Menu

Innanlandsstarf

UNICEF á Íslandi vinnur réttindum barna hér á landi með víðtækri hagsmunagæslu og réttindafræðslu. Starfsfólk UNICEF vinnur meðal annars að því að greina stöðu réttinda barna á Íslandi og efla þekkingu á réttindum barna í samfélaginu. Við búum til hagnýtt fræðsluefni um réttindi barna, vinnum að innleiðingu Barnasáttmálans innan skóla og sveitarfélaga, ásamt því að veita stjórnvöldum á hverjum tíma aðhald í málefnum barna.

Við fræðum börn um réttindi sín og fræðum fullorðna um réttindi barna.

Við höfum barist af krafti gegn ofbeldi á börnum á Íslandi og lagt áherslu á koma í veg fyrir að ofbeldið eigi sér stað.

Við gáfum út skýrslu um börn sem líða skort á Íslandi og í ljós kom alls líða 9,1% barna hér á landi efnislegan skort. 

Barnasáttmálinn í kassanum

Í tilefni af afmæli Barnasáttmálans bjó UNICEF á Íslandi til Barnasáttmálann í kassanum, kennsluefni um sáttmálann. Um er að ræða lítinn kassa sem inniheldur bækling með Barnasáttmálanum í barnvænni útgáfu og í fullri lengd, auk spilastokks sem inniheldur sjö skemmtilegar æfingar um sáttmálann.  

Æfingarnar eru hugsaðar fyrir börn jafnt sem fullorðna og miða að því að einstaklingar kynnist innihaldi sáttmálans og setji hann í samheng við íslenskan veruleika. 

Allir grunnskólar á Íslandi fengu Barnasáttmálann í kassanum að gjöf frá UNICEF í tilefni af 25 ára afmæli Barnasáttmálans.  Ef skólar eða einstaklingar hafa áhuga á að eignast eintak af kassanum er hægt að panta hann með því að senda tölvupóst á netfangið unicef@unicef.is en kann kostar 3900 kr.