Takk fyrir að standa vörð

um réttindi barna

Heimsforeldrar

eru hugsjónafólk

Í dag er góður dagur! Þú hjálpaðir börnum að mennta sig, tókst þátt í að veita vannærðum börnum meðferð, krafðist þess að yfirvöld virtu réttindi barna og veittir börnum á flótta hjálp. Sem Heimsforeldri muntu gera það sama á morgun. Og hinn daginn ...

UNICEF býður öllum nýjum Heimsforeldrum í rafræna heimsreisu sem tekur þá frá einu landi til annars og gefur þeim innsýn inn í baráttu UNICEF víðsvegar í heiminum.

Takk fyrir að vera með okkur í liði og vilja gera heiminn að betri stað fyrir börn.

Algengar spurningar

Já! Í nóvember 2021 tóku gildi ný lög um skattalega hvata til almannaheillastarfsemi. Lögin fela í sér nýja heimild fyrir einstaklinga til að draga allt að 350 þúsund krónur á ári frá skattskyldum tekjum sínum utan atvinnurekstrar vegna framlaga til almannaheillastarfsemi, eins og UNICEF.

Þú getur notað sérstaka skattareiknivél UNICEF með því að smella hér.

Mikilvægt er að tilkynna okkur um það þegar skipt er um bankareikning eða kreditkort. Að öðrum kosti munu styrkir ekki berast okkur. Öruggast er að hringja í okkur í síma 552 6300 og tilkynna um nýjar upplýsingar. Við mælum gegn því að svo viðkvæmar upplýsingar séu sendar með tölvupósti. Breytingar á heimilisfangi eða tölvupóstfangi má tilkynna okkur með því að senda póst á netfangið unicef@unicef.is eða hringja í okkur í síma 552 6300. Endilega látið okkur vita um allar slíkar breytingar svo við getum tryggt að ykkur berist áfram samskiptaefni frá okkur. Takk takk!

Þú getur hækkað framlag þitt hvenær sem er með því að smella hér! Þú getur einnig hækkað eða lækkað framlagið þitt með því að senda okkur línu á netfangið unicef@unicef.is eða haft samband í síma 552 6300. Við græjum þetta fljótt og örugglega.

Að vera Heimsforeldri er algjörlega valfrjálst. Heimsforeldrar geta því hætt hvenær sem þeir kjósa. Þú hefur einfaldlega samband við okkur í síma 552 6300 og við afskráum þig um hæl. Vegna vinnulags banka og greiðslukortafyrirtækja kann sú staða þó að koma upp að því miður ekki sé hægt að stöðva skuldfærslu fyrir komandi mánuð. Mánuðinn þar á eftir verður þú svo að sjálfsögðu ekki skuldfærð/ur.

Það skiptir okkur miklu máli að það sé ánægjuleg reynsla fyrir þig að vera Heimsforeldri. Ef þú ert með ábendingu um hvað betur má fara eða vilt koma athugasemdum áleiðis hvetjum við þig til að senda okkur tölvupóst á netfangið unicef@unicef.is eða hafa samband við okkur í síma 552 6300. Allar ábendingar eru afar vel þegnar. Við hlökkum til að heyra frá þér!

Vissir þú?

Á síðastliðnu ári hefur þú hjálpað okkur að bregðast við neyð barna um allan heim, frá Gaza og Úkraínu til Haítí, Jemen, Súdan og Mjanmar. Þú hefur hjálpað milljónum barna að komast í öruggt skjól með aðgengi að hreinu vatni og hreinlætisþjónustu. Þú hefur tryggt menntun barna og bólusetningar gegn lífshættulegum sjúkdómum og gert UNICEF kleift að bjarga lífi vannærðra barna. Þú hefur einnig tekið þátt í því að styrkja seiglu samfélaga svo þau geti betur brugðist við áhrifum loftslagsbreytinga.

Hugsjón Heimsforeldra og stuðningur þinn er hornsteinn vinnu okkar og ástæðan fyrir því að við getum haldið áfram að hafa jákvæð áhrif á líf milljóna barna.

Í stuttu máli: Þú tókst virkan þátt í því með okkur að gera heiminn að betri stað - Takk fyrir að standa með börnum heimsins.