\r
Með sorg og söknuð í hjörtum kveður starfsfólk og stjórn UNICEF á Íslandi Guðrúnu Ögmundsdóttur, fyrrverandi stjórnarformann samtakanna og eina ötulustu baráttumanneskju fyrir mannréttindum sem Ísland hefur alið.
Guðrún sat í stjórn UNICEF á Íslandi á árunum 2011-2018 þar af frá 2016-2018 sem stjórnarformaður. Hlýja hennar og manngæska ásamt eldmóði og drifkrafti, er algjört lykilatriði í þeim árangri sem UNICEF á Íslandi hefur náð. Baráttan fyrir réttindum og velferð barna heldur áfram og sýn Guðrúnar og innblástur lifir áfram í verkum okkar.
Á löngum ferli sem félagsráðgjafi, í stjórnmálum og innan stjórnsýslunnar var Guðrún sífellt í fararbroddi við að tala máli jaðarsettra hópa. Ótal margir í íslensku samfélagi eiga henni svo mikið að þakka.
UNICEF á Íslandi sendir fjölskyldu Guðrúnar og þeim fjölmörgu sem syrgja hana hugheilar samúðarkveðjur.
"}}}]},"loginpage":null}},"pageContext":{"language":"is","prismicId":"X3S35hIAACQA1L7q"}},"staticQueryHashes":["1216418271","2681192219","2999785817","675757224"]}