30. október 2019 UNICEF á Íslandi sendir Íslendingum áskorun um að hlusta á börn í Sýrlandi með því að hringja í síma 562-6262. Á hinum enda línunnar heyrir þú sögu af raunverulegum atburðum og aðstæðum barna í Sýrlandi en sagan hefur vakið mikla athygli og fjölmarga til umhugsunar. Þorir þú að hlusta?
Fjölmargir Íslendingar hafa fengið inn um bréfalúguna, eða fundið á fjölförnum stöðum, dularfullt umslag með áskoruninni um að hringja í áðurnefnt símanúmer. Er uppátækið liður í því að UNICEF á Íslandi hefur nú blásið nýju lífi í neyðarsöfnun sína fyrir börn í Sýrlandi með óhefðbundnum hætti. Viðbrögðin hafa ekki látið á sér standa og eru Íslendingar að sýna að börnin í Sýrlandi eru ekki gleymd.
UNICEF hefur staðið vaktina í Sýrlandi síðan átök hófust þar árið 2011 við erfiðar aðstæður en nú er ný neyð aðkallandi eftir að Tyrklandsher réðst inn á landsvæði Kúrda þann 9. október síðastliðinn. 80 þúsund börn lentu á vergangi vegna þessa þegar þau flúðu heimili sín. Sá fjöldi er eins og öll börn á Íslandi, 17 ára og yngri. Neyð þessara barna er mikil þó árásum hafi linnt. Skortur á hreinu vatni, nauðsynjum, mat og lyfjum setur tugþúsundir barna og fjölskyldur þeirra í hættu. Hvert látið og slasað barn er einu of mikið.
"}}},{"__typename":"PrismicPostBodyUniImpNewsImage","id":"defb313f-11c3-51d0-aa81-af719db96600","primary":{"caption":"","credit":"","newsimage":{"url":"https://images.prismic.io/uniceficeland/ZTRkZWZlOTQtMGE4MS00ZWRlLWJiNTgtNTQxNWVjM2MxOTY1_opnadu_mig_2.jpg?auto=compress%2Cformat&rect=0%2C0%2C4032%2C3024&w=4032&h=3024","thumbnails":{"featuresize":null}}}},{"__typename":"PrismicPostBodyUniImpNewsContent","id":"494d55c9-c56d-5dbd-ae15-28e88f9d1aa9","primary":{"text":{"html":""}}},{"__typename":"PrismicPostBodyUniImpNewsContent","id":"22e7c122-6391-55f3-9bd9-63c4587417b9","primary":{"text":{"html":"„Við völdum að fara þessa óhefðbundnu leið því undanfarin ár hafa allir miðlar verið uppfullir af fréttum af „ástandinu í Sýrlandi“ og við skiljum að fólk getur upplifað eins konar neyðardoða þegar neyðin hefur staðið svona lengi yfir,“ segir Bergsteinn Jónsson, framkvæmdastjóri UNICEF á Íslandi.
„Við vildum með þessu virkja fólk til að sýna hluttekningu með börnum í Sýrlandi með því að stíga eitt aukaskref og sækja sér söguna sjálft. Með því að hringja í símanúmerið og hlusta á söguna erum við að sýna börnum í Sýrlandi að við erum ekki hætt að hlusta og að sögur þeirra og upplifun skiptir okkur máli,“ segir Bergsteinn.
UNICEF er að bjarga lífum í Sýrlandi og hefur náð ótrúlegum árangri við erfiðar aðstæður undanfarin ár. Ekkert af því hefði verið mögulegt án stuðnings frá almenningi, þar á meðal Íslendingum. Ný neyð ógnar nú því sem áunnist hefur. Látum það ekki gerast. Við þurfum að sýna börnum í Sýrlandi að þau skipta máli og við erum ekki hætt að standa vörð um þau, svo lengi sem þetta stríð varir.
Við megum aldrei hætta að hlusta. Því hvert barn í neyð á sér sögu. Hverju barni í neyð má bjarga.