Nemendur í 10. bekk Vogaskóla komu á skrifstofu UNICEF á Íslandi í dag með heldur betur góða gjöf. Krakkarnir höfðu tekið þátt í Fjármálaleikunum í ár, sem er spurningakeppni sem ætlað er að efla fjármálalæsi grunnskólanemenda, og lentu þar í 3. sæti. Því verðlaunasæti fylgdi 50 þúsund króna verðlaunafé sem tíundabekkingar Vogaskóla ákváðu að gefa í neyðarsöfnun UNICEF á Íslandi vegna Úkraínu.

UNICEF á Íslandi þakkar krökkunum í Vogaskóla kærlega fyrir stuðninginn.  

Ef þú vilt fylgja fordæmi krakkanna í Vogaskóla og styrkja neyðarsöfnun UNICEF á Íslandi vegna Úkraínu finnur þú allar upplýsingar um það hér.