UNICEF-verndarar kallast ný fjáröflunarleið UNICEF sem er sérstaklega sniðin fyrir lítil og meðalstór fyrirtæki. Verndarar barna borga mánaðarlega til menntaverkefnis UNICEF í fátækustu ríkjum Vestur-Afríku.

Verndara-verkefnið er ákaflega verðugt. Byggðir verða skólar, kennarar þjálfaðir auk þess sem keyptar verða skólabækur og annar búnaður fyrir kennslu. Við hvetjum þig til að vera með og gerast verndari barna.

Hvers vegna á fyrirtæki mitt að gerast UNICEF-verndari? 
Okkur hjá UNICEF Ísland er umhugað um að UNICEF-verndari fái hag af samstarfinu við UNICEF um leið og þau styðja við þurfandi börn. Verndarar fá ...

• hlut með tákni VERNDARA og UNICEF sem prýtt getur t.d. móttökuborð fyrirtækisins,
• reglulegar upplýsingar um árangur starfsins og þau verkefni sem verið er að styðja,
• nafn sitt í blaðaauglýsingu sem sýnir lista af fyrirtækjum sem gerst hafa verndarar, nema ekki sé óskað eftir því. Listinn birtist einnig hér,
• verðmæta tengingu við okkar heimsþekktu samtök sem berjast fyrir réttindum barna um allan heim.

Fjárframlag mánaðarlega eða tvisvar á ári 
Verndarar greiða mánaðarlega fasta upphæð sem þeir ákveða sjálfir. Lægsta upphæðin er 7.500 kr. á mánuði. Um fjórar greiðsluaðferðir er að ræða:

• mánaðarlegar greiðslur dregnar af kreditkorti
• mánaðarlegar greiðslur dregnar af bankareikningi
• greiðsluseðill sem sendur er mánaðarlega
• greiðsluseðill sem sendur er tvisvar á ári, uppsöfnuð greiðsla yfir 6 mánaða tímabil.