Markaðsrannsóknarfyrirtækið EMC rannsóknir færði á dögunum UNICEF á Íslandi styrk upp á 300 þúsund krónur sem þakka má þátttakendum í rannsóknum fyrirtækisins á árinu.

Eftir hvert svar tekur fyrirtækið frá upphæð sem rennur til góðgerðarmála og var að þessu sinni ákveðið að styrkja UNICEF, Barnahjálp Sameinuðu þjóðanna. Þegar upp var staðið nam fjárhæðin 300 þúsund krónum í ár. Sannarlega glæsilegt framtak.

UNICEF á Íslandi þakkar EMC rannsóknum og öllum þátttakendum í rannsóknum þeirra á árinu kærlega fyrir stuðninginn.