18. desember 2019 Vinkonurnar Þóra og Heiða komu færandi hendi á skrifstofu UNICEF á Íslandi í gær með veglega peningagjöf sem þær vildu styrkja UNICEF með. Styrkurinn var afrakstur jólasölu þeirra þar sem þær voru meðal annars að selja heimagerð bókamerki.
Færðu þær UNICEF alls 61 þúsund krónur að gjöf sem munu svo sannarlega koma að góðum notum og mun UNICEF sjá til þess að styrknum verði, eins og alltaf, komið þangað sem þörfin er mest fyrir börn í neyð. Fylgdi það sögunni að þetta er þriðja árið í röð sem þær Þóra og Heiða safna fyrir og styrkja UNICEF fyrir jólin. Sannarlega glæsilegt framtak og til eftirbreytni.
UNICEF á Íslandi þakkar Þóru og Heiðu kærlega fyrir stuðninginn og öllum þeim sem lögðu jólasölu þeirra lið.
Viljir þú styrkja starf UNICEF bendum við á að alltaf er hægt að gerast Heimsforeldri UNICEF og styrkja þannig mánaðarlega neyðarstarf í þágu barna um allan heim. Þá stendur sala á Sönnum gjöfum UNICEF fyrir jólin sem hæst og renna þær góðu gjafir beint til barna í neyð. Allt vöruúrvalið má skoða nánar á vefnum okkar Sannargjafir.is.
"}}}]},"loginpage":null}},"pageContext":{"language":"is","prismicId":"X3S35hIAACQA1L8O"}},"staticQueryHashes":["1216418271","2681192219","2999785817","675757224"]}