20. nóvember 2015

Forsetaframboð, nafnabreyting og Justin Bieber á túr … til að vekja athygli á óréttlæti gagnvart börnum í heiminum

Óvenjuleg myndbönd nokkurra hressra góðvina UNICEF á Íslandi hafa vakið athygli á samfélagsmiðlum í dag. Halldóra Geirharðsdóttir lýsti því í morgun yfir með myndbandi á Facebook-síðu sinni að hún ætlaði að bjóða sig fram til forseta Íslands og Jón Gnarr sagðist myndi gera allt til að fá nafninu sínu breytt aftur í Jón Gunnar Kristinsson. Forsprakki hljómsveitarinnar Vaginaboys lýsti því enn fremur yfir að hljómsveitin myndi hita upp fyrir Justin Bieber á tónleikaferðalagi hans um Evrópu.