Með tónleikunum er sleginn lokatónninn í átakinu sem ber yfirskriftina yfirskriftina „Þróunarsamvinna ber ávöxt“ en það hefur staðið frá því á mánudag. Makmið þess er að auka skilning og þekkingu almennings á málefnum þróunarlanda og vekja Íslendinga betur til vitundar um samfélagslegar og siðferðilegar skyldur þjóðarinnar í baráttunni gegn Þróunarsamvinna ber ávöxt“ en það hefur staðið frá því á mánudag. Makmið þess er að auka skilning og þekkingu almennings á málefnum þróunarlanda og vekja Íslendinga betur til vitundar um samfélagslegar og siðferðilegar skyldur þjóðarinnar í baráttunni gegn fátækt, vannæringu og ójöfnuði í heiminum.

Undirtitill átaksins í ár var „Komum heiminum í lag“ en félagasamtökin fengu landsþekkta tónlistarmenn til að leggja málefninu lið og koma skilaboðum átaksins í „lag“. Tónlistarmennirnir sömdu fimm mismunandi lög við texta Sævars Sigurgeirssonar og hefur eitt lag verið frumflutt á dag á Rás 2 og netinu þessa vikuna. Þessir tónlistarmenn koma fram á tónleikunum á Rósenberg. Þá hefur almenningur spreytt sig á lagasmíð við texta Sævars og sent inn lög á Fésbókarsíðu átaksins. Eitt þessara laga verður valið til flutnings á tónleikunum á laugardagskvöldið.

Sem fyrr segir hefjast tónleikarnir kl. 22.00 og aðgangseyrir er kr. 1.000.

Að átakinu standa ABC barnahjálp, Afríka 20:20, Barnaheill – Save the Children á Íslandi, Barnahjálp Sameinuðu þjóðanna – UNICEF á Íslandi, Félag Sameinuðu þjóðanna á Íslandi, Hjálparstarf kirkjunnar, Rauði krossinn, Samband íslenskra kristniboðsfélaga, SOS barnaþorpin á Íslandi, UN Women og Þróunarsamvinnustofnun Íslands.