Í nýrri greiningu UNICEF er athygli vakin á mikilli þörf á betri gögnum um stöðu barna um allan heim. Þar kemur fram að aðeins séu til fullnægjandi gögn til að fylgja eftir um helmingi þeirra Heimsmarkmiða Sameinuðu þjóðanna sem fjalla um málefni barna. Samkvæmt skýrslu UNICEF eru gögn um stöðu barna, þar á meðal mælingar á fátækt og ofbeldi, oft takmörkuð eða í lélegum gæðum. Þar af leiðandi hafa yfirvöld ekki nauðsynlegar upplýsingar til að takast á við þær hættur sem steðja að milljónum barna og til að meta árangur í vinnu að Heimsmarkmiðunum.
Sem dæmi má nefna að um það bil eitt af hverjum þremur löndum skortir gögn um fátækt barna sem hægt er að bera saman á milli landa, nánast engin gögn eru til staðar um kynferðislegt ofbeldi gegn drengjum og mikill skortur er á gögnum um fjölda barna með fatlanir í næstum öllum löndum. Einnig er skortur á gögnum um gæði umönnunar og eftirliti með mæðrum, en á hverjum degi deyja um 830 mæður vegan vandræða við barnsburð, og um það bil helmingur allra landa skortir gögn um börn í yfirþyngd. Í meira en 30 ár hefur UNICEF veitt löndum stuðning við að safna, greina og koma á framfæri gögnum um stöðu barna.
UNICEF þrýstir nú á yfirvöld um allan heim að fjárfesta í nákvæmum, sambærilegum og áreiðanlegum gögnum um stöðu barna, til að auðvelda aðgerðir sem stemma stigu við þeim erfiðleikum sem þau standa frammi fyrir.
"}}}]},"loginpage":null}},"pageContext":{"language":"is","prismicId":"X3S8NRIAACMA1M0x"}},"staticQueryHashes":["1216418271","2681192219","2999785817","675757224"]}