðgerða!
27.000 börn deyja daglega
af orsökum sem auðvelt er að koma í veg fyrir
Þetta þýðir að eitt barn deyr á
1
2
þriðju hverju sekúndu
Þitt framlag skiptir máli
1
2
... Grípum til aðgerða!
Hvar vannstu í sumar?
Í bæjarvinnunni eða í eiturefnaverksmiðju?
Á lager eða í kolanámu?
Í sjoppu eða við að betla á götunni?
Um 218 milljónir barna eru í þrælkun
... Grípum til aðgerða!
Hvenær lékstu þér síðast í byssó?
Sum börn leika sér aldrei með leikfangabyssur
bara alvöru
250.000 börn eru neydd til að taka þátt í stríði.
... Grípum til aðgerða!
Dæmi um hvað UNICEF getur gert fyrir söfnunarféð:
Hér er stuttur listi þar sem sjá má hvernig hægt er að verja þeim peningum sem safnast. Það er sniðugt að nota þennan lista til að varpa ljósi á hverju hægt er að áorka ef við drögum lítillega úr eigin neyslu. Dæmi: „Það kostar 400 krónur að bólusetja 40 indversk börn við mænusótt. Það er jafnmikið og snakkpoki.“
- 45 krónur nægja til kaupa á einum skammti af A-vítamíni fyrir barn í Nepal.
- 200 krónur nægja til kaupa á 60 daga skammti af vítamínbættri fæðu fyrir vannært barn í Úsbekistan.
- 400 krónur nægja til að kaupa lyfjaskammta svo hægt sé að bólusetja 40 indversk börn við mænusótt.
- 650 krónur nægja til að kaupa skólavörur (litla töflu, krít, tusku, skólatösku, o.s.frv.) fyrir barn í Úganda.
- 700 krónur nægja til að borga fyrir fimm daga þjálfun í bólusetningum fyrir heilbrigðisstarfssmann í Laos.
- 800 krónur nægja til byggingar á salerni fyrir fjölskyldu í Laos.
- 1.600 krónur nægja til að sjá barni í Nepal fyrir hreinu drykkjarvatni í eitt ár.
- 1.700 krónur nægja til að borga fyrir menntun barns í Vestur-Afríku í eitt ár.
- 3.500 krónur nægja til kaupa á kennsluefni um næringu barna fyrir 70 konur í Rúanda.
- 6.500 krónur nægja til kaupa á kennsluefni um heilsugæslu fyrir 5.000 nemendur í 100 skólum á Indlandi.
- 17.500 krónur nægja til kaupa á bráðabirgðaskóla (svokallaður skóli-í-kassa) sem er notaður til að kenna 80 börnum á átaka- eða hamfarasvæðum.
- 35.000 krónur nægja til að byggja brunn með vatnsdælu fyrir heilt þorp í Laos.
Barnasáttmálinn í orði og á borði:
Hér sérðu staðreyndir um ákvæði barnasáttmála Sameinuðu þjóðanna andspænis staðreyndum um aðstæður barna. Barnasáttmálinn er alþjóðasamningur sem næstum öll ríki heims hafa samþykkt og kveður á um réttindi allra barna – hvar sem er, hvenær sem er. Notið þessar upplýsingar í texta á plaköt, borða og póstkort; til innblásturs við gerð grafískra skilaboða; við gerð kynninga til að flytja fyrir mögulega styrktaraðila eða samnemendur ykkar.
Í Barnasáttmálanum stendur að allir einstaklingar undir 18 ára aldri séu börn – nema landslög segi annað.
Raunveruleikinn er hins vegar sá að í mörgum löndum eru börn álitin fullorðin þegar þau eru 10, 12 eða 15 ára. Þau mega giftast, þau verða að vinna, eða geta verið tekin í herinn. Á sama tíma er þessi sömu börn oft of ung til að landslög geti verndað þau, t.d. lög um atvinnumarkaðinn.
Í Barnasáttmálanum stendur að frá fæðingu eigi öll börn rétt á nafni og þjóðerni, ásamt því að búa hjá foreldrum sínum ef því verður við komið.
