05. ágúst 2022

UNICEF fagnar áframhaldandi vopnahléi í Jemen en börn enn í hættu

Yfir 113 börn látið lífið eða særst síðan vopnahléi var lýst yfir í apríl

Þessi börn í Marib í Jemen eru stödd á barnvænu svæði UNICEF fyrir börn á flótta. Þar fá þau að vera börn, leika sér og fá tækifæri til menntunar eftir áralöng átök í landinu. Mynd/UNICEF

UNICEF, Barnahjálp Sameinuðu þjóðanna, fagnar því að samkomulag hafi náðst um áframhaldandi vopnahlé milli stríðandi fylkinga í Jemen. Sameinuðu þjóðirnar hafa tilkynnt að samkomulag hafi náðst um að framlengja vopnahléi frá því í apríl síðastliðnum um tvo mánuð til viðbótar. UNICEF kallar þó eftir auknum aðgerðum til að vernda börn þar sem ljóst sé að þau eru enn í skotlínu átakanna.

Philippe Duamelle, fulltrúi UNICEF í Jemen, segir jákvætt að vopnahléið í apríl hafi dregið verulega úr hörku átakanna sem og manntjóni.

„Hins vegar sýna staðfestar tölur Sameinuðu þjóðanna að síðan vopnahléi var lýst yfir í apríl síðastliðnum hafa 113 börn látið lífið eða særst alvarlega í átökum. Og sú tala er að líkindum mun hærri. Gera þarf meira til að vernda börnin í Jemen. UNICEF ítrekar ákall sitt til stríðandi fylkinga að virða vopnahlé að fullu og halda áfram að leita leiða til að koma á viðvarandi frið í landinu. Þeim ber einnig skylda til að vernda almenna borgara og beita öllum ráðum til að tryggja að jarðsprengjur og aðrar ósprungnar stríðsleifar séu hreinsaðar upp,“ segir Duamelle í tilkynningu frá UNICEF.

Fleiri
fréttir

22. september 2022

Fylkja liði í baráttunni gegn yfirvofandi hungursneyð
Lesa meira

20. september 2022

Baráttukonan Vanessa Nakate nýr góðgerðarsendiherra UNICEF
Lesa meira

16. september 2022

Kraftmikil og vel heppnuð ráðstefna UNICEF um þátttöku barna
Lesa meira
Fara í fréttasafn