18. desember 2019 Enn berast okkur gleðitíðindi af góðverkum Íslendinga fyrir jólin sem ylja okkur svo sannarlega um hjartarætur. Nú var verið að benda okkur á að nemendur og starfsfólk Höfðaskóla á Skagaströnd ætli sér að breyta út af vananum á litlu jólunum og sleppa pakkaskiptum. Þessi í stað hyggst hvert heimili leggja til þúsund krónur í söfnun fyrir kaupum á vatnsdælu í Sönnum gjöfum UNICEF.
Samkvæmt tilkynningu á vef Höfðaskóla segir að vel hafi verið tekið í söfnunina og að til að mynda hafi ein amma komið með þúsund krónur fyrir hvert barnabarn sem hún á í skólanum.
Þá segir á vef skólans að stefnt sé á að ljúka söfnuninni og kaupa dæluna á morgun, 19. desember.
Þetta er ótrúlega fallega gert af nemendum og starfsfólki Höfðaskóla og engin spurning að þessi gjöf mun koma sér vel. Vatnsdælurnar sem hægt er að kaupa á Sannargjafir.is geta séð heilu þorpi fyrir hreinu drykkjarvatni og mikilvægi þess verður aldrei metið til fjár.
Uppsetning dælanna hefur líka margvísleg jákvæð áhrif á samfélagið og bætir líf kvenna og barna verulega. Þau sleppa við að ganga langar leiðir eftir vatni í fötu en það að sækja vatn fyrir heimilið lendir oftast á herðum kvenna og barna.
Takk fyrir stuðninginn krakkar og takk fyrir stuðninginn Höfðaskóli!
Fjallað er um málið á vef Feykis í dag
"}}}]},"loginpage":null}},"pageContext":{"language":"is","prismicId":"X3S35hIAACQA1L2O"}},"staticQueryHashes":["1216418271","2681192219","2999785817","675757224"]}