Fréttir í tímaröð | UNICEF á Íslandi

Vissir þú að...

á hverjum degi smitast yfir 1150 börn undir 15 ára aldri af HIV. Taktu þátt í verkefnum UNICEF til að koma í veg fyrir fleiri smit.

Þú ert hér:

UNICEF kallar eftir sterkari viðbrögðum alþjóðasamfélagsins vegna neyðarinnar á Horni Afríku 3.ágúst.2011 Í ljósi versnandi neyðarástands á Horni Afríku vara Sameinuðu þjóðirnar við því að á næstu tveimur mánuðum gæti ástandið um gjörvalla Suður-Sómalíu orðið að hungursneyð. Ótal mannslíf eru í húfi; engu að síður eru viðbrögð alþjóðasamfélagsins ennþá hæg.	„Það eru bókstaflega mörgþúsund börn hérna sem þarfnast hjálpar“ 29.jul.2011 „Þetta er erfitt.“ Þannig lýsir starfsmaður UNICEF sem staddur er í Dadaab-flóttamannabúðunum í Keníu upplifun sinni. Frásögn hans af aðstæðum í búðunum er nöturleg en hann segir starfsfólk UNICEF engu að síður halda í jákvæðnina með því að einbeita sér að því sem gera þarf til að hjálpa eins mörgum börnum og mögulegt er.
Hjálpargögn UNICEF komast til skila í Sómalíu, Keníu og Eþíópíu 27.jul.2011 UNICEF hefur dreift 1300 tonnum af hjálpargögnum í suðurhluta Sómalíu það sem af er mánuðinum. Þar á meðal eru 653 tonn af svokallaðri UNIMIX-blöndu sem inniheldur meðal annars maís, mjólkurduft, sojamjöl, vítamín og steinefni. Úr blöndunni er búinn til næringarríkur grautur fyrir börn.	Hátt í 7000 Íslendingar hafa stutt neyðaraðgerðir UNICEF 27.jul.2011 Hátt í 7000 Íslendingar hafa stutt neyðarsöfnun UNICEF á Íslandi. Svæðisstjóri UNICEF á þurrkasvæðinu er þakklátur Íslendingum. Fyrir framlagið er hægt að útvega sem samsvarar 300.000 skömmtum af fæðu fyrir vannærð börn. Hvert framlag skiptir máli. Takk fyrir stuðninginn!
Heimsmethafi í heimsókn: Hægt að koma breytingum til leiðar 25.jul.2011 Tegla Loroupe frá Keníu er margfaldur heimsmethafi í maraþoni, og hálfmaraþoni. Hún er jafnframt góðgerðarsendiherra hjá UNICEF. Tegla er á Íslandi vegna friðarhlaupsins og heimsótti okkur á skrifstofuna í dag. Hún er frá norðvesturhluta Keníu - þar sem þurrkarnir miklu hafa valdið verulegum erfiðleikum.	Fjöldi barna í bráðri lífshættu eykst: Börn of veikburða til að taka brjóst 25.jul.2011 Fjöldi barna í bráðri lífshættu vegna alvarlegrar vannæringar eykst enn í þeim ríkjum Austur-Afríku þar sem neyðarástandi hefur verið lýst yfir. Fjöldi barnanna er nú kominn yfir 700.000 en var áður hálf milljón. Alls eru 2,23 milljónir barna vannærðar. UNICEF hefur þungar áhyggjur af þróuninni.
Endurspeglar hve grafalvarlegt ástandið er 22.jul.2011 Neyðin í Sómalíu, Keníu, Eþíópíu og Djíbúti heldur áfram að vekja sterk viðbrögð á Íslandi. Sífellt átakanlegri fréttir og myndir berast nú af neyðarsvæðunum og heimsbyggðin gerir sér æ betur grein fyrir hvers konar hörmungar eiga sér stað í þessum löndum.	Sameinuðu þjóðirnar lýsa yfir hungursneyð í Sómalíu 20.jul.2011 Hvergi í heiminum er vannæring nú meiri en í Sómalíu. Í morgun lýstu Sameinuðu þjóðirnar formlega yfir hungursneyð í tveimur héruðum landsins: Í Bakool og í Neðri-Shabelle. Neyðin bitnar mest á börnum. Þriðja hvert barn í Sómalíu er vannært.
76 tonn af lífsnauðsynlegum hjálpargögnum á leiðinni til Keníu 19.jul.2011 Í morgun tók flutningavél frá birgðastöð UNICEF í Kaupmannahöfn á loft. Ferðinni er heitið til Keníu og eru 76 tonn af hjálpargögnum í sendingunni. Búist er við vélin lendi í höfuðborginni Nairobi skömmu eftir miðnætti að staðartíma.	Nýjar myndir frá þurrkasvæðunum - myndir frá norðvesturhluta Keníu 18.jul.2011 Úti á landi, í litlum þorpum og á meðal hirðingja í Keníu eru afleiðingar þurrkanna miklu hvað alvarlegastar. Um helgina fór framkvæmdastjóri UNICEF á heimsvísu til Turkana-héraðs þar sem vannæring hefur stóraukist: Hún er nú komin upp í 37%. Við vorum að fá sendar sláandi ljósmyndir úr ferðinni.