22. apríl 2021

Sýrland fær fyrstu bóluefnaskammtana í gegnum COVAX-samstarfið

Sýrland fékk i gær fyrstu skammtana af bóluefnum gegn kórónaveirunni. Um er að ræða bóluefni á vegum COVAX-samstarfsins - samstarfi 192 landa sem tryggja á jafna dreifingu bólu¬efn¬is gegn kórónaveirunni meðal efnaminni ríkja heims¬ins.

Sýrland fékk i gær afhenta fyrstu skammtana af bóluefnum gegn kórónaveirunni. Um er að ræða bóluefni á vegum COVAX-samstarfsins - samstarfi 192 landa sem tryggja á jafna dreifingu bólu­efn­is gegn kórónaveirunni meðal efnaminni ríkja heims­ins. Í þessari fyrstu úthlutun fékk Sýrland 256.800 skammta af COVID-19 bóluefni og eru fleiri skammtar væntanlegir á næstu vikum..Þessir fyrstu skammtar verða gefnir heilbrigðisstarfsfólki í framlínu, þar á meðal í norðurhluta landsins þar sem átök geisa enn og fjöldi fólks er á vergangi.

UNICEF, Barnahjálp Sameinuðu þjóðanna, gegnir lykilhlutverki í COVAX-samstarfinu og leiðir innkaup og afhendingu á bóluefnunum til yfir 90 lág- og millitekjuríkja. COVAX-samstarfið vinnur bæði með stjórnvöldum og framleiðendum til að tryggja sanngjarnan aðgang að bóluefnum meðal ríkja heimsins.

Bóluefnin ljós í myrkri eftir áratuga stríð

„Bóluefnin eru ljós í myrkrinu fyrir íbúa Sýrlands. Þau munu gera heilbrigðisstarfsfólki kleift að halda áfram að veita lífsnauðsynlega aðstoð í landi þar sem heilbrigðiskerfið er að hruni komið eftir áratuga átök,“ segir Ted Chaiban, svæðisstjóri UNICEF í Miðausturlöndum.

Skráð COVID-19 tilfelli í Sýrlandi eru nú 51.580 en talið er að raunveruleg tala smitaðra sé mun hærri. Átök hafa geisað í landinu í yfir 10 ár og búnaður og aðstaða til skimana er mjög takmarkaður. Afhending bóluefnanna er því mikilvægur liður í að hefta útbreiðslu veirunnar í landinu en heilbrigðisstarfsfólk landsins þarf mun meiri stuðning til þess að geta haldið áfram að hjálpa þeim mikla fjölda fólks sem er í viðkvæmri stöðu. Eins þarf að tryggja bóluefni fyrir elda fólk og áhættuhópa sem allra fyrst.

COVAX-samstarfið gengur út á að tryggja jafnan aðgang að bóluefnum fyrir öll lönd í heiminum og markmiðið er að tryggja 2 milljarða skammta af bóluefnum fyrir lok ársins 2021. UNICEF hefur í áratugi verið leiðandi í bólusetningum og nýtir nú sérþekkingu sína til að takast á við þetta sögulega verkefni.

Á meðan sú vinna heldur áfram, þar á meðal að koma bóleufnum til stíðshrjáðra ríka í á borð við Jemen og Sýrland, kallar COVAX-samstarfið eftir jafnari dreifingu bóluefna. Ríkari lönd heimsins ættu að deila auka skömmtum með COVAX-samstarfinu til þess að hægt sé að ná að bólusetja fleiri sem fyrst. Til þess að útrýma COVID-19 þarf nefnilega að útrýma veirunni allsstaðar í heiminum og tryggja að ekkert land verði skilið eftir.

Fleiri
fréttir

08. júlí 2024

Yfirlýsing UNICEF vegna árása í Úkraínu
Lesa meira

03. júlí 2024

10 ár af neyð: Gleymdu börnin í Mið-Afríkulýðveldinu
Lesa meira

01. júlí 2024

Átta leikskólar fengu viðurkenningu sem Réttindaskólar UNICEF 
Lesa meira
Fara í fréttasafn