Fréttir í tímaröð

Ný skýrsla UNICEF um viðbrögð stjórnvalda við mansali barna var kynnt sameiginlega á öllum Norðurlöndunum í dag. Í skýrslunni, Child Trafficking in the Nordic Countries: Rethinking strategies and national responses, kemur fram að aðgerðir gegn mansali geti verið of einangraðar sem hefur leitt til þess að mál sumra barna falli ekki inn í kerfið.

12.4 milljónir evra söfnuðust í Mjúkdýraleiðangri IKEA á heimsvísu fyrir UNICEF og Save the Children. Þar af söfnuðust 22.594 evrur, eða 3.648.480 krónur, á Íslandi.
IKEA gefur eina evru fyrir hvert mjúkdýr og hverja barnamáltíð sem seldust í yfir 300 IKEA verslunum um allan heim á tímabilinu 1. nóvember til 23. desember 2011.

 

Í dag kallar UNICEF eftir 1,28 milljörðum Bandríkjadala, 157 milljörðum króna, til að fjármagna neyðarhjálp í ár en í  því felst að koma börnum í yfir 25 löndum til hjálpar. UNICEF birti í dag skýrslu sína, Humanitarian Action Report, en þar er þörfin í ólíkum löndum greind og farið yfir hvaða leiðir UNICEF telur færar til hjálpar.

Merkileg tímamót hafa orðið í baráttunni við lömunarveiki á Indlandi. Rúmt ár er síðan síðasta tilfellið í landinu kom upp. Alistair Gretarsson, upplýsingafulltrúi hjá UNICEF á Indlandi, er að vonum glaður með að lömunarveikilaust Indland sé í augsýn. (Gríðarlega mikilvægt sé að ná að útrýma sjúkdómnum um allan heim.)

Sólveig Sveinbjörnsdóttir, félagsráðgjafi, hefur unnið hjá UNICEF á ýmsum stöðum í heiminum. Seinast var hún hjá UNICEF í Eþíópíu og sagði frá reynslu sinni í skemmtilegu viðtali við Samfélagið í nærmynd á Rás 1. Sólveig útskýrði meðal annars starf sitt við barnavernd fyrir eþíópísk börn.

Fyrirtækið Davíð & Golíat hefur styrkt starfssemi UNICEF á Íslandi með gjöf á ESET Smart security hugbúnaði. Yngvi Tómasson segir að með þessu vilji fyrirtækið endurspegla þá stefnu sem það hefur haft frá upphafi og felur í sér að veita góðgerðafélögum sérkjör og styðja við góð málefni.

Tveimur árum eftir að jarðskjálftinn á Haítí lagði stóran hluta landsins í rúst er margvíslegar góðar fréttir að finna frá landinu. Fjallað var um stöðuna á Haítí og starf UNICEF í sjö-fréttatíma RÚV, í Fréttablaðinu, Speglinum, á Vísi og víðar.

Tveimur árum eftir jarðskjálftann mikla á Haítí 12. janúar 2010 hefur staða barna í landinu smám saman breyst til batnaðar. Ríkið er enn veikburða, margvíslegar áskoranir eru framundan og fátækt í landinu mikil en þýðingarmikla sigra er víða að finna. Í dag kynnir UNICEF skýrslu um stöðuna á Haítí.

Ólöf Magnúsdóttir vinnur fyrir UNICEF í Pakistan og kom í stutta heimsókn til Íslands um jólin. Ólöf sagði frá í morgunútvarpi Rásar 2 nú í morgun og í dag er einnig viðtal við hana í Morgunblaðinu. „Vissulega er þetta stundum erfitt, en þetta gerir mig líka mjög þakkláta, til dæmis fyrir að eiga heima á Íslandi,“ sagði hún.

Gleðilegt ár! Upp er runnið árið 2012, fullt af tækifærum og verkefnum! Við hjá UNICEF á Íslandi tökum nýja árinu fagnandi og þökkum innilega fyrir stuðninginn á árinu 2011. Mikið var um að vera hjá okkur á árinu - en ekkert af því hefði getað orðið að veruleika án allra þeirra fjölmörgu sem lögðu okkur lið.