Raunveruleikinn er hins vegar sá að mörg börn fá réttindi sín ekki uppfyllt af þvi þau vantar fæðingarvottorð og geta því ekki sannað hver þau eru. Mörgum börnum er neitað um skólagöngu, félagslega aðstoð eða lagalega aðstoð vegna þess að þau geta ekki framvísað fæðingarvottorði. Það er ekki óalgengt að börn verði að lifa sem flóttamenn án ríkisfangs þar sem þeim er neitað um réttinn til þjóðernis, m.a.s. í því landi sem þau fæðast í.
Í Barnasáttmálanum stendur að öll börn eigi rétt á frelsi til að segja og hugsa það sem þeim finnst, ásamt því að skoðanir þeirra skulu teknar alvarlega. Einnig segir að öll börn eigi rétt á því að yfirvöld hlusti á þeirra álit þegar teknar eru ákvarðanir sem varða börn.
Raunveruleikinn er hins vegar sá að raddir flestra barna í heiminum heyrast ekki. Yfirvöld taka iðulega ákvarðanir um mál sem varða líf barna, án þess að börn séu spurð eða hlustað sé á þeirra skoðanir. Þetta á líka við á Íslandi.
Í Barnasáttmálanum stendur að öll börn eigi meðfæddann rétt á að lifa. Yfirvöldum er skilt að tryggja að börn lifi af og þroskist.
Raunveruleikinn er hins vegar sá að fátækt þvingar mörg ríki til að brjóta sjálfan réttin til lífs. Börn sem fá ekki næga næringu á fyrstu árum æfi sinnar hafa glatað mikilvægum grunni til að þróa hæfileika sína til fulls. Í mörgum fátækari ríkjum mælist meira en helmingur barna of léttur fyrir sinn aldur. Í mörgum fátækari ríkjum, og nokkrum af hinum ríkari, eyða yfirvöld meiri peningum í hermál en heilsugæslu.
Í Barnasáttmálanum stendur að öll börn eigi rétt á góðri heilsu, læknisaðstoð og fyrirbyggjandi heilsugæslu. Öll börn eiga rétt á viðunandi lífsskilyrðum.
Raunveruleikinn er hins vegar sá að á hverjum degi deyja u.þ.b. 27.000 börn af völdum sjúkdóma.
Þau deyja af völdum vannæringar þrátt fyrir að nóg sé til af matvælum í heiminum.
Þau deyja vegna neyslu á óhreinu drykkjarvatni, sem hægt er að hreinsa.
Þau deyja úr niðurgangi sem hægt er að koma í veg fyrir.
U.þ.b. þrjár milljónir barna deyja ár hvert vegna niðurgangs og vökvaskorts.
U.þ.b. þrjár milljónir barna deyja ár hvert úr mislingum, kíghósta og stífkrampa.
Árlega hljóta u.þ.b. 200.000 börn fötlun vegna lömunarveiki.
Á hverju ári missa meira en milljón börn mæður sínar, sem deyja á meðgöngu eða í fæðingu.
Í Barnasáttmálanum stendur að öll börn eigi rétt á menntun. Grunnskólaskylda á að vera almenn og börn skulu hafa aðgang að ókeypis og mannúðlegri menntun.
Raunveruleikinn er hins vegar sá að u.þ.b. 100 milljónir barna á aldrinum 6-9 ára eiga ekki möguleika á því að hefja nám. U.þ.b. 325 milljónir 13-15 ára barna eiga ekki möguleika á skólagöngu. 1/3 hluti af öllum börnum sem hefja nám eru neydd til að hætta áður en þau byrja í 6. bekk. Mörgum börnum er kennt á máli sem þau skilja ekki til hlítar. Fleiri drengir en stúlkur eiga möguleika á því að ganga í skóla.
Í Barnasáttmálanum stendur að öll börn eigi rétt á hvíld, frítíma, leiktíma og þátttöku í menningartengdum og skapandi atburðum.
Raunveruleikinn er hins vegar sá að mörg börn hafa ekki tíma til að leika sér þar sem hversdagur þeirra er uppfullur af vinnu og skyldum.
Í Barnasáttmálanum stendur að öll börn eigi rétt á því að búa með foreldrum sínum – nema það stangist á við hagsmuni barnsins. Barnið á rétt á því að halda sambandi við báða foreldra ef þeir búa ekki saman.
