30. júní 2011

Vaxandi neyð í Austur-Afríku: Mikilvægt að fylgjast vel með

UNICEF hefur miklar áhyggjur af matarskorti og flóttamannastraumi í Austur-Afríku. Ástandið má rekja til skelfilegrar blöndu af þurrkum, langvarandi og stigvaxandi átökum og hækkandi matvælaverði. Samtökin telja að ástandið ógni lífi og heilsu milljóna barna og kvenna og hvetur stjórnvöld og styrktaraðila til að bregðast við með hraði.