11. apríl 2012

Safnað fyrir Sahel í Kringlunni!

Nýverið ómuðu fagrir fiðlutónar í Kringlunni. Þar var á ferð Ágústa Dómhildur Karlsdóttir fiðlusnillingur sem ákvað að leggja neyðarsöfnun UNICEF fyrir Sahel-svæðið lið með því að spila í Kringlunni. Gestir Kringlunnar tóku vel í söfnunina og gáfu alls 30 þúsund krónur. Ágústa afhenti UNICEF söfnunarféð á skrifstofunni í gær og er UNICEF henni þakklátt fyrir þetta skemmtilega framtak.