17. október 2019 UNICEF tilkynnti í dag sigurvegara í sex flokkum hinna alþjóðlegu Hvatningarverðlauna Barnvænna sveitarfélaga UNICEF (e. Child Friendly Cities Inspire Awards). Skemmst er frá því að segja að Kópavogsbær hlaut þar fyrstu verðlaun í flokknum Barnvæn stjórnsýsla (e. Child Friendly Governance) fyrir að hanna í samstarfi við UNICEF á Íslandi og Félagsmálaráðuneytið greiningarkerfi sem gagnast sveitarfélögum við að innleiðingu Barnasáttmálans í sína starfsemi.
Þetta magnaða verkefni mun efla réttindi og velferð barna hér á landi og örugglega víðar í heiminum. Er það því mikið gleðiefni að það sé að vekja verðskuldaða athygli og eru þessi alþjóðlegu verðlaun mikil viðurkenning fyrir það starf sem unnið hefur verið í Kópavogsbæ.
Hvatningarverðlaun Barnvænna sveitarfélaga eru veitt af UNICEF til góðra verkefna sem eru brauðryðjandi og hafa það að markmiði að gera réttindum barna hátt undir höfði og bæta daglegt líf barna og ungmenna í borgum og bæjum.
Til að hljóta tilnefningu til verðlaunanna þurftu sveitarfélög að uppfylla ákveðin skilyrði, meðal annars að hægt væri að sýna fram á árangur verkefnisins, að þau væru skapandi og í þeim fælist nýsköpun og að hægt væri að taka verkefnið upp annars staðar.
„Við erum í skýjunum yfir þessari góðu viðurkenningu. Við vissum að þetta væri mikilvægt og þarft verkefni til að bæta réttindi barna í efnameiri löndum, eins og Íslandi. Nú höfum við fengið staðfestingu á því að umheimurinn hefur líka áhuga. Við hjá UNICEF óskum Kópavogsbæ og Félags- og barnamálaráðuneytinu hjartanlega til hamingju og okkur hlakkar til að vinna verkefnið áfram í góðu samstarfi,“ segir Bergsteinn Jónsson, framkvæmdastjóri UNICEF á Íslandi.
Lista yfir sigurvegara hvers flokks má sjá hér fyrir neðan:
Nánar má lesa um verkefnið hér: Upplýsingakerfi sem tryggir velferð barna
"}}}]},"loginpage":null}},"pageContext":{"language":"is","prismicId":"X3S35hIAACQA1L3c"}},"staticQueryHashes":["1216418271","2681192219","2999785817","675757224"]}