Heimsforeldraátak UNICEF nær hámarki í söfnunarþætti í Fólk með Sirrý á SkjáEinum í kvöld. Í þættinum gefst Íslendingum kostur á að sjá með eigin augum hvernig framlögum heimsforeldra er varið og hvað lítið framlag skiptir miklu máli.

Fólk getur skráð sig sem heimsforeldrar í síma 5 62 62 62 og greiða þá mánaðarlegt fjárframlag til verkefna UNICEF. Þegar hefur verið opnað fyrir símann og verður hann opinn þó svo þættinum ljúki. Einnig er hægt að skrá sig á hér á síðunni. Nú eiga allir að vera með!

Styrktaraðilar að þættinum eru Vátryggingafélag Ísland, Actavis og Landsbanki Íslands. Iceland Express gaf fargjald. SkjárEinn hefur gefið ómælda vinnu í gerð þáttarins, auk auglýsinga á SkjáEinum og öðrum fjölmiðlum. Símsvörunarfyrirtækið Skúlason ehf. mun veita aðstöðu og gefa vinnu sína í kvöld.