Raunveruleikinn er hins vegar sá að milljónir barna vaxa úr grasi án nærveru beggja foreldra, og mörg börn eru svipt réttinum til að umgangast annan eða báða foreldra sína. Sum börn neyðast til að flytja aftur til líffræðilegra foreldra sinna þó þau þekki þá ekki. Einnig er afar algengt að börn verði að sjá um sig sjálf lengi dags þegar foreldrar eru við vinnu.
Í Barnasáttmálanum stendur að öll börn eigi rétt á sérstakri umönun ef þau hafa misst foreldra sína eða eru aðskilin frá þeim. Þessi umönun getur verið í formi ættleiðingar, stuðningsfjölskyldna eða vistar á sérhæfðum stofnunum.
Raunveruleikinn er hins vegar sá að fjöldamörg börn búa á stofnunum eins og munaðarleysingjahælum og upptökuheimilum. Mörg þeirra eru svipt réttinum til að umgangast líffræðilega foreldra sína. Sum börn eru neydd til að flytjast aftur til líffræðilegra foreldra sinna þvert á vilja sinn. Börn innflytjenda og flóttamanna eru oft og tíðum send á stofnanir þar sem hvorki ríkir skilningur á tungumáli þeirra né menningu.
Í Barnasáttmálanum stendur að öll börn eigi rétt á viðunandi lífsskilyrðum.
Raunveruleikinn er hins vegar sá að fleiri en 100 milljónir manna – meirihlutinn börn – hafa ekki aðgang að viðunandi húsnæði. Ótalmörg börn þurfa að fara svöng að sofa á kvöldin. Helmingur afrískra barna elst upp í sárustu fátækt. Mörg börn búa á götunni.
Í Barnasáttmálanum stendur að öll börn hafi sömu réttindi og skuli njóta verndar gegn hvers kyns mismunun.
Raunveruleikinn er hins vegar sá að óteljandi börnum er mismunað á grundvelli húðlitar, kynþáttar, kyns, trúarbragða og fleiri þátta. Í Suður-Afríku eru t.d. 15 sinnum meiri líkur á að hvítt barn nái 5 ára aldri en svart. Í mörgum löndum njóta stúlkur ekki sömu réttinda og strákar.
Í Barnasáttmálanum stendur að börn sem búa við fötlun eigi rétt á að hljóta bestu fáanlegu umönun og fræðslu.
Raunveruleikinn er hins vegar sá að það eru u.þ.b. 150 milljónir fatlaðra barna í heiminum, og aðeins um 1 milljón þeirra fær þann stuðning sem þarf. Í þróunarlöndunum deyja næstum öll fötluð börn fyrir tvítugt. Árlega missir hálf milljón ungabarna sjónina vegna A-vítamínskorts. 2/3 hlutar þeirra deyja innan fárra vikna eftir að þau verða blind. Stríð er algengasta orsökin fyrir því að börn hljóta fötlun.
Í Barnasáttmálanum stendur að öll börn eigi rétt á vernd gegn vinnu sem er heilsuspillandi og/eða kemur í veg fyrir menntun þeirra og þroska.
Raunveruleikinn er hins vegar sá að fjórðungur allra barna undir 15 ára í Rómönsku-Ameríku stundar vinnu. U.þ.b. 20 milljónir barna í Suðaustur-Asíu á aldrinum 6 til 15 ára vinna í verksmiðjum, við múrsteinagerð og í grjótnámum. Það eru að minnsta kosti 100 milljónir götubarna í heiminum. Þau sjá um sig sjálf, og stundum sjá þau líka fyrir fjölskyldum sínum.
Í Barnasáttmálanum stendur að öll börn eigi rétt á vernd gegn kynferðislegri áreitni og kynferðisofbeldi.
Raunveruleikinn er hins vegar sá að minnsta kosti 10 milljónir götubarna stunda vændi. Það er mjög algengt að stúlkur sem vinna sem heimilisþernur verði fyrir kynferðisofbeldi. Þegar þær verða ófrískar er þeim vísað á dyr og á götunum er eina leið þeirra til að sjá sér farborða að stunda vændi. Í nokkrum löndum tíðkast enn hjónabönd barna.
Í Barnasáttmálanum stendur að öll börn sem eru flóttamenn eða sækja um hæli sem slíkir, eigi rétt á sérstakri vernd.
