Árið 2022 hóf UNICEF á Íslandi samstarf við Moomin Characters Ltd. Samstarfið byggði á því að hanna áskriftarleið fyrir Heimsforeldra UNICEF sem myndi bæði efla lestrarskilning og áhuga barna og tryggja börnum útum allan heim aðgengi að menntun. 

Múmín hugmyndafræðin á rætur að rekja til grunngilda um kærleika, umburðarlyndi og ævintýri, gildi sem UNICEF tileinkar sér líka.  

12 mánaða ævintýrið um Múmíndal hefst á því að Heimsforeldrar fá sent til sín múmínálfa leikhús. Við bætum svo við í hverjum mánuði karakterum, söguspjöldum, leikjaspjöldum og aukahlutum í umhverfið fyrir leikhúsið. Þannig getur þú ásamt barni þínu skapað sannkallaðan ævintýraheim. Markmið okkar er að hvetja börn til að leika sér, nota ímyndunaraflið og sköpunarkraftinn, samhliða því að skapa gæðatíma utan skjás fyrir fjölskylduna. 

Leikur er mikilvægur miðill fyrir lesþroska barna. Á meðan börn leika sér og eiga samskipti fá þau aukið innsæi um það hvernig tungumál virkar. Þau æfa sig í fjölmörgum blæbrigðum í þykjustuleik og öðlast innsýn í merkingu ritaðs máls. 

Framlög Heimsforeldra UNICEF eru kjarnaframlög samtakanna og tryggja meðal annars aðgengi barna að menntun útúm allan heim. 

Með því að skrá þig í ferðarlagið um Múmíndal skráir þú þig sem Heimsforeldri UNICEF. 

Lágmarksupphæð til að skrá sig eru 3500 krónur. Það eru hins vegar engar takmarkanir fyrir hámarksupphæð á framlagi Heimsforeldra.

Ferðalag þitt með múmínfjölskyldunni stendur yfir í 12 mánuði. Sem Heimsforeldri tilheyrir þú einnig annarri og stærri fjölskyldu UNICEF, Barnahjálpar Sameinuðu þjóðanna. Með mánaðarlegu framlagi þínu styrkir þú ekki eitt barn, heldur hjálpar börnum um allan heim í gegnum starf UNICEF í yfir 190 löndum. Heimsforeldrar mynda öryggisnet fyrir öll börn og gera heiminn að betri stað, til frambúðar.

Sem Heimsforeldri vinnur þú gegn barnaþrælkun og barnahjónaböndum, tryggir börnum menntun, hreint vatn, næringu, húsaskjól, neyðaraðstoð og sálrænan stuðning svo fátt eitt sé nefnt.   

Þetta er fjölskylduferðalag sem er svo sannarlega þess virði að fara í.  

Ef þú ert nú þegar Heimsforeldri og vilt upplifa ævintýri í Múmíndal þá getur þú haft samband á unicef@unicef.is eða í síma 5526300.

Eftir að 12 mánaðarferðarlaginu um Múmíndal lýkur, þá tekur við annað ferðarlag þar sem við höldum áfram að skoða áhrif þín á líf barna útúm allan heim sem Heimsforeldri.

Það er ekki uppsagnarfrestur en við mælum með að halda allaveganna áfram í 12 mánuði sem Heimsforeldri til að ná að upplifa heildar ferðarlagið með UNICEF og Múmín.

Heimsforeldrar styðja mikilvæg störf UNICEF í þágu velferðar og réttinda allra barna. 

Sem Heimsforeldri gætir þú að velferð barna um heim allan. Þú hjálpar börnum sem eiga undir högg að sækja, börnum á öllum aldri, í ólíkum aðstæðum.  

Í dag gæti gjöf þín sem Heimsforeldri hjálpað ungri stúlku að ganga í skóla í fyrsta sinn. Á morgun gæti barn fengið meðferð við alvarlegri vannæringu eða losnað undan barnaþrælkun. 

Sem Heimsforeldri styður þú ekki við eitt barn í einu samfélagi heldur hjálpar börnum um allan heim þar sem þörfin er mest hverju sinni. 

UNICEF er leiðandi í hjálparstarfi fyrir börn í heiminum. Við sinnum langtímauppbyggingu og neyðaraðstoð og erum á vettvangi í yfir 190 löndum. Vertu með! 

Allur stuðningur við starf UNICEF er mikilvægur. Við fögnum því hverju einasta framlagi. Það sem gerir mánaðarlegar gjafir Heimsforeldra hins vegar einstakar er að þær gera okkur kleift að skipuleggja starfið til lengri tíma og stuðla þannig að varanlegum breytingum til frambúðar. Auk þess er stuðningur Heimsforeldra ekki eyrnamerktur tilteknu svæði eða börnum, heldur fer framlagið þangað sem þörfin er mest hverju sinni.  

UNICEF er til staðar í yfir 190 löndum, við erum með sérfræðinga á vettvangi sem meta það hver þörfin er hverju sinni og hvaða verkefni þurfa að vera í forgangi. Kjarnarframlög Heimsforeldra eru sveigjanlegt fjármagn sem gefur okkar fólki á vettvangi rými til að meta þörf barna og aðstæður hverju sinni og setja fjármagnið þar sem þörfin er mest.  

Þar sem UNICEF er á vettvangi gera kjarnaframlög okkur kleift að bregðast við um leið og neyðarástand verður. Við erum undirbúin þeim og fáum fjármagn frá kjarnaframlögum Heimsforeldra til að bregðast samstundis við, því við vitum að hver einasta sekúnda skiptir máli.  

Kjarnaframlög Heimsforeldra gera okkur því kleift að bregðast samstundis við þegar neyðarástand brýst út, vera áfram til staðar fyrir börn eftir að kastljós fjölmiðla er farið annað og sinna hjálparstarfi á svæðum sem njóta engrar fjölmiðlaathygli. Það er afar dýrmætt að geta stýrt framlögum þangað sem neyðin er mest, óháð kastljósi fjölmiðla. 

Við reynum að halda öllum aukalegum bankakostnaði í lágmarki svo sem mest af framlaginu skili sér áleiðis á réttan stað. Til að sleppa við færslugjöld er hægt að skrá kredit/debetkort í staðinn.

Ef pakkinn þinn hefur ekki borist er best að hafa samband við okkur á unicef@unicef.is eða í síma 5526300.

Í upphafi ferðarlagsins um Múmíndal færð þú sent múmínleikhús til að setja saman, karaktera í leikhúsið, kort af Grenivík þar sem sagan okkar gerist og límmiða til að merkja inn á kortið þá staði sem þú hefur heimsótt. Við bætum svo við í hverjum mánuði karakterum, söguspjöldum, leikjaspjöldum og aukahlutum í umhverfið fyrir leikhúsið. Þannig getur þú ásamt barni þínu skapað sannkallaðan ævintýraheim.