Einn mesti þurrkur í Kenía í áraraðir ógnar nú lífi og heilsu þúsunda barna í norðurhluta landsins. Nýlegur regntími var stuttur í norður- og austurhluta landsins þar sem fólk lifir á hirðingjabúskap. Undir venjulegum kringumstæðum ætti búfénaður að vera við góða heilsu og nærast á nýsprottnu grasi, en í stað þess liggja hræ þeirra við vegina.
Yfirmaður UNICEF í Kenía, Heimo Laakonen, sagði að fjöldi vannærðra barna í héruðunum Wajir og Mandera gæti aukist, en ástandið er þegar mjög slæmt þar sem athuganir í október bentu til að um 30% barna væru vannærð.
„Því er spáð að þurrkarnir verði viðvarandi,“ sagði Laakkonen, „Að því gefnu mun ástandið aðeins versna, það er því nauðsynlegt að hjálparsamtök og ríkisstjórnin taki strax í taumana og standi vörð um líf barna og kvenna.“
Matvælaátælun Sameinuðu þjóðanna hefur þegar meira en tvöfaldað áætlaðar tölum um þá sem þurfa á mataraðstoð að halda eða 2,5 milljónir manna. Áætlað er að 560 þúsund manns á 7 svæðum muni þurfa neyðarbyrgðir af vatni.
Vannærð börn eru sérstaklega veik fyrir að fá sjúkdóma eins og malaríu, lungnabólgu og niðurgang. Sem betur fer fengu 80% barna á mestu þurrkasvæðunum A-vítamín í nýlegu bólusetningarátaki gegn mænusótt, en A-vítamínið styrkir ónæmiskerfið. En hins vegar hefur UNICEF verulegar áhyggjur af heilsu og líðan barna þar sem vatnsskortur er mikill á sumum svæðum, auk ónógrar heilsugæslu og á sumum svæðum hafa börn dottið úr skóla í miklum mæli. Hætta á átökum er einnig mikil. Fyrri átök yfir aðgang að vatni, gresjum og búfénaði hafa endað í fjöldamorðum þar sem börn eru ekki undanskilin.
UNICEF hefur beðið um 4 milljónir dollara til að veita 20 þúsund vannærðum börnum aðstoð. Nota á fjárhæðina til verkefna sem miða að því að tryggja að börn sæki skólann, fái hreint vatn og veita þeim nauðsynlega heilsugæslu og vernd.
UNICEF hefur þegar skráð vannærð börn í Wajir-héraði. Af 6400 börnum sem voru skoðuð, voru 1792 börn úrskurðuð vannærð og var þeim þegar veitt næring. Verið er að framkvæma svipað verkefni meðal barna og kvenna í Mandera-héraði.
UNICEF vinnur náið með ríkisstjórn Kenía til að tryggja að sá matur sem Matvælaáætlun SÞ veitir nái til þeirra barna sem mest þurfa á honum að halda. Bretar og Svíar hafa þegar heitið UNICEF aðstoð. Ríkisstjórn Kenía hefur einnig heitið auknum fjárframlögum til þurrkasvæðanna.
"}}}]},"loginpage":null}},"pageContext":{"language":"is","prismicId":"X3S_AxIAACQA1Nzk"}},"staticQueryHashes":["1216418271","2681192219","2999785817","675757224"]}