Raunveruleikinn er hins vegar sá að það eru u.þ.b. 8 milljónir barna flóttamenn í heiminum. Mörg þeirra eyða allri æsku sinni í flóttamannabúðum – þjökuð af kvíða, óvissu og aðgerðaleysi. Mörg þeirra hafa orðið vitni af því að heimili þeirra hafi verið eyðilögð og foreldrar þeirra drepnir. Mörg þeirra deyja vegna vannæringar og sjúkdóma. Í mörgum löndum eru flóttamannabörn lokuð inni og einangruð þegar þau sækja um hælisvist. Farið er með þau á sama hátt og afbrotamenn.
Í Barnasáttmálanum stendur að öll börn sem komast í snertingu við stríðsátök eigi rétt á vernd og umönun. Að börn yngri en 15 ára megi ekki taka þátt í bardögum. Að takmarka skuli, eins og hægt er, inngöngu 15 til 18 ára barna í heri og aðra vopnaða hópa.
Raunveruleikinn er hins vegar sá að í stórum hluta heimsins eru börn undir 15 ára aldri notuð sem hermenn – bæði af ríkisherjum og uppreisnarherjum. Í bardögum verða börn stundum að berjast gegn öðrum börnum. Stríðsátök leggjast þungt á velferð barna: Í Angóla hafa u.þ.b. 20 þúsund börn misst aðra eða báða fótleggi. Í Mósambík misstu fleiri en 200 þúsund börn foreldra sína í borgarastríðinu sem þar geisaði.
Í Barnasáttmálanum stendur að öll börn eigi rétt á að allar ákvarðanir sem teknar eru sem snerta börn skuli vera börnum fyrir bestu.
Raunveruleikinn er hins vegar sá að sífellt fleiri börn verða fyrir misnotkun og illri meðferð. Næstum öll ríki hafa minnkað útgjöld sín til heilbrigðismála, menntunar og félagsþjónustu. Oft er framtíð barna í höndum sérfræðinga sem taka ákvarðanir án þess að leita ráða hjá börnunum sjálfum.
Í Barnasáttmálanum stendur að öll börn sem eru handtekin eða sett í varðhald skuli ekki sæta líkamlegum refsingum, pyntingum eða auðmýkjandi meðferð, og skuli ekki hljóta ævilanga fangelsisdóma eða dauðadóma. Fangelsað barn á rétt á mannúðlegri meðferð, sambandi við fjölskyldu sína og vernd gegn því að vera fangelsað með fullorðnum.
Raunveruleikinn er hins vegar sá að mörg börn í mörgum löndum eru fangelsuð fyrir smávægileg afbrot, t.d. fyrir að hangsa á götum úti. Mörg börn eiga á hættu margra ára fangelsisvist fyrir slíkar yfirsjónir. Margir yngri en 18 ára þurfa að þola líkamlegar refsingar, t.d. í Bangladesh, Barbados, Íran, Pakistan og Bandaríkjunum. Í Bandaríkjunum eru 16 og 17 ára börn enn dæmd til dauða. Í sumum löndum eru börn í fangelsum pyntuð – stundum fyrir augunum á foreldrum sínum, eða þvinguð til að horfa á foreldra sína sæta pyntingum. Börn sem eru sett í fangelsi með fullorðnum verða oft fyrir nauðgunum eða kynferðislegri áreitni.
Ríkisstjórnum ber skylda að kynna Barnasáttmálann bæði fyrir fullorðnum og börnum.
Ýmsar almennar staðreyndir sem snerta starf UNICEF:
Hér eru nokkrar dapurlegar staðreyndir um aðstæður barna í heiminum. Þessar staðreyndir má nota til að vekja fólk til umhugsunar um málefnið og hvetja það um leið til að leggja því lið. Það má t.d. nota upplýsingarnar til að undirbúa ræðu, glærusýningu eða plaköt.
- Fleiri en 1,2 milljarðar jarðarbúa fengu aðgang að bættu drykkjarvatni á milli áranna 1990 og 2004. Svipaður fjöldi fólks fékk aðgang að bættri hreinlætisaðstöðu á sama tímabili. En betur má ef duga skal. Rúmlega milljarður manna hefur ekki aðgang að hreinu drykkjarvatni – u.þ.b. 900 milljónir þeirra búa í sveitum.
