Börnin á Barnaspítala Hringsins fengu afhent 200 mjúkdýr frá verslun IKEA á Íslandi í dag. Söfnunarátakið Mjúkdýraleiðangurinn er hluti af alþjóðlegu verkefni IKEA sem hefur staðið í samtals 13 ár. Af hverju mjúkdýri sem viðskiptavinir kaupa fyrir jólin rennur ein evra til menntaverkefna á vegum UNICEF og Barnaheilla (Save the Children). Á heimsvísu hefur verkefnið stuðlað að betra lífi fyrir rúmlega tólf milljónir barna.
Frá upphafi mjúkdýraleiðangursins árið 2003 hafa safnast sem hvorki meira né minna en 88 milljónir evra sem farið hafa til 95 mismunandi verkefna í 45 löndum í þremur heimsálfum. Þessir fjármunir nýtast m.a. til þjálfa kennara, kaupa kennslugögn og búa börnum öruggara umhverfi, bæði í skólanum og í samfélaginu almennt. Allir þessir þættir hjálpa börnum að halda heilsu, sækja skóla og ná árangri.
Um 69 milljónir barna í heiminum verða í dag af þeim grundvallarréttindum að ganga í skóla, ýmist vegna fátæktar, fötlunar, átaka eða misréttis. Öll menntun er nauðsynleg fyrir þroska barna og framtíðarmöguleika þeirra. Þá er menntun einnig mikilvæg til að rjúfa vítahring fátæktar.
Nánar má kynna sér mjúkdýraleiðangurinn á heimasíðu IKEA á Íslandi.
"}}},{"__typename":"PrismicPostBodyUniImpNewsImage","id":"917883fb-8935-5c00-a524-9b25173bebe3","primary":{"caption":"","credit":"","newsimage":{"url":"https://images.prismic.io/uniceficeland/MDkxMmVhMjktNDVmZS00OGQ1LTk1MzAtNTQ0NTY5NjZiMDI2_photo_22-01-16_11_26_10.jpg?auto=compress%2Cformat&rect=0%2C0%2C4032%2C3024&w=4032&h=3024","thumbnails":{"featuresize":null}}}}]},"loginpage":null}},"pageContext":{"language":"is","prismicId":"X3S8NRIAACMA1Mwx"}},"staticQueryHashes":["1216418271","2681192219","2999785817","675757224"]}