29. janúar 2020 Unnið var að því í vöruhúsi UNICEF í Kaupmannahöfn í gær að senda neyðargögn til Kína til að aðstoða yfirvöld þar í landi í baráttunni gegn kórónaveirufaraldrinum þar í landi.

Meðal þess sem fer til Wuhan-héraðsins nú eru tæplega 19 þúsund hlífðarbúningar, rúmlega 18 þúsund öndunargrímur og tæplega 1.600 skurðstofugrímur. Byggir sendingin á neyðarviðbragðsáætlun UNICEF og greiningarvinnu og þörf á svæðinu. Á meðfylgjandi myndum má sjá þegar verið var að taka saman neyðargögnin og koma þeim um borð í flugvél.

Nærri sex þúsund tilfelli kórónaveirunnar hafa verið staðfest í landinu og önnur níu þúsund eru sögð til rannsóknar þar. Alls hafa 132 látið lífið af völdum veirunnar sem hefur nú greinst í 15 löndum.