- U.þ.b. 2,6 milljarðar manna í heiminum (tveir af hverjum fimm) hafa ekki aðgang að viðunandi hreinlætisaðstöðu – tveir milljarðir þeirra búa í sveitum.
- Nálægt 425 milljónir barna skortir aðgang að viðunandi drykkjarvatni og fleiri en 980 milljónir barna skortir aðgang að viðunandi hreinlætisaðstöðu.
-
Árið 2004 dóu 5,6 milljónir barna yngri en fimm ára af völdum næringarskorts.
Á milli áranna 1996 og 2005 voru 27% barna í þróunarríkjunum undir meðalþyngd.
Ef helmingi færri börn væru undir meðalþyngd myndi það koma í veg fyrir 50 milljón dauðsföll til ársins 2015.
Talið er að rúmlega 23 milljónir fæðinga í Suður-Asíu séu ekki skráðar, eða u.þ.b. 47% allra óskráðra fæðinga í heiminum.
Í Afríku sunnan Sahara eru 55% barna undir fimm ára aldri ekki skráð.
Talið er að árið 2004 hafi u.þ.b. 317 milljónir barna, frá 5 ára til 17 ára, verið virk á vinnumarkaði. 218 milljónir þeirra flokkast sem „child labourer“. 126 milljónir þeirra vinna við heilsuspillandi eða hættulegar aðstæður.
Það er talið að 5,7 milljónir barna vinni við verstu hugsanlegu aðstæður, þar á meðal við vændi og í þrælavinnu til að geta borgað niður skuldir.
Áætlað er að nærri 2 milljónir barna séu notuð í kynlífsiðnaðinum þar sem þau eru kerfisbundið misnotuð og beitt ofbeldi.
Áætlað er að hvert ár séu milljónir barna seld mansali og notuð í ólöglega starfsemi þar sem þau eru þvinguð í hættuleg og niðrandi störf, s.s. vændi.
Ekki er vitað um þann fjölda barna sem notaður er í heimilisstörf á einkaheimilum, en ljóst er að hann er mjög stór. Mörgum þeirra er bannað að fara í skóla, þau verða fyrir líkamlegu ofbeldi og eru látin vinna of mikið.
Börnum sem vinna sem þjónustufólk inná heimilum er sérstaklega hætt við misnotkun og arðráni. Langflest þjónustufólk inná heimilum eru stúlkur undir 16 ára aldri.
Samkvæmt gögnum sem aflað var á árunum 1987 til 2005, voru 36% kvenna í þróunarríkjunum giftar eða í sambúð áður en þær náðu 18 ára aldri.
Talið er að u.þ.b. 14 milljónir unglingsstúlkna (á aldrinum 15 til 19 ára) eignist barn á hverju ári.
Giftingar ungra stúlkna eru algengastar í Afríku sunnan Sahara og í Suður-Asíu.
Nýlegar rannsóknir leiða í ljós að fleiri en 250 þúsund barnahermenn taki þátt í átökum um allan heim.
Talið er að 90% dauðsfalla vegna stríðsátaka síðan 1990 hafi verið óbreyttir borgarar, og 80% þeirra hafi verið konur og börn.
Af þeim tæplega 1,4 milljónum manna sem eru neydd til að vinna í kynlífsiðnaðinum eru 40-50% börn.
Á heimsvísu fangelsar lögregla fleiri en 1 milljón barna á hverju ári.
Á hverju ári deyja u.þ.b. 9,7 milljónir barna af orsökum sem hægt væri að koma í veg fyrir með kostnaðarlitlum aðgerðum.
Á hverjum degi deyja u.þ.b. 27 þúsund börn af orsökum sem hægt væri að koma í veg fyrir.
Af þeim eru 30% yngri en eins mánaðar gömul.
U.þ.b. 133 milljónir barna fæðast í heiminum á ári hverju.
Hæsta hlutfall barnadauða er í Síerra Leóne. 282 börn af hverjum þúsund sem fæðast ná ekki fimm ára aldri, eða 28,2%. Næstum þriðja hvert barn lætur lífð við fæðingu.
Staðreyndabankinn í pdf-skjali.
|
