Styrktarverkefni UNICEF-verndara

UNICEF-verndarar munu hjálpa börnum í fátækustu löndum Vestur-Afríku að ganga í skóla. Að veita börnum tækifæri til menntunar er lykillinn að framtíð þeirra.

Hvers vegna að styðja við menntun barna?

• Menntað barn mun síður búa við fátækt í framtíðinni.
• Menntað barn mun ná hærri aldri í framtíðinni.
• Menntað barn getur betur varist HIV-smiti og öðrum sjúkdómum.
• Menntað barn verður mun sjálföruggara og leitar frekar réttar síns.
• Menntuð stúlka eru síður berskjölduð fyrir ofbeldi og misnotkun.
• Menntuð stúlka giftast seinna og eignast færri börn.
• Menntuð stúlka verður hæfari móðir, hún mun skilja gildi þess að fara með barnið sitt í mikilvægar bólusetningar og reglulegar skoðanir.
• Menntun fólksins gerir samfélögin sjálfbær.

Stuðningur eins fyrirtækis getur skipt sköpum - menntun í heilt ár kostar 1.700 krónur fyrir eitt barn

Það kostar ekki mikið að mennta barn í Vestur-Afríku. Um er að ræða 1.700 kr. fyrir heilt skólaár. Í þessari upphæð felst kostnaðurinn við að reisa skóla og kaupa bekki, borð, nauðsynlegan útbúnað fyrir kennslu sem og kennsluefni og skólagögn. Inn í tölunni er einnig kostnaður við að þjálfa kennara og setja upp vatns- og hreinlætisaðstöðu.

Ef um 400 lítil og meðalstór fyrirtæki taka sig saman og skrá sig sem UNICEF-verndarar geta 44.000 börn fengið tækifæri til að ganga í skóla, en það samsvarar fjölda barna í íslenskum grunnskólum.