Neyðaraðstoð frá UNICEF hefur nú borist eða er komin vel á leið til þeirra svæða sem verst urðu úti eftir flóðbylgjurnar í síðustu viku.
UNICEF brást strax við fréttunum af flóðbylgjunum í Asíu með sendingu 200.000 neyðarsjúkrapakka frá birgðastöðinni í Kaupmannahöfn. Nokkru síðar höfðu fimm flugvélafarmar með ýmsum neyðargögnum verið sendir. Um er að ræða meðal annars tjöld, ábreiður og vatnshreinsitöflur. Fleiri neyðarbirgðir eru væntanlegar, þar á meðal skólagögn sem gera börnum kleift að læra þó ekki séu hefðbundnar skólastofur fyrir hendi. Mikilvægt er að koma reglu á sem fyrst í lífi barna, eftir þær hörmungar sem þau hafa gengið í gegnum.
Yfirmaður neyðaraðstoðar UNICEF, Gerry Dyer, lýsti því yfir þann 3. janúar að stöðugri sendingu neyðargagna hafi verið komið á og verði haldið áfram.
Næstu birgðasendingar munu innihalda lyf til þess að sporna við og meðhöndla sjúkdóma eins og malaríu, kóleru, blóðkreppusótt og mislinga.
„Aðstoðin er á leiðinni,” segir Dyer. „Viðbrögð alþjóðasamfélagsins hafa verið framúrskarandi.”
"}}}]},"loginpage":null}},"pageContext":{"language":"is","prismicId":"X3S_ThIAACMA1OAb"}},"staticQueryHashes":["1216418271","2681192219","2999785817","675757224"]}