„Að minnsta kosti fimm börn á aldrinum 7–14 ára, þrír drengir og tvær stúlkur, eru sögð hafa látið lífið og tvö önnur börn særst í árás vopnaðra dróna á markað í Nyala í Suður-Darfur í Súdan þann 26. október síðastliðinn.
Aðeins viku áður, þann 19. október, bárust fréttir af því að árásir vopnaðra dróna hefðu kostað 80 manns lífið, þar á meðal konur og börn, á fjölförnum markaði í Abyei.
Markaðir eru staðir þar sem fjölskyldur kaupa mat og fólk vinnur fyrir sér. Ferð á markaðinn á aldrei að kosta barn lífið.
Þessar árásir eiga sér stað á sama tíma og árásir vopnaðra dróna valda sífellt meiri skaða meðal barna og almennra borgara í Súdan. Frá janúar til september 2026 var tilkynnt um að meira en 400 börn hefðu látið lífið eða særst, og árásir vopnaðra dróna áttu stóran þátt í mannfallinu. Slíkar árásir hafa einnig skemmt heimili og borgaralega innviði, þar á meðal skóla, heilbrigðisstofnanir, vatnskerfi og markaði.
Fyrir börn í Súdan verður sífellt hættulegra að sinna jafnvel einföldustu daglegu erindum. Börn eiga að geta farið á markað, sótt skóla eða leitað sér heilbrigðisþjónustu án þess að leggja líf sitt í hættu.
Eftir meira en þriggja ára átök þurfa börn í Súdan aukna vernd gegn ofbeldi, ekki nýjar hættur og leiðir fyrir átökin til að ná til þeirra. Dráp á börnum og árásir sem valda þeim meiðslum verður að stöðva.“
Sjá einnig:
"}}}]},"loginpage":null}},"pageContext":{"language":"is","prismicId":"auNchhEAACkACxSG"}},"staticQueryHashes":["1216418271","2681192219","2999785817","675757